दानिएल 7:7 - नेवाः बाइबल

⁷ “लिपा चान्‍हय् दर्शनय्, जिं प्‍यम्‍हम्‍ह जन्‍तु खना। व तसकं बल्‍लाः व ग्‍यानापुसे च्‍वं। वयागु नँयागु वां शिकारयात कुचा कुचा याइगु अले नइगु, ल्‍यं दुगुयात धाःसा वं तुतिं न्‍हुत्तुन्‍हुइगु। मेपिं स्‍वम्‍ह जन्‍तु स्‍वयाः व पाः, वयाके झिपु नेकू दु।

दानिएल 7:7 ပူးပေါင်းရင်းမြစ်များ

२ शमूएल 22:43

जिं इमित धू जुइक दाया। मनूतय्‌सं लँय् ध्‍याचःयात न्‍हुत्तुन्‍हुगु थें जिं इमित न्‍हुत्तुन्‍हुया।

अय्‍यूब 41:14

सुनां वयागु म्‍हुतुया लुखा चाय्‌केगु साहस याइ? छाय्‌धाःसा वयागु वायागु झ्‍वः ग्‍यानपुस्‍से च्‍वं।

इजकिएल 40:2

दर्शनय् परमेश्‍वरं जितः इस्राएल देशय् यंकादिल, अले अन छगू तसकं तःजाःगु पर्वतय् तयादिल। उकिया दच्‍छिनपाखे जिं शहरय् थें यक्‍व छेँ खना।

दानिएल 2:19

व हे चान्‍हय् दर्शनय् दानिएलयात व सुलाच्‍वंगु खँयागु अर्थ उलाक्‍यन। अले दानिएलं स्‍वर्गयाम्‍ह परमेश्‍वरयात च्‍वछायाः थथे धाल,

दानिएल 7:13

“चान्‍हय्‌यागु जिगु दर्शनय् जिं मनूया काय् थें च्‍वंम्‍ह सुं छम्‍ह आकाशया सुपाँय्‌नापं झायाच्‍वंगु खना। अले वय्‌कः न्‍ह्याबलें म्‍वानाच्‍वनादीम्‍हय्‌सिया थ्‍यन अले इमिसं वय्‌कःयात वय्‌कःया न्‍ह्यःने हल।

दानिएल 7:2

दानिएलं धाल, “उखुन्‍हु चान्‍हय् जिं खनागु दर्शन थथे दु – प्‍यखेरं वःगु फसं समुद्रया लःयात संकाच्‍वन।

दानिएल 8:10

व थुलि बल्‍लात कि वं स्‍वर्गया सेना व नगुतय्‌त हमला यात। अले नगुयात पृथ्‍वीइ क्‍वफानाः तुतिं न्‍हुत्तुन्‍हुल।

दानिएल 8:22

व त्‍वधूगु नेकूया थासय् बुयावःगु प्‍यंगू नेकूया अर्थ थथे खः – व हे देशं प्‍यंगू देश पिहां वइ, तर इमिके उलि बल दइ मखु।

जकरिया 2:1

हाकनं जिं थस्‍वया, अले जिं ल्‍हातय् दाना स्‍वयेगु खिपः छपु ज्‍वनातःम्‍ह छम्‍ह मनू खना।

प्रकाश 12:3

हानं मेगु छगू चिं स्‍वर्गय् खनेदत। छम्‍ह तसकं ग्‍यानापुसे च्‍वंम्‍ह, ह्याउँसे च्‍वंम्‍ह, न्‍हय्‌गः छ्यं, झिपु नेकू व न्‍हय्‌गः छेनय् श्रीपेच दुम्‍ह अजिङ्गरयात खना।

प्रकाश 13:1

अले जिं झिपु नेकू व न्‍हय्‌गः छ्यं दुम्‍ह पशु समुद्रं पिहां वयाच्‍वंगु खना। वयागु नेकू पतिकं श्रीपेच दु। वयागु छ्यं पतिकं परमेश्‍वरयात सराः बीगु नां च्‍वयातःगु दु।

प्रकाश 17:12

छं खंगु झिपु नेकूयागु अर्थ आः तक जुजु मजूनिपिं झिम्‍ह जुजुपिं खः। अय्‌नं व पशुनाप नाप तुं इपिं छुं ई तक जक जूसां जुजु जुइतिनि।

प्रकाश 17:7

अले स्‍वर्गदूतं जितः धाल – “छाय् छक्‍क जुया? व मिसायागु गुप्‍त खँ जिं छन्‍त कने। व मिसां गया च्‍वंम्‍हय्‌सिके दुगु न्‍हय्‌गः छ्यं व झिपु नेकू दुम्‍ह पशुयागु अर्थ नं कनाबी।

प्रकाश 17:8

व पशु न्‍हापा ला दुम्‍ह खः, आः मदु। व हे पशु तःजाःगु गालं पिहां वइतिनि। अले नाश नं जुइतिनि। संसारयात सृष्‍टि याये न्‍ह्यःनिसें जीवनयागु सफुलिइ नां च्‍वया मतःपिं मनूत व पशुयात खनाः तसकं छक्‍क जुइ, छाय्‌धाःसा व पशु न्‍हापा दु, आः मदु, अले लिपा वइतिनि।