दानिएल 5:6 - नेवाः बाइबल

⁶ वयागु ख्‍वाः वँचुसे च्‍वन। तसकं ग्‍याःगुलिं वयागु निगुलिं पुलि थुरथुर खात।

दानिएल 5:6 ပူးပေါင်းရင်းမြစ်များ

भजनसंग्रहया सफू 22:14

जिगु तागत लः थें ज्‍वयावने धुंकल। जिगु क्‍वँय्‌या फुक्‍क साहा साहा ब्‍यनावने धुंकल। सी थें जिगु नुगः नायावने धुंकल।

भजनसंग्रहया सफू 69:23

इमिगु मिखा कां जुइमा, इमिगु दुगःक्‍वँय् चाःतुइमा।

यशैया 35:3

बमलाःगु ल्‍हात बल्‍लाकि! अले बमलाःगु पुलि बल्‍लाकि!

यशैया 5:27

इपिं मध्‍ये सुं नं त्‍यानुचाइ मखु वा लुफिं हाइ मखु। सुं नं क्‍वछुइ मखु वा न्‍ह्यःवय्‌की मखु। इपिं सुयागुं जँय्‌या जँनी छ्वासुइ मखु, सुयागुं लाकांया पुतु चःबुइ मखु।

यर्मिया 50:43

बेबिलोनयाम्‍ह जुजुं इमिगु बारे न्‍यन, वयागु ल्‍हाः याग्‍लाप्‍याग्‍ला जुल। मचाबू ब्‍यथा जूम्‍ह मिसा थें वयात धन्‍दा जुल।

इजकिएल 21:7

अले इमिसं छन्‍त ‘छं छाय् झसुका तयाच्‍वनागु’ धकाः न्‍यन धाःसा थथे लिसः ब्‍यु, ‘वयाच्‍वंगु खबरं यानाः सकसिगु नुगः खाइ अले सकसिगु ल्‍हाः याताप्‍याता जुइ। सकसिगु नुगः क्‍वतुनी अले सकसिगु पुलि लः थें याग्‍लाप्‍याग्‍ला जुइ। स्‍व! थथे जुइत्‍यंगु दु, अले थथे हे जुइ,’ जि, परमप्रभु परमेश्‍वरं थथे धाये।”

इजकिएल 7:17

फुक्‍क ल्‍हाः याग्‍लाप्‍याग्‍ला जुइ, फुक्‍क पुलि लः थें याग्‍लाप्‍याग्‍ला जुइ।

दानिएल 2:1

नबूकदनेसर जुजु जूगु निगूगु दँय् वं छगू म्‍हगस खन। वयात तसकं धन्‍दा जुल व द्यने मफुत।

दानिएल 3:19

अले नबूकदनेसर शद्रक, मेशक व अबेद्‌नगो खनाः तसकं तम्‍वल, तमं वयागु ख्‍वाः ह्याउँसे च्‍वन। वय्‌कलं मिया भट्टीयात न्‍हय्‌दुगं च्‍याकेत आज्ञा बिल।

दानिएल 4:19

थ्‍व खँ न्‍यनाः दानिएल (गुम्‍हय्‌सित बेलतसजर नं धाः) पलख थुरथुर खात, म्‍हगसया अर्थं वयात ख्‍यात। जुजुं वयात धाल, “हे बेलतसजर, म्‍हगस व उकिया अर्थ कनेत छ ग्‍याये मते।” बेलतसजरं धाल, “हे जिमि प्रभु, थ्‍व म्‍हगस व उकिया अर्थ छःपिनि शत्रुतय्‌त जूगु जूसा ला ज्‍यूगु नि।

दानिएल 4:5

आकाझाकां छगू म्‍हगस खनाः जि ग्‍यात। जि थःगु लासाय् ग्‍वारातुला च्‍वनाबलय् जिगु मनय् वःगु बिचाः व जिं खनागु दर्शनं जितः ख्‍यात।

दानिएल 5:5

आकाझाकां छम्‍ह मनूया ल्‍हाः खनेदत। अन लाय्‌कुलिइ त्‍वाःदेवाःया जः न्‍ह्यःने लेवं पानातःगु अंगलय् छुं च्‍वल। ल्‍हातं च्‍वयाच्‍वंगु जुजुं स्‍वयाच्‍वन।

दानिएल 7:28

“जिगु खँ थन हे सिधल। जि दानिएल तसकं ग्‍यात, जिगु ख्‍वाः हे वँचुसे च्‍वन। अय्‌नं जिं थ्‍व खँ थःगु मनय् हे तया।”

नहूम 2:10

निनवे शहरयात लुतय् याःगु दु, अन झिजांमिजां दंगु दु व तहसनहस जूगु दु। मनूतय्‌गु नुगः ग्‍यानाः न्‍यले धुंकल, इमिगु तुति थुरथुर खानाच्‍वंगु दु, म्‍ह छम्‍हं खानाच्‍वंगु दु, इमिगु ख्‍वाः ग्‍यानाः म्‍हासुइ धुंकल।

हिब्रू 12:12

अय्‌जूगुलिं त्‍यानुगु ल्‍हाः व बमलाःगु तुति बल्‍लाकि।