दानिएल 5:13 - नेवाः बाइबल

¹³ उकिं दानिएलयात जुजुया न्‍ह्यःने हल अले जुजुं वयात धाल, “जिमि न्‍हापायाम्‍ह जुजुं यहूदां ज्‍वनाहःपिं मध्‍ये छम्‍ह दानिएल धाःम्‍ह छ हे खः ला?

दानिएल 5:13 ပူးပေါင်းရင်းမြစ်များ

एज्रा 10:16

अय्‌नं ज्‍वनायंकाः लितः छ्वयाहःपिन्‍सं अथे हे यात – पुजाहारी एज्रां परिवार परिवारयापिं मू मू मनूत ल्‍यल। वं छगू छगू परिवार पुचलं छम्‍ह छम्‍ह मनू ल्‍यल। छम्‍ह छम्‍ह मनूयात नां काकां ल्‍यःगु खः। अले झिगूगु लाया न्‍हापांगु दिनंनिसें इमिसं थ्‍व खँया बारे गय् गथे खः धकाः स्‍वयेगु ज्‍या शुरु यात।

एज्रा 10:7

अनंलि बेबिलोनं लिहांवःपिं सकल मनूत यरूशलेमय् मुनेत यहूदा व यरूशलेम न्‍यंक खबर छ्वल।

एज्रा 4:1

ज्‍वनायंकूपिं लिहां वयाः परमप्रभु इस्राएलया परमेश्‍वरया देगः दय्‌काच्‍वंगु दु धयागु खँ यहूदा व बेन्‍यामीन कुलया शत्रुतय्‌सं न्‍यन।

एज्रा 6:16

उबलय् इस्राएलयापिं मनूत – पुजाहारीत, लेवीत व ज्‍वनायंकाः लित छ्वयाहःपिं मेपिं, सकसिनं लय्‌लय्‌तातां नखः हनाः देगः देछात।

दानिएल 1:1

यहूदा देशय् यहोयाकीम जुजु जूगु स्‍वंगूगु दँय् बेबिलोन देशयाम्‍ह जुजु नबूकदनेसरं यरूशलेमय् वयाः उकियात घेरय्‌ यात।

दानिएल 1:2

परमप्रभुं यहूदाया जुजु यहोयाकीम व देगःयागु लुँ, वहः व कँय्‌यागु छुं थलबल नबूकदनेसरया ल्‍हातय् बियादिल। अले वं थुपिं थलबल बेबिलोनियाय् दुगु थः द्यःया देगलय् यंकाः देगःयागु धुकुतिइ तल।

दानिएल 1:21

कोरेस जुजु जूगु न्‍हापांगु दँ तक दानिएलं अन हे जुजुया सेवा यानाच्‍वन।

दानिएल 1:6

ल्‍यःपिं ल्‍याय्‌म्‍हपिं मध्‍ये दानिएल, हनन्‍याह, मीशाएल व अजर्याह धाःसा यहूदा कुलयापिं खः।

दानिएल 2:25

अर्योकं हथासं दानिएलयात जुजुयाथाय् यंकल अले धाल, “यहूदां ज्‍वनाहःपिं परदेशी मध्‍ये जिं छम्‍ह मनूयात लुइकागु दु, वं छःपिनिगु म्‍हगसया अर्थ धाये फइ।”

दानिएल 2:48

अनंलि जुजुं दानिएलयात तसकं मू वंगु देछात बियाः तःधंगु पदय् तल, वं वयात बेबिलोनया फुक्‍क प्रान्‍तयाम्‍ह शासक ल्‍यल। अले वयात अनया सकल ज्ञान दुपिं मनूतय् नायः दय्‌कल।

दानिएल 5:11

छःपिनिगु देशय् पवित्र द्यःपिनिगु आत्‍मा दुम्‍ह छम्‍ह मनू दु। न्‍हापायाम्‍ह जुजुया पालय् थ्‍व मनुखं द्यःपिन्‍सं थें दुग्‍यां, अक्‍कल व बुद्धि क्‍यंगु खः। छःपिनि न्‍हापायाम्‍ह जुजु नबूकदनेसरं वयात जादु क्‍यनिपिं, साइत स्‍वइपिं, ज्‍योतिषीत, व ज्‍वखना स्‍वइपिनि नायः दय्‌कादीगु खः।

दानिएल 5:14

छंके द्यःतय्‌गु आत्‍मालिसें दुग्‍यां, अक्‍कल व तसकं बुद्धि दु धयागु खँ जिं न्‍यनागु दु।

दानिएल 5:18

“हे महाराज, दक्‍वसिबय् तःधंम्‍ह परमेश्‍वरं छःपिनि न्‍हापायाम्‍ह जुजु नबूकदनेसरयात तःधंगु राज्‍य, तःधंसू, नां व महिमा बियादीगु दु।

दानिएल 5:2

दाखमद्य त्‍वनाच्‍वंबलय् हे बेलसजर जुजुं थःम्‍हं, थः भारदारतय्‌सं अले थः कलाःपिन्‍सं व मथ्‍याःपिं कलाःपिन्‍सं दाखमद्य त्‍वनेत न्‍हापायाम्‍ह जुजु नबूकदनेसरं यरूशलेमया देगलं हःगु लुँ व वहःयागु थलबल अन हयेगु आज्ञा बिल।

दानिएल 6:13

अले इमिसं जुजुयात धाल, “हे महाराज, यहूदां ज्‍वनाहःम्‍ह व दानिएलं छःपिन्‍त हनाबना मयाः अले छःपिनिगु आज्ञा मानय् मयाः। वं आः नं न्‍हि स्‍वकः प्रार्थना यायेगु याः।”

दानिएल 8:1

बेलसजर जुजु जूगु स्‍वंगूगु दँय्, जि दानिएलं हानं मेगु छगू दर्शन खना।

दानिएल 8:27

अनंलि जितः तसकं त्‍यानुल, छुं न्‍हि तक जितः ल्‍वचं कयाच्‍वन। अनंलि जि दनाः जुजुया ज्‍याय् वना। अय्‌नं जिं खनागु दर्शनं यानाः जि छु याये छु याये जुल। थ्‍व जिं थुइके मफुत।

यूहन्‍ना 7:1

अनंलि येशू गालीलय् चाःहिलादिल। यहूदिया जिल्‍लाय् यहूदीतय् नायःतय्‌सं वय्‌कःयात स्‍यायेत स्‍वःगुलिं वय्‌कः अन झाया मदी।

यूहन्‍ना 7:3

उकिं वय्‌कःया किजापिन्‍सं थथे धाल – “थनं यहूदियाय् झासँ। अले छिं याःगु ज्‍या छिकपिनि चेलातय्‌सं नं खनी।