दानिएल 5:7 - नेवाः बाइबल

⁷ जुजुं ज्‍वखना स्‍वइपिं, ज्‍योतिषीत व साइत स्‍वइपिं सःतके छ्वत। बेबिलोनयापिं थुपिं ज्ञान दुपिं मिजंतय्‌त धाल, “सुनां थ्‍व च्‍वयातःगु आखः ब्‍वनी अले थुकिया अर्थ जितः कनी वयात प्‍याजीगु वसः फीकाबी, अले वयागु गःपतय् लुँयागु सिखः क्‍वखाय्‌काबी, अले व मनूयात देशय् स्‍वंगूगु तःधंम्‍ह शासक यानाबी।”

दानिएल 5:7 ပူးပေါင်းရင်းမြစ်များ

उत्‍पत्ति 41:8

कन्‍हय् खुन्‍हु सुथय् फारोया मन मच्‍वनाः देशय् दक्‍व ज्‍योतिषतय्‌त व सःस्‍यूपिन्‍त सःतके छ्वत। वं इमित थःम्‍हं म्‍हगसय् खंगु खँ कन। इपिं सुनानं फारोया म्‍हगसया अर्थ धाःसा कने मफुत।

एस्‍तर 3:1

छुं ई लिपा अहासूरस जुजुं अगागी हम्‍मदाताया काय् हामानयात वनापं ज्‍या याइपिं मेपिं भारदारत स्‍वयाः अप्‍वः पद थकयाः देय्‌या प्रधान मन्‍त्री यात।

प्रस्‍थान 7:11

अले फारोनं ग्‍यां दुपिं व जादु क्‍यनिपिं मनूतय्‌त सःतल। अले मिश्रया जादु क्‍यनिपिन्‍सं वयाः थथःगु जादुनं अथे हे यानाः क्‍यन।

हितोपदेश 1:9

थ्‍व हे छिमिगु छ्यंया मुकुट व गःपःया सिखः जुइ।

श्रेष्‍ठगीत 1:10

न्‍हाय्‌पनय् तयेगु चाचां छंगु न्‍यताः व सिखलं समा यानातःगु छंगु गःपः गुलि बांलाः।

यशैया 47:13

छं काःगु सल्‍लाहपाखें छ त्‍यानुचाये धुंकल। नगु स्‍वयाः लालाय् छु गथे जुइ धकाः धाइपिं ज्‍योतिषीत दनाः छन्‍थाय् वइगु मभिंगु खँपाखें छन्‍त बचय् यायेमा।

यर्मिया 50:35

“बेबिलोनीतय्‌गु विरोधय् छपु तरवार!” परमप्रभुं धयादी, “बेबिलोनय् च्‍वंपिनिगु विरोधय् अले वया हाकिमत व बुद्धि दुपिं मनूतय्‌गु विरोधय्।

इजकिएल 16:11

जिं छन्‍त तिसां तिकाः बांलाकाबिया– जिं छंगु ल्‍हातय् चुरि न्‍ह्याकाबिया, अले छंगु गःपतय् बांलाःगु सिखः क्‍वखाय्‌काबिया,

दानिएल 1:20

जुजुं बुद्धि व ज्ञानयागु खँय् न्‍ह्यागु हे न्‍यंसां उकी इमित देश न्‍यंकयापिं फुक्‍क जादु क्‍यनीपिं व ज्‍वखना स्‍वइपिं स्‍वयाः यक्‍व सःस्‍यूपिं खंकल।

दानिएल 1:4

जुजु नबूकदनेसरं वयात धाल, “इपिं ल्‍याय्‌म्‍हपिं ख्‍वं मदुपिं, बांलाःपिं, फुक्‍क कथंया ज्ञान काये मास्‍तिवय्‌किपिं, फुक्‍क ज्ञान दुपिं, याकनं सय्‌के फुपिं व लाय्‌कुलिइ सेवा यायेबहःपिं जुइमाः। इमित बेबिलोनीतय् भाषा व साहित्‍य स्‍यँ।

दानिएल 2:2

अथे जुयाः जुजुं थःम्‍हं म्‍हनागु म्‍हगस कनेत देशयापिं जादु क्‍यनिपिं, ज्‍वखना स्‍वइपिं, ज्‍योतिषीतय्‌त व साइत स्‍वइपिं व सःतके छ्वल। इपिं जुजुया न्‍ह्यःने दं वये धुंकाः

