दानिएल 7:2 - नेवाः बाइबल

² दानिएलं धाल, “उखुन्‍हु चान्‍हय् जिं खनागु दर्शन थथे दु – प्‍यखेरं वःगु फसं समुद्रया लःयात संकाच्‍वन।

दानिएल 7:2 ပူးပေါင်းရင်းမြစ်များ

यशैया 17:12

न्‍यँ! यक्‍व जाति जातितय् दथुइ खलबल जूगु दु, समुद्र हाःगु सः थें अले समुद्रय् वइगु किसिद्वंम्‍बःया सः थें इमिगु सः ताये दु।

यर्मिया 49:36

जिं एलामया विरोधय् आकाशया प्‍यखेंपाखें प्‍यंगू फय् हयाबी। जिं इमित छ्यालब्‍याल यानाबी अले एलामं बिस्‍युं वंपिं मथ्‍यंगु जाति छुं नं दइ मखु।

यर्मिया 51:42

बेबिलोनया च्‍वय् समुद्र थाहां वइ, उकिया थ्‍वय्‌क हालीगु लबुं वयात त्‍वपुयाबी।

दानिएल 11:4

अय्‌नं व बल्‍लायेवं वयागु देश कुचा कुचा जुयाः उत्तर, दच्‍छिन, पुर्ब व पच्‍छिमय् ब्‍वथली। व देश वया सन्‍तानतय्‌त दइ मखु, मेपिन्‍सं वयागु पलेसा शासन याइ। अय्‌नं इपिं व थें बल्‍लाइ मखु छाय्‌धाःसा वयागु साम्राज्‍य लाकाकयाः मेपिन्‍त बीगु जुइ।”

दानिएल 2:19

व हे चान्‍हय् दर्शनय् दानिएलयात व सुलाच्‍वंगु खँयागु अर्थ उलाक्‍यन। अले दानिएलं स्‍वर्गयाम्‍ह परमेश्‍वरयात च्‍वछायाः थथे धाल,

दानिएल 7:13

“चान्‍हय्‌यागु जिगु दर्शनय् जिं मनूया काय् थें च्‍वंम्‍ह सुं छम्‍ह आकाशया सुपाँय्‌नापं झायाच्‍वंगु खना। अले वय्‌कः न्‍ह्याबलें म्‍वानाच्‍वनादीम्‍हय्‌सिया थ्‍यन अले इमिसं वय्‌कःयात वय्‌कःया न्‍ह्यःने हल।

दानिएल 7:7

“लिपा चान्‍हय् दर्शनय्, जिं प्‍यम्‍हम्‍ह जन्‍तु खना। व तसकं बल्‍लाः व ग्‍यानापुसे च्‍वं। वयागु नँयागु वां शिकारयात कुचा कुचा याइगु अले नइगु, ल्‍यं दुगुयात धाःसा वं तुतिं न्‍हुत्तुन्‍हुइगु। मेपिं स्‍वम्‍ह जन्‍तु स्‍वयाः व पाः, वयाके झिपु नेकू दु।

दानिएल 8:2

दर्शनय् जिं थःत एलाम प्रान्‍तया राजधानी शूशन शहरय् खना। शूशन शहरया प्‍यखेरं पःखाः ग्‍वयातःगु दु। दर्शनय् जि ऊलै खुसिया सिथय् दनाच्‍वनागु दु।

दानिएल 8:8

अले दुगु झन तःधंछु जुल, व तसकं बल्‍लाःबलय् वयागु नेकू त्‍वधुल। उगु थासय् प्‍यखेपाखे स्‍वःगु प्‍यपु अजू चाइपुगु नेकू बुयावल।

जकरिया 6:5

स्‍वर्गदूतं जितः धाल, “थुपिं स्‍वर्गया प्‍यंगू आत्‍मा खः। थुपिं दक्‍व पृथ्‍वीयाम्‍ह परमप्रभुया न्‍ह्यःने दना च्‍वनीपिं खः, अय्‌नं आः पिहां वःगु दु।

मत्ती 24:31

अले तुरहीया सःलिसें मनूया काय्‌नं स्‍वर्गदूततय्‌त पृथ्‍वीया प्‍यखें छ्वइ। इमिसं परमेश्‍वरं ल्‍ययातःपिन्‍त मुंका हइ।

प्रकाश 17:15

अले स्‍वर्गदूतं जितः हानं धाल – “छं खंगु मिसाया लिक्‍क दुगु लःयागु अर्थ देश देशयापिं मनूत, जात जातियापिं मनूत व थीथी भाषां नवाइपिं मनूतय्‌गु हुल खः।

प्रकाश 7:1

अनं लिपा सिमा, समुद्र व पृथ्‍वीइ फय् वने मजीक प्‍यम्‍ह स्‍वर्गदूतत पृथ्‍वीयागु प्‍यंगू कुन्‍चाय् च्‍वनाः फय् प्‍वाः तिनाच्‍वंगु जिं खना।