दानिएल 4:5 - नेवाः बाइबल

⁵ आकाझाकां छगू म्‍हगस खनाः जि ग्‍यात। जि थःगु लासाय् ग्‍वारातुला च्‍वनाबलय् जिगु मनय् वःगु बिचाः व जिं खनागु दर्शनं जितः ख्‍यात।

दानिएल 4:5 ပူးပေါင်းရင်းမြစ်များ

उत्‍पत्ति 41:1

निदँ लिपा फारों छगू म्‍हगस खन। म्‍हगसय् व नील खुसिया सिथय् दनाच्‍वंगु।

दानिएल 1:7

मू हाकिमं इमित न्‍हूगु नां तयाबिल – दानिएलयात बेलतसजर, हनन्‍याहयात शद्रक, मीशाएलयात मेशक व अजर्याहयात अबेद्‌नगो।

दानिएल 2:1

नबूकदनेसर जुजु जूगु निगूगु दँय् वं छगू म्‍हगस खन। वयात तसकं धन्‍दा जुल व द्यने मफुत।

दानिएल 2:3

जुजुं इमित धाल, “जिं छगू म्‍हगस खनागु दु उकिं जिगु नुगः खुलखुल मिंगु दु। जितः उकिया अर्थ सीकेमास्‍ति वः।”

दानिएल 4:10

लासाय् ग्‍वारातुला च्‍वनाबलय् जिं खनागु दर्शन थ्‍व हे खः – पृथ्‍वीया दथुइ तःमागु छमा सिमा दु!

दानिएल 4:13

“लासाय् ग्‍वारातुला च्‍वनाबलय् आकाझाकां जिं दर्शनय् स्‍वर्गं छम्‍ह पवित्रम्‍ह पिवाः स्‍वर्गदूत वयाच्‍वंगु खना।

दानिएल 4:15

सिमाया थुथायात नँ व कँय्‌यागु पातां चिनाः उकिया थुथा हा नाप बँय् त्‍वःताबीमाः। “‘व ख्‍यःया घाँय्‌या दथुइ दयेमाः। थ्‍व मनूयात आकाशया सुति लखं प्‍याकेमाः। अले पशुतलिसे पृथ्‍वीया स्‍वांसिमाया दथुइ च्‍वनेमाः।

दानिएल 4:19

थ्‍व खँ न्‍यनाः दानिएल (गुम्‍हय्‌सित बेलतसजर नं धाः) पलख थुरथुर खात, म्‍हगसया अर्थं वयात ख्‍यात। जुजुं वयात धाल, “हे बेलतसजर, म्‍हगस व उकिया अर्थ कनेत छ ग्‍याये मते।” बेलतसजरं धाल, “हे जिमि प्रभु, थ्‍व म्‍हगस व उकिया अर्थ छःपिनि शत्रुतय्‌त जूगु जूसा ला ज्‍यूगु नि।

दानिएल 5:10

जुजु व भारदारत हालाच्‍वंगु सः तायाः रानीमां भ्‍वय् नयेगु क्‍वथाय् वयाः थथे धाल, “हे महाराज, छःपिं ताःई तक म्‍वानादीमा! थथे ख्‍वाः वँचुसे च्‍वंकादी मते।

दानिएल 5:11

छःपिनिगु देशय् पवित्र द्यःपिनिगु आत्‍मा दुम्‍ह छम्‍ह मनू दु। न्‍हापायाम्‍ह जुजुया पालय् थ्‍व मनुखं द्यःपिन्‍सं थें दुग्‍यां, अक्‍कल व बुद्धि क्‍यंगु खः। छःपिनि न्‍हापायाम्‍ह जुजु नबूकदनेसरं वयात जादु क्‍यनिपिं, साइत स्‍वइपिं, ज्‍योतिषीत, व ज्‍वखना स्‍वइपिनि नायः दय्‌कादीगु खः।

दानिएल 7:1

बेलसजर बेबिलोनयाम्‍ह जुजु जूगु न्‍हापांगु दँय्, चान्‍हय् दानिएलं म्‍हगस व दर्शन खन। वं व म्‍हगसया मू खँ च्‍वल।

दानिएल 7:28

“जिगु खँ थन हे सिधल। जि दानिएल तसकं ग्‍यात, जिगु ख्‍वाः हे वँचुसे च्‍वन। अय्‌नं जिं थ्‍व खँ थःगु मनय् हे तया।”