दानिएल 4:8 - नेवाः बाइबल

⁸ लिपतय् दानिएल धाःम्‍ह मनू जिथाय् वल अले जिं वयात म्‍हगस कना। (वयागु नां जिमि द्यःया नामय् बेलतसजर तःगु खः। अले वयाके पवित्र द्यःतय् आत्‍मा दु।)

दानिएल 4:8 ပူးပေါင်းရင်းမြစ်များ

उत्‍पत्ति 41:38

वय्‌कलं इमित धाल, “थ्‍व थें ज्‍याःम्‍ह परमेश्‍वरया आत्‍मा दुम्‍ह मनू झीसं गनं लुइके फइ ला?”

यशैया 46:1

बेल द्यः लज्‍या चायाः क्‍वछुइ, नेबो द्यः ग्‍यानाः भ्‍वसुली। कु क्‍वबिपिं पशुतय्‌सं इमिगु मूर्तित क्‍वबी। अले इमिसं क्‍वबियायंकूगु मूर्तित थाकूयाः तसकं झ्‍यातुगु कु थें जुइ।

यशैया 63:11

अले वय्‌कःया प्रजां न्‍हापा न्‍हापायागु ईयात, मोशा व वया प्रजाया दिंयात लुमंकल। समुद्रपाखें वय्‌कःया मनूतय्‌त बथांया जवाःनापं हयादीम्‍ह, वय्‌कः गन झायादिल? थःगु पवित्र आत्‍मा इमिगु दथुइ तयादीम्‍ह, गन दी?

यर्मिया 50:2

“जाति जातियात कँ, अले झण्‍डा ल्‍ह्वनाः न्‍यंकि, छुं खँ नं सुचुके मते, तर थथे धा, ‘बेबिलोनयात कब्‍जा याइ, वया द्यः बेल लज्‍याय् लाइ, वया द्यः मरोदकयात नाश याइ। वयागु शालिकतय्‌त बेइज्‍जत याइ, वयागु मूर्तित आतंकं जाइ।’

इजकिएल 17:23

इस्राएलया पहाडया च्‍वका च्‍वकाय् जिं व पी। उकिया कचात दइ अले वं फल सय्‌की, अले व छमा देवदारुया बांलाःगु सिमा जुइ। फुक्‍क कथंयापिं झंगःपन्छितय्‌सं उकी स्‍वँ दय्‌की, अले उकिया किचलय् इपिं च्‍वनी।

दानिएल 1:7

मू हाकिमं इमित न्‍हूगु नां तयाबिल – दानिएलयात बेलतसजर, हनन्‍याहयात शद्रक, मीशाएलयात मेशक व अजर्याहयात अबेद्‌नगो।

दानिएल 2:11

जुजुं न्‍यनादीगु खँ थुलि थाकु कि द्यःपिन्‍सं जक थ्‍व खँ धाये फइ। इपिं द्यःत मनूतय् दथुइ च्‍वनी मखु।”

दानिएल 2:26

जुजुं दानिएलयात धाल, “जिं खनागु म्‍हगस छु खः? अले उकिया अर्थ छं धायेफु ला?” (दानिएलया नां बेलतसजर नं खः)

दानिएल 3:14

नबूकदनेसरं इमित न्‍यन, “हे शद्रक, मेशक व अबेद्‌नगो, छिमिसं जिमि द्यःपिन्‍त पुजा मयाः अले जिं पलिस्‍था यानागु लुँयागु मूर्तियात भ्‍वसुलाः भागि नं मयाः धाःगु खँ जिं न्‍यनागु दु। छु थ्‍व धात्‍थें खः ला?

दानिएल 4:18

“जि नबूकदनेसर जुजुं खनागु म्‍हगस थ्‍व हे खः। आः हे बेलतसजर, थुकिया अर्थ जितः कनाब्‍यु। छाय्‌धाःसा जिगु देशय् दुपिं सुं ज्ञान दुम्‍हय्‌सिनं नं थुकिया अर्थ जितः कने फइ मखु। तर छं फइ छाय्‌धाःसा पवित्र द्यःतय्‌गु आत्‍मा छंके दु।”

दानिएल 4:9

जिं वयात धया, “हे बेलतसजर, जादु क्‍यनीपिनि नायः, छंके पवित्र द्यःतय्‌गु आत्‍मा दु धकाः जिं स्‍यू। अले छन्‍त छुं नं सुलाच्‍वंगु खँया अर्थ कनेत थाकुइ मखु। म्‍हगसय् जिं खनागु दर्शन न्‍यँ, अले जितः उकिया अर्थ कँ।

दानिएल 5:14

छंके द्यःतय्‌गु आत्‍मालिसें दुग्‍यां, अक्‍कल व तसकं बुद्धि दु धयागु खँ जिं न्‍यनागु दु।