दानिएल 5:1 - नेवाः बाइबल

¹ बेलसजर जुजुं थः द्वःछिम्‍ह भारदारतय्‌गु लागि छगू तःधंगु भ्‍वय् न्‍याय्‌कल। इपिं लिसे वं दाखमद्य त्‍वन।

दानिएल 5:1 ပူးပေါင်းရင်းမြစ်များ

उत्‍पत्ति 40:20

स्‍वन्‍हु खुन्‍हु फारो बूगु दिं खः। उखुन्‍हु थःथाय् ज्‍या याइपिं फुक्‍क हाकिमतय्‌त भ्‍वय् सःतल। उपिं फुक्‍कसिया न्‍ह्यःने वं दाखमद्य त्‍वंकीम्‍ह नायः व मरि छुइम्‍ह नायःयात थने हल।

एस्‍तर 1:3

वं शासन याःगु स्‍वदँ दुबलय् थः फुक्‍क भारदारत व हाकिमतय्‌त सःताः तःधंगु भ्‍वय् न्‍याय्‌कल। राजकुमारपिं, फारसी व मादी सेनातय् मू नायःत व प्रान्‍त प्रान्‍तया बडा-हाकिमत नं लाय्‌कुलिइ थ्‍यंकः वल।

यशैया 22:12

व दिंखुन्‍हु प्रभु, दक्‍व शक्ति दुम्‍ह परमप्रभुं छिमित ख्‍वयेत व विलाप यायेत, छेनय् सँ खायेत व भांग्रा फीत सःतादिल।

यशैया 22:14

दक्‍व शक्ति दुम्‍ह परमप्रभुं जिगु न्‍हाय्‌पं लिक्‍क थथे धयादिल, “छिपिं सीगु दिं तक नं थ्‍व पापया प्रायश्‍चित जुइ मखु,” प्रभु, दक्‍व शक्ति दुम्‍ह परमप्रभुं धयादी।

यर्मिया 50:35

“बेबिलोनीतय्‌गु विरोधय् छपु तरवार!” परमप्रभुं धयादी, “बेबिलोनय् च्‍वंपिनिगु विरोधय् अले वया हाकिमत व बुद्धि दुपिं मनूतय्‌गु विरोधय्।

यर्मिया 51:39

इपिं दने धुंकाः जिं इमिगु निंतिं छगू भ्‍वय् तयार याये। अले इमित काय्‌के, अले इपिं न्‍हिलाः चिल्‍लाय् दनाः हाली अले सदांयात द्यनी। इपिं गुबलें दनी मखु,” परमप्रभुं धयादी।

यर्मिया 51:57

जिं इमि हाकिमत, अले बुद्धि दुपिं मनूतय्‌त काय्‌काबी, वया बडा-हाकिमत, हाकिमत व सिपाइँतय्‌त नं। इपिं न्‍ह्याबलेंया निंतिं द्यनी अले दनी मखु,” परमप्रभुं धयादी गुम्‍हय्‌सिगु नां दक्‍व शक्ति दुम्‍ह परमप्रभु खः।

दानिएल 5:30

उखुन्‍हु चान्‍हय् बेबिलोनीतय् जुजु बेलसजरयात स्‍यात।

नहूम 1:10

इपिं कंझालय् अलमलय् जुयाच्‍वनी, अले इपिं दाखमद्यं काय्‌काच्‍वनी। इपिं गनावने धुंकूगु छ्वख्‍वः थें भस्‍म जुइ।