Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




दानिएल 4:32 - नेवाः बाइबल

32 मनूतय् राज्‍यय् दक्‍वसिबय् तःधंम्‍हय्‌सिगु फुक्‍क अधिकार दु, व वय्‌कःयात सु यः वयात बियादी धयागु खँ छं सीकामकातले न्‍हय्‌गू काल तकया लागि मनूतय् दथुं छन्‍त लिनाछ्वइ, अले छ गुँपशुत लिसे च्‍वनी। छं सा द्वहंनं थें घाँय् नयेमाली।”

အခန်းကိုကြည့်ပါ။ ကော်ပီ




दानिएल 4:32
22 ပူးပေါင်းရင်းမြစ်များ  

वं प्रार्थना यात। परमेश्‍वरं मनश्‍शेया प्रार्थना न्‍यनादिल। वय्‌कलं मनश्‍शेयात यरूशलेमय् हाकनं लितहयादिल। अले वयात राजगद्दीइ तयादिल। थुकथं मनश्‍शें परमप्रभु हे परमेश्‍वर खः धकाः सीकल।


“छिं न्‍ह्यागुं नं यानादी फु धकाः जिं स्‍यू। सुनानं छिगु योजनायात स्‍यंके फइ मखु।


वय्‌कलं लाकाकयादिल धाःसा सुनां वय्‌कःयात पने फइ? ‘छिं छु यानादियागु’ धकाः, सुनां वय्‌कःयात न्‍यने फइ?


जिमि परमेश्‍वर ला स्‍वर्गय् दी, वय्‌कःयात छु यः व हे यानादी।


परमप्रभुं छु छु याये मास्‍ति वय्‌कादिल, वय्‌कलं स्‍वर्ग, पृथ्‍वी अले समुद्रयागु फुक्‍क ततःजाःगु थासय् यानादी।


फारोनं धाल, “कन्‍हय्।” मोशां लिसः बिल, “छिं धयादी थें जुइमा। अले छिं परमप्रभु जिमि परमेश्‍वर थें जाःम्‍ह मेपिं सुं मदु धकाः सीकादी।


मखुसा थ्‍वपालय् जिं छन्‍थाय्, छिमि भारदारतय्‌थाय् व छिमि प्रजायाथाय् तसकं तःधंगु महामारी छ्वयाहये। अले छं थ्‍व पृथ्‍वी न्‍यंक जि थें ज्‍याःम्‍ह मेम्‍ह सुं हे मदु धकाः सी।


मोशां वयात धाल, “शहरं पिहां वनेवं जिं परमप्रभुपाखे थःगु ल्‍हाः ल्‍ह्वने। अले नँ न्‍यायेगु व प्‍वँ गायेगु दी। थुकिं पृथ्‍वी परमप्रभुयागु हे खः धकाः छिं सी।


आः हे परमप्रभु, जिमि परमेश्‍वर, जिमित वयागु ल्‍हातं त्‍वःतकादिसँ, अले संसारया फुक्‍क देशं छि परमप्रभु जक परमेश्‍वर खः धकाः सीमा।”


जात जातित ला बाल्‍तिनय् च्‍वंगु छफुति लः थें जक खः। इपिं ला ताल्‍जुइ पेपुनाच्‍वंगु धू थें खः। वय्‌कलं ला टापुतय्‌त धूयात थें लनादी।


फुक्‍क जातित वय्‌कःया न्‍ह्यःने छुं नं मखु। वय्‌कलं इमित छुं नं ज्‍यालगय् मजूपिं व छुं नं मखुपिं