दानिएल 7:8 - नेवाः बाइबल

⁸ “जिं नेकूत स्‍वयाच्‍वनाबलय् नेकूतय् दथुइ छक्‍वलं मेगु चिपुगु नेकू बुयावल। अले व न्‍हूगु नेकुलिं न्‍हापायागु स्‍वंगुलिं नेकूयात हानापं लेहें थनाछ्वल। व नेकुलिइ मनूयागु थें मिखा व तःधंछुयाः खँ ल्‍हाइगु म्‍हुतु दु।

दानिएल 7:8 ပူးပေါင်းရင်းမြစ်များ

भजनसंग्रहया सफू 12:3

परमप्रभु, पिचुगु मे फुक्‍क ध्‍यनाबियादिसँ, अले तःधंछुया जुइगु म्‍हुतुप्‍वाः तिनाबियादिसँ।

दानिएल 11:36

“व जुजुं थः यःथें यानाः थःत फुक्‍क द्यःत स्‍वयाः तःधंकी अले द्यःतय् नं परमेश्‍वरयात म्‍हुतु वाइ। परमेश्‍वरया तं क्‍वमलाःतले व ताःलाइ, छाय्‌धाःसा छु क्‍वःछ्यूगु खः व पूवने हे माः।

दानिएल 7:19

“अले जितः व मेपिं स्‍वयाः पाःम्‍ह तसकं ग्‍यानापुसे च्‍वंम्‍ह प्‍यम्‍हम्‍ह जन्‍तुया अर्थ सीकेमास्‍ति वल। वयागु नँया वा व कँय्‌यागु लुसिं शिकारयात कुचा कुचा याइगु अले नइगु, ल्‍यं दुगुयात धाःसा तुतिं न्‍हुत्तुन्‍हुइगु।

२ थेसलोनिकी 2:4

वं थथःम्‍हं तःधं जुयाः मनूतय्‌सं परमेश्‍वर धयाच्‍वंगु व पुजा यानाच्‍वंगु फुक्‍कयात क्‍वह्यंकी। थःम्‍हं थःत परमेश्‍वर धयाः व परमेश्‍वरया देगलय् च्‍वंवनी।

२ तिमोथी 3:2

अबलय्‌यापिं मनूत थःत जक भिंका जुइपिं, धिबायागु लोभ यानाजुइपिं, तःधंछुया जुइपिं, घमण्‍ड यानाजुइपिं, कर्पिन्‍त क्‍वह्यंका जुइपिं, मांबौयागु खँ मन्‍यनीपिं, गुण मस्‍यूपिं, परमेश्‍वरयात वास्‍ता मयाःपिं,

२ पत्रुस 2:18

इमिसं तःधंछुयाः फुइँफाँय् याना जुइ। अले नकतिनि हे जक पापं लिचिलाः धर्मी जुइत कुतः यानाच्‍वंपिं मनूतय्‌त नं लोभ क्‍यनाः मोजमज्‍जा यायेगुलिइ साला हइ।

यहूदा 1:16

थुपिं गुब्‍सं लुमधनिपिं, मेपिनिगु दोष जक मालाजुइपिं, थःत यःथें सना जुइपिं, तःधंछुना जुइपिं, व थःगु ज्‍या तिप्‍यंकेत मेपिन्‍त ह्यय्‌कः जुइपिं खः।

प्रकाश 13:1

अले जिं झिपु नेकू व न्‍हय्‌गः छ्यं दुम्‍ह पशु समुद्रं पिहां वयाच्‍वंगु खना। वयागु नेकू पतिकं श्रीपेच दु। वयागु छ्यं पतिकं परमेश्‍वरयात सराः बीगु नां च्‍वयातःगु दु।

प्रकाश 9:7

थ्‍व क्‍वःबुइँचात लडाइँलय् वनेत्‍यंपिं सल थें च्‍वं। इमिगु छेनय् लुँयागु श्रीपेच थें च्‍वंगु खने दु। इमिगु ख्‍वाःपाः मनूतय्‌गु ख्‍वाःपाः थें च्‍वं।

१ शमूएल 2:3

“छं घमण्‍ड यायेगु त्‍वःताछ्व अले तःधंछुया न्‍वंवायेगु त्‍वःताछ्व। छाय्‌धाःसा परमप्रभु फुक्‍क खँ स्‍यूम्‍ह परमेश्‍वर खः। अले मनूतय्‌सं याःगु फुक्‍क ज्‍याया न्‍याय यानादी।