दानिएल 6:4 - नेवाः बाइबल

⁴ थथे जूगुलिं मेपिं निम्‍ह मन्‍त्रीत व प्रान्‍तयापिं बडा-हाकिमतय्‌सं सरकारी ज्‍याय् दानिएलयागु दोष मालेगु याना हल। तर इमिसं वं छुं मखुगु ज्‍या याःगु लुइके मफुत, छाय्‌धाःसा व विश्‍वास याये बहःम्‍ह मनू खः, व लाः लाः थें यानाजुइम्‍ह मनू मखु।

दानिएल 6:4 ပူးပေါင်းရင်းမြစ်များ

उत्‍पत्ति 41:38

वय्‌कलं इमित धाल, “थ्‍व थें ज्‍याःम्‍ह परमेश्‍वरया आत्‍मा दुम्‍ह मनू झीसं गनं लुइके फइ ला?”

उत्‍पत्ति 43:18

योसेफया छेँय् यंकूगुलिं इपिं ग्‍यात। इमिसं मतिइ तल, “न्‍हापा बोराय् लित बियाहःगु वहःया हुनिं थथे छेँय् हयाः झीत कुनाः दास याइगु जुइ। अले झीगु गधात नं काइगु जुइ।”

हितोपदेश 29:27

धर्मी मनूतय्‌सं दुष्‍ट मनूतय्‌त यय्‌की मखु, दुष्‍ट मनूतय्‌सं धर्मी मनूतय्‌त यय्‌की मखु।

उपदेशक 4:4

अनंलि जिं थ्‍व नं खना कि फुक्‍क दुःखसिया ज्‍या यायेगु व फलिफाप धयागु हे मनूतय्‌सं थः जःलाखःलाया ईख याःगु कारण जक जुइगु खः। थ्‍व नं सितिं वंगु खँ खः, अले फय्‌यात लिइगु थें जक खः।

यर्मिया 18:18

अले इमिसं धाल, “वा! झीसं यर्मियाया विरोधय् ग्‍वसाः ग्‍वयेनु। झीत स्‍यनीपिं पुजाहारी, सल्‍लाह बीपिं बुद्धि दुपिं मनूत व पमेश्‍वरया वचन न्‍यंकीपिं अगमवक्तात कम जुइ मखु। झीसं थःगु वचनं यर्मियायात हमला यायेनु अले वं धाःगु छुं नं खँय् ध्‍यान बी मते।”

यर्मिया 18:23

अय्‌नं हे परमप्रभु, जितः स्‍यायेत स्‍वयाच्‍वंपिनिगु फुक्‍क ग्‍वसाः छिं स्‍यू, इमिगु अधर्मयात क्षमा यानादी मते! थःगु मिखां इमिगु पाप हुयादी मते! इपिं छिगु न्‍ह्यःने नाश जुइमा। थःगु तंया इलय् छिं इपिंलिसें थज्‍याःगु हे व्‍यवहार यानादिसँ।

यर्मिया 20:10

यक्‍वसिनं खुसखुस खँ ल्‍हाःगु जिं न्‍यनागु दु, “प्‍यखें भय हे भय दु, उकिया बारे खबर बीनु, खः, उकिया बारे खबर बीनु!” जिमि फुक्‍क पासापिन्‍सं थथे धयाः जिगु पतन पियाच्‍वंगु दु, “सके वं धोखा नइ ला? अले झीसं वयात त्‍याकाः वयाके बदला काये फइ।”

यर्मिया 29:7

जिं छिमित ज्‍वंकाः गुगु शहरय् छ्वयागु खः, उगु शहरया भिं जूगु यय्‌की, अले उकिया लागि परमप्रभुयात प्रार्थना या। छाय्‌धाःसा व च्‍वन्‍ह्यासा छिपिं नं च्‍वन्‍ह्याइ।”

दानिएल 3:8

अबलय् छुं ज्‍योतिषीतय्‌सं न्‍ह्यःने वयाः यहूदीतय्‌त द्वपं बिल।

दानिएल 5:12

थ्‍व सःस्‍यूम्‍ह मनू दानिएल खः, गुम्‍हय्‌सित जुजुं बेलतसजर धाइगु खः। वयाके तच्‍वःगु मन व ज्ञान दु। व म्‍हगसया अर्थ कने फुम्‍ह खः। क्‍वाःया लिसः बीगुलिसें समस्‍यात ज्‍यंकेगु ज्‍या नं याये फुम्‍ह खः। दानिएलयात सःतके छ्वयादिसँ, अले वं आखःया अर्थ कनाबी।”

दानिएल 6:22

जिं द्वंकागु मदु धकाः परमेश्‍वरं स्‍यूगुलिं वय्‌कलं थः दूत छ्वयाहयाः सिंहतय्‌गु म्‍हुतु तिनादिल। सिंहतय्‌सं जितः घाःपाः याःगु मदु। महाराज, जिं छःपिनिगु नं छुं स्‍यंकागु मदु।”

मत्ती 26:4

अले इमिसं वय्‌कःयात गथे यानाः ज्‍वनाः स्‍यायेगु धकाः ग्‍वसाः ग्‍वल।

मत्ती 27:18

इमिसं वय्‌कःयात स्‍वये मफयाः ज्‍वंकूगु खः धकाः वं बांलाक स्‍यू।

लूका 20:20

अय्‌जूगुलिं इमिसं येशूयात ज्‍वनेत मौका स्‍वयाच्‍वन। इमिसं थः मनूतय्‌त भिंपिं थें च्‍वंक वय्‌कःयाथाय् छ्वल। इमिसं वय्‌कःयात खँ ल्‍ह्वकाः ज्‍वनाः रोमी हाकिमयात लःल्‍हाना बीगु ग्‍वसाः ग्‍वःगु खः।

लूका 20:26

इमिसं वय्‌कःयात मनूतय्‌गु न्‍ह्यःने खँय् बुकाः ज्‍वने मफुत। वय्‌कःयागु लिसः न्‍यनाः इपिं छक्‍क जुल, अले सुम्‍क च्‍वन।

लूका 22:2

तःधंपिं पुजाहारी व शास्‍त्रीतय् येशूयात स्‍यायेगु ग्‍वःसा ग्‍वःगु खः। अय्‌नं मनूत खनाः ग्‍यानाः इमिसं वय्‌कःयात सुलाः स्‍यायेगु ग्‍वःसा ग्‍वयाच्‍वन।

यूहन्‍ना 19:4

पिलातसं हानं पिहां वयाः इमित थथे धाल – “का स्‍व, जिं वयाके छुनं दोष लुइके मफुगु खँ छिमिसं सीमा धकाः वयात छिमिगु हे न्‍ह्यःने छ्वयाहयागु दु।”

२ कोरिन्‍थी 11:12

जिमिसं याना थें याना धकाः फुइँ याना जूपिं मेपिं प्रेरितय्‌त पनेत जिं थथे याना हे च्‍वने।

फिलिप्‍पी 2:15

उकिं छिपिं दोष मदुपिं व स्‍वजापिं जुयाः पापी व मभिंगु मनूतय्‌गु पुचलय् छुं हे ख्‍वं मदय्‌क परमेश्‍वरया मस्‍त जुयाच्‍वँ। नगुतय्‌सं आकाशय् झल्‍ल थीकू थें छिपिं नं इमिगु पुचलय् थिना च्‍वँ।

१ तिमोथी 5:14

अय्‌जूगुलिं भाःत मदय्‌ धुंकूपिं ल्‍यासेपिं मिसातय्‌सं ब्‍याहा यायेगु हे भिं जू। थुपिं मचाखाचा दय्‌काः छेँ बांलाक कःघाना च्‍वनीपिं जुइमाः। अथे जूसा झी शत्रुतय्‌सं नं धायेथाय् दइ मखु।

तीतस 2:8

सुनानं छुं धाये मफय्‌क नवा। अथे जूसा विरोधीतय्‌सं नं छुं धाये मफयाः थः हे लज्‍या चाये माली।

१ पत्रुस 2:12

परमेश्‍वरयात म्‍हमस्‍यूपिं मनूतय्‌गु न्‍ह्यःने छिमिसं थःगु चालचलन बांलाका जु। छिमित आः मभिंका जूसां ख्रीष्‍ट येशू झायाः न्‍याय यानादीबलय् छिमिसं याःगु भिंगु ज्‍याखँ इमिसं सीकी, अले परमेश्‍वरयात तःधंकी।

१ पत्रुस 3:16

थथे लिसः बीबलय् हनाबना तयाः, मिजासं नुगः यचुकाः नवा। थज्‍याःगु भिंगु चालचलनं यानाः छिमित बांमलाका व ब्‍वः बिया च्‍वंपिं मनूत थः हे लज्‍या चाये माली।

न्‍यायकर्ता 14:4

वया मांबौनं थ्‍व परमप्रभुपाखें खः धयागु खँ मस्‍यूगु जुयाच्‍वन। पलिश्‍तीतय्‌गु विरोधय् परमप्रभुं मौका स्‍वयाच्‍वनादीगु खः। छाय्‌धाःसा उबलय् पलिश्‍तीतय्‌सं इस्राएलय् शासन यानाच्‍वंगु खः।

१ शमूएल 12:4

इमिसं लिसः बिल, “छिं जिमित ध्‍वंलाःगु मदु। छिं जिमित क्‍वत्‍यलादीगु मदु। छिं सुं मनूपाखें छुं कयादीगु मदु।”

१ शमूएल 18:14

परमप्रभु व नापं दीगुलिं वं याःगु न्‍ह्यागु ज्‍याय् नं व ताःलात

१ शमूएल 22:14

अहीमेलेकं लिसः बिल, “छसपोलया दासत मध्‍ये दाऊद विश्‍वास याये बहःम्‍ह मनू, जुजुया जिचाभाजु, छि थःगु हे वास्‍ता याइम्‍ह अङ्गरक्षकतय् कप्‍तान अले लाय्‌कुलिइ सकसिनं हनाबना यानातःम्‍ह, छिगु घरानाय् व थें ज्‍याःम्‍ह मेपिं सु दु धकाः?