दानिएल 2:27

दानिएलं लिसः बिल, “महाराजं न्‍यनादीगु सुलाच्‍वंगु खँ धायेफुम्‍ह सुं ज्ञान दुम्‍ह, ज्‍वखना स्‍वइम्‍ह, जादु क्‍यनीम्‍ह वा ज्‍योतिषी मदु।

दानिएल 2:48

अनंलि जुजुं दानिएलयात तसकं मू वंगु देछात बियाः तःधंगु पदय् तल, वं वयात बेबिलोनया फुक्‍क प्रान्‍तयाम्‍ह शासक ल्‍यल। अले वयात अनया सकल ज्ञान दुपिं मनूतय् नायः दय्‌कल।

दानिएल 2:6

छिमिसं जिगु म्‍हगस व उकियागु अर्थ धाल धाःसा छिमित जिगुपाखें कोसेलि, सिरपाःत व ततःधंगु मान दइ। उकिं जिगु म्‍हगस व उकिया अर्थ कनाब्‍यु।”

दानिएल 4:14

वं तस्‍सलं धाल, ‘व सिमा पालाः क्‍वःथलाब्‍यु, उकिया कचामचा पालाब्‍यु, उकिया हः हाय्‌काछ्व, उकिया फल छ्यालब्‍याल यानाब्‍यु। पशुत उकिया किचलं व झंगःत उकिया कचां बिस्‍युं वनेमा।

दानिएल 5:11

छःपिनिगु देशय् पवित्र द्यःपिनिगु आत्‍मा दुम्‍ह छम्‍ह मनू दु। न्‍हापायाम्‍ह जुजुया पालय् थ्‍व मनुखं द्यःपिन्‍सं थें दुग्‍यां, अक्‍कल व बुद्धि क्‍यंगु खः। छःपिनि न्‍हापायाम्‍ह जुजु नबूकदनेसरं वयात जादु क्‍यनिपिं, साइत स्‍वइपिं, ज्‍योतिषीत, व ज्‍वखना स्‍वइपिनि नायः दय्‌कादीगु खः।

दानिएल 5:15

थ्‍व च्‍वयातःगु आखः ब्‍वनाः अर्थ कनेत जिगु न्‍ह्यःने ज्ञान दुपिं मनूत अले ज्‍वखना स्‍वइपिं मनूत हल तर इमिसं थुकिया अर्थ कने हे मफुत।

दानिएल 5:16

“छं सुलाच्‍वंगु खँया अर्थ कनेफु अले थाकुगु समस्‍यात ज्‍यंके फु धयागु खँ जिं न्‍यनागु दु। छं थ्‍व च्‍वयातःगु आखः ब्‍वनाः उकियागु अर्थ जितः कने फत धाःसा छन्‍त प्‍याजीगु रंगया लाय्‌कू वसः पुंकाबी, छंगु गःपतय् हनाबनाया लुँयागु सिखः क्‍वखाय्‌काबी, अले छ देशय् स्‍वंगूगु तःधंगु पदयाम्‍ह मनू जुइ।”

दानिएल 5:29

अनंलि बेलसजरया आज्ञाय् दानिएलयात प्‍याजीगु रंगया वसः फिकल। वयागु गःपतय् लुँयागु सिखः क्‍वखाय्‌कल। अले वयात देशय् स्‍वंगूगु तःधंगु पद बिल।

गन्‍ती 22:17

छाय्‌धाःसा जिं छितः ततःधंगु सिरपाः बियाः हनेगु याये। अले छिं छु धयादी जिं व हे याये। अथे जुयाः झासँ थुपिं मनूतय्‌त जिगु लागिं सराः बियादिसँ।”

गन्‍ती 22:7

मोआब व मिद्यानयापिं थकालितय्‌सं जुजुया ल्‍हातं भुलां ज्‍याला कयाः बालामयाथाय् वनाः जुजुयागु खँ न्‍यंकल।

गन्‍ती 24:11

आः छि थनं लिहां झासँ! जिं छितः सिरपाः बी धकाः हयागु खः। परमप्रभुं छितः सिरपाः बीत पनादिल।”

१ शमूएल 17:25

इमिसं थःथवय् थथे धाल, “वयात स्‍वसा! व इस्राएलयात ख्‍याच्‍वः बीत पिहां वयाच्‍वंगु दु! वं धाःगु ख्‍याच्‍वःयात न्‍यँ! वयात स्‍याइम्‍ह मनूयात शाऊल जुजुं तःधंगु सिरपाः बीगु अले थःम्‍ह्याय्‌यात नं व नापं ब्‍याहा यानाबी धकाः धाःगु दु। अले वया परिवारं नं कर पुलेमाली मखु।”