दानिएल 7:16 - नेवाः बाइबल

¹⁶ अन दनाच्‍वंपिं मध्‍ये जि छम्‍हय्‌सिथाय् वनाः थुपिं फुक्‍क खँया अर्थ न्‍यना। वं थथे धयाः जितः अर्थ कन।

दानिएल 7:16 ပူးပေါင်းရင်းမြစ်များ

दानिएल 7:10

अले व गद्दीं तःधाःगु मित्‍याः मदिक्‍क पिहां वयाच्‍वंगु दु। द्वलंद्वः मनूत वय्‌कःया सेवा यायेत न्‍ह्यःने दु। वय्‌कःया न्‍ह्यःने लखंलख मनूत दनाच्‍वंगु दु। न्‍याययागु अदालत अन हे च्‍वन। अले सफूत प्‍वल।

दानिएल 7:17

‘थुपिं ततःधिकःपिं प्‍यम्‍ह जन्‍तु पृथ्‍वीइ पलिस्‍था जुइगु प्‍यंगू राज्‍य खः।

दानिएल 8:17

गब्रिएल जि दनाच्‍वनागु थासय् वःबलय् जि ग्‍यानाः बँय् दल। वं जितः धाल, “हे सीमानिम्‍ह मनू, थ्‍व दर्शनं अन्‍तया ईया बारे धाइ।”

दानिएल 9:22

वं जितः थुइकाबिल, “हे दानिएल, छन्‍त बुद्धि व थुइकेगु ग्‍यां व ग्‍वाहालि बीत जि छन्‍थाय् वयागु दु।

जकरिया 1:19

जि लिसे खँ ल्‍हाःम्‍ह स्‍वर्गदूतयात जिं न्‍यना, “थ्‍व नेकूया अर्थ छु खः?” वं लिसः बिल, “थ्‍व नेकू यहूदा, इस्राएल व यरूशलेमयात छ्यालब्‍याल यानाब्‍यूपिं जातित खः।”

जकरिया 2:3

अबलय् जिलिसें खँ ल्‍हाना च्‍वंम्‍ह स्‍वर्गदूत वन, अले मेम्‍ह स्‍वर्गदूत वयात नापलायेत वल।

जकरिया 3:7

“दक्‍व शक्ति दुम्‍ह परमप्रभुं थथे धयादी, ‘छ जिगु लँपुइ वंसा अले छं जिगु खँ न्‍यंसा छ जिगु छेँ जिम्‍मा काइम्‍ह व जिगु चुकत बिचाःसंचाः याइम्‍ह जुइ। अले थन दना च्‍वनीपिनिगु दथुइ जिं छन्‍त छगूथाय् बी।’

प्रकाश 5:5

अले छम्‍ह थकालिं जितः धाल – “ख्‍वय् मते, यहूदा कुलयाम्‍ह सिंह, दाऊदया तःधंम्‍ह सन्‍तानं थ्‍व भ्‍वंथू फ्‍यनेत व थुकी च्‍वंगु न्‍हय्‌गू छाप प्‍वलेत त्‍याकाः वये धुंकल।”