दानिएल 5:9 - नेवाः बाइबल

⁹ अथे जुयाः जुजु बेलसजर अज्‍ज ग्‍यात अले वयागु ख्‍वाः झन वँचुसे च्‍वन। वया भारदारतय्‌त छु याये छु याये जुल।

दानिएल 5:9 ပူးပေါင်းရင်းမြစ်များ

भजनसंग्रहया सफू 18:14

वय्‌कलं थःगु वाण त्‍वःताः थः शत्रुतय्‌त उखेंथुखें यानादिल। वय्‌कलं मलखं कय्‌काः इमित बुकादिल।

भजनसंग्रहया सफू 48:6

ग्‍यानाः इपिं अन हे मूहाल। मचाबू ब्‍यथा जूम्‍ह मिसा थें इपिं वाथा वाथा कन।

यर्मिया 30:6

छकः न्‍यनाः ला स्‍व! सुं मिजंम्‍हय्‌सिनं मचा बुइके फइ ला? छाय् जिं सकलें मिजंतय्‌सं मचाबू ब्‍यथा जूम्‍ह मिसां थें थःगु प्‍वाथय् ल्‍हाः तःगु खना? छाय् सकसिगु ख्‍वाः सीम्‍ह थें म्‍हासुसे च्‍वंगु?

यर्मिया 6:24

थ्‍व खँ न्‍यनेवं जिमिगु ल्‍हाः याग्‍लाप्‍याग्‍ला जुल। जिमित तसकं कष्‍ट जुल। जिपिं मचाबू ब्‍यथा जूम्‍ह मिसा थें जुल।

दानिएल 10:8

अथे जुयाः जि जक अन च्‍वना, थ्‍व अजू चाइपुसे च्‍वंगु दर्शन स्‍वयाच्‍वना। थुकिं यानाः जिके बल मन्‍त, जिगु ख्‍वालय् रंग नं मन्‍त।

दानिएल 2:1

नबूकदनेसर जुजु जूगु निगूगु दँय् वं छगू म्‍हगस खन। वयात तसकं धन्‍दा जुल व द्यने मफुत।

दानिएल 5:6

वयागु ख्‍वाः वँचुसे च्‍वन। तसकं ग्‍याःगुलिं वयागु निगुलिं पुलि थुरथुर खात।

मत्ती 2:3

थ्‍व खँ न्‍यनाः हेरोद जुजुया तसकं नुगः भाराभारा मिन। यरूशलेमय् च्‍वंपिं फुक्‍क मनूत नं ग्‍यात।

प्रकाश 6:15

अले पृथ्‍वीइ च्‍वंपिं जुजुपिं, ततःधंपिं मनूत, सेनापतित, तःमिपिं, बल्‍लाःपिं, दास व दासमखुपिं, फुक्‍कं गुफा व तःग्‍वःगु ल्‍वहंया कापिचाय्‌ सुचूवन।