दानिएल 7:4 - नेवाः बाइबल

⁴ “न्‍हापां पिहांवःम्‍ह सिंह थें च्‍वंम्‍ह जन्‍तु खना, तर वयाके इमायाके थें पपू दु। जिं स्‍वयाच्‍वनाबलय् हे वयागु पपू पुल। अले व जन्‍तुयात मनू थें निपु तुतिं थनाबिल अले वयात मनूयागु मन बिल।

दानिएल 7:4 ပူးပေါင်းရင်းမြစ်များ

२ शमूएल 1:23

“शाऊल व जोनाथन म्‍वानाच्‍वंबलय् मनूतय् यःपिं व मनूतय्‌त तसकं दयामाया याइपिं खः। सी धुंकाः नं इपिं थ्‍वपाखें अलग मजू। इपिं इमा स्‍वयाः नं अप्‍वः ब्‍वाँय् वनीपिं खः, अले इपिं सिंहत स्‍वयाः नं तसकं बल्‍लाःपिं खः।”

अय्‍यूब 25:6

थुकथं हे परमेश्‍वया मिखाय् मनूत की थें खः, झीपिं सीमानिपिं मनूत किमि थें जक खः।”

भजनसंग्रहया सफू 9:20

हे परमप्रभु, इमित ख्‍यानादिसँ! जाति जातियापिन्‍त थःपिं सीमानिपिं खः धकाः सीकेबियादिसँ। सेला

यर्मिया 25:38

सिंहं थें वय्‌कलं थःगु गुफा त्‍वःतादी, अले क्‍वत्‍यलिपिनिगु तरवार व परमप्रभुया तच्‍वःगु तमं यानाः इमिगु देश झिजांमिजां दनी।

यर्मिया 4:13

स्‍व, व सुपाँय् थें हथासं वयाच्‍वंगु दु। वयागु रथ ग्‍वःफय् थें व वयागु सल इमा स्‍वयाः तसकं ब्‍वाँय् वनी। आः गथे याये! जिपिं नाश जुइ धुंकल।

यर्मिया 4:7

छम्‍ह सिंह थःगु गुफां पिहां वःगु दु। जातितय्‌त नाश याइम्‍ह पिहां वये धुंकूगु दु। छिमिगु देशयात नाश यायेत व थःगु थासं पिहां वये धुंकूगु दु। छिमिगु शहर मनूत मदयाः नाश जुइ।

यर्मिया 48:40

परमप्रभुं थथे धयादी, “स्‍व, छम्‍ह इमा मोआबया च्‍वय् थःगु पपू चक्‍कंकाः हथासं ब्‍वयाः वयाच्‍वंगु दु।

यर्मिया 49:19

स्‍व! यर्दनया झालं यक्‍व घाँय्‌ख्‍यः दुगु थासय् सिंह वः थें, जिं एदोमयात पलखं हे वयागु देशं लिनाछ्वये। अले सुयात जिं ल्‍यये वयात हे जिं तये। छाय्‌धाःसा जि थें जाःम्‍ह सु दु? सुनां जितः चुनौती बी फु? जिगु न्‍ह्यःने दनाच्‍वने फुम्‍ह सु फैजवाः दु?”

विलाप 4:19

जिमित लित्तुलिपिं आकाशय् ब्‍वइपिं इमा स्‍वयाः नं याकनं ब्‍वांवनी। इमिसं जिमित पहाडय् लित्तुलिल, जिमित हमला यायेत इपिं मरुभूमिइ सुलाच्‍वन।

इजकिएल 17:3

इमित धा, ‘परमप्रभु परमेश्‍वरं थथे धयादी – बल्‍लाःगु पपू व ताहाकःगु रंगिबिरंगी पा दुम्‍ह छम्‍ह तःधीम्‍ह इमा लेबनानय् ब्‍वयाः वल, अले वं छपु देवदारुया दकलय् च्‍वय्‌च्‍वंगु च्‍वका ज्‍वन।

इजकिएल 28:2

“अय् सीमानिम्‍ह मनू, टुरोसयाम्‍ह जुजुयात धा, ‘परमप्रभु परमेश्‍वरं थथे धयादी – “‘छं तःधंछुयाः थथे धाःगु दु, जि छम्‍ह द्यः खः, जि समुद्रया दथुइ द्यःयागु सिंहासनय् च्‍वंच्‍वनागु दु। तर छ छम्‍ह मनू जक खः, द्यः मखु, खः ला, छं थःत द्यः ति हे बुद्धिमान ताय्‌कूगु दु।

इजकिएल 28:9

छु छन्‍त स्‍याइपिनिगु न्‍ह्यःने छं अज्‍ज नं “जि द्यः खः” धकाः धायेगु ला? छन्‍त स्‍याइपिनिगु ल्‍हातय् छ द्यः मखु, मनू जक जुइ।

दानिएल 2:38

छःपिनि ल्‍हातय् वय्‌कलं मानव जाति व गुँपशुत अले आकाशयापिं झंगःपंक्षीत तयादीगु दु। इपिं न्‍ह्याथाय् च्‍वंसां वय्‌कलं छःपिन्‍त हे इपिं फुक्‍कसिया शासक दय्‌कादीगु दु। छःपिं हे व लुँया छ्यं खः।

दानिएल 4:36

जिगु बुद्धि लिहां वःबलय् जिगु महिमा, हनाबना, व जिगु राज्‍यया गौरव जितः लित बिल। जितः सल्‍लाह बीपिं व भारदारत जितः नापलाः वयेगु यात। अले जि हाकनं थःगु गद्दीइ लिहां वया अले जि न्‍हापा स्‍वयाः तःधन।

दानिएल 7:12

मेपिं जन्‍तुतय्‌गु अधिकार लाकाकाल तर छुं ई तक इमित म्‍वाके बिल।

दानिएल 7:5

“अले भालू थें च्‍वम्‍ह निम्‍हम्‍ह जन्‍तु खना। व छखेपाखें दनाच्‍वंगु दु। वयागु म्‍हुतुया वायागु दथुइ स्‍वपु बपिक्‍वँय् दु। छगू सलं वयात धाल, ‘दनाः प्‍वाः जाय्‌क ला न।’

मत्ती 24:28

गन सीम्‍ह दु अन गिद्ध नं मुं वइ।”

व्‍यवस्‍था 28:49

तःधिकःम्‍ह इमा स्‍वात्त क्‍वय् कुहां वइगु थें हे परमप्रभुं छिमिगु विरोधय् तापाकं पृथ्‍वीयागु कुन्‍चानिसें छिमिसं मथूगु भाय् ल्‍हाइपिं छगू जाति हयादी।

प्रकाश 13:2

व पशु चितुवा थें च्‍वं। वयागु तुति भालुयागु, म्‍हुतु सिंहयागु थें च्‍वं। अले वयात हे अजिङ्गरं थःगु शक्ति, थःगु सिंहासन व तःधंगु अधिकार बिल।