दानिएल 5:12 - नेवाः बाइबल

¹² थ्‍व सःस्‍यूम्‍ह मनू दानिएल खः, गुम्‍हय्‌सित जुजुं बेलतसजर धाइगु खः। वयाके तच्‍वःगु मन व ज्ञान दु। व म्‍हगसया अर्थ कने फुम्‍ह खः। क्‍वाःया लिसः बीगुलिसें समस्‍यात ज्‍यंकेगु ज्‍या नं याये फुम्‍ह खः। दानिएलयात सःतके छ्वयादिसँ, अले वं आखःया अर्थ कनाबी।”

दानिएल 5:12 ပူးပေါင်းရင်းမြစ်များ

भजनसंग्रहया सफू 16:3

देशय्‌ दुपिं पवित्र मनूत फुक्‍कं तःधंके बहःपिं जू, इपिंलिसे च्‍वनेदयाः जि लय्‌ताः।

हितोपदेश 12:26

धर्मीतय्‌सं थः पासापिन्‍त भिंगु लँपु क्‍यनी। दुष्‍टतय्‌सं धाःसा मखुगु लँय् यंकी।

हितोपदेश 17:27

सःस्‍यूपिं मनूत अप्‍वः नवाइ मखु, दुग्‍यां दुपिं मनूत तंम्‍वइ मखु।

इजकिएल 28:3

छु छ दानिएल स्‍वयाः बुद्धि दुम्‍ह खः ला? छु छपाखें छुं रहस्‍य सुलाच्‍वंगु मदु ला?

दानिएल 1:17

परमेश्‍वरं थुपिं प्‍यम्‍ह ल्‍याय्‌म्‍हतय्‌त फुक्‍क कथंया साहित्‍य थुइके फुपिं व बुद्धिया खँ सीके फुपिं यानादिल। दानिएलयात वय्‌कलं फुक्‍क कथंया दर्शन व म्‍हगसयागु खँ बांलाक थुइकेगु ज्ञान नं बियादिल।

दानिएल 1:7

मू हाकिमं इमित न्‍हूगु नां तयाबिल – दानिएलयात बेलतसजर, हनन्‍याहयात शद्रक, मीशाएलयात मेशक व अजर्याहयात अबेद्‌नगो।

दानिएल 2:26

जुजुं दानिएलयात धाल, “जिं खनागु म्‍हगस छु खः? अले उकिया अर्थ छं धायेफु ला?” (दानिएलया नां बेलतसजर नं खः)

दानिएल 4:19

थ्‍व खँ न्‍यनाः दानिएल (गुम्‍हय्‌सित बेलतसजर नं धाः) पलख थुरथुर खात, म्‍हगसया अर्थं वयात ख्‍यात। जुजुं वयात धाल, “हे बेलतसजर, म्‍हगस व उकिया अर्थ कनेत छ ग्‍याये मते।” बेलतसजरं धाल, “हे जिमि प्रभु, थ्‍व म्‍हगस व उकिया अर्थ छःपिनि शत्रुतय्‌त जूगु जूसा ला ज्‍यूगु नि।

दानिएल 4:8

लिपतय् दानिएल धाःम्‍ह मनू जिथाय् वल अले जिं वयात म्‍हगस कना। (वयागु नां जिमि द्यःया नामय् बेलतसजर तःगु खः। अले वयाके पवित्र द्यःतय् आत्‍मा दु।)

दानिएल 5:14

छंके द्यःतय्‌गु आत्‍मालिसें दुग्‍यां, अक्‍कल व तसकं बुद्धि दु धयागु खँ जिं न्‍यनागु दु।

दानिएल 5:16

“छं सुलाच्‍वंगु खँया अर्थ कनेफु अले थाकुगु समस्‍यात ज्‍यंके फु धयागु खँ जिं न्‍यनागु दु। छं थ्‍व च्‍वयातःगु आखः ब्‍वनाः उकियागु अर्थ जितः कने फत धाःसा छन्‍त प्‍याजीगु रंगया लाय्‌कू वसः पुंकाबी, छंगु गःपतय् हनाबनाया लुँयागु सिखः क्‍वखाय्‌काबी, अले छ देशय् स्‍वंगूगु तःधंगु पदयाम्‍ह मनू जुइ।”

दानिएल 6:3

मेपिं निम्‍ह मन्‍त्रीत व प्रान्‍तयापिं बडा-हाकिमतय्‌के स्‍वयाः दानिएलयाके तसकं बांलाःगु गुण खंगुलिं जुजुं वयात देशय् फुक्‍क थाय्‌याम्‍ह शासक ल्‍ययेगु बिचाः यात।

दानिएल 6:4

थथे जूगुलिं मेपिं निम्‍ह मन्‍त्रीत व प्रान्‍तयापिं बडा-हाकिमतय्‌सं सरकारी ज्‍याय् दानिएलयागु दोष मालेगु याना हल। तर इमिसं वं छुं मखुगु ज्‍या याःगु लुइके मफुत, छाय्‌धाःसा व विश्‍वास याये बहःम्‍ह मनू खः, व लाः लाः थें यानाजुइम्‍ह मनू मखु।

कलस्‍सी 1:29

ख्रीष्‍ट येशूं बियादीगु तःधंगु शक्तिं हे जिं थथे दुःख सियाः थ्‍व ज्‍या यानाच्‍वना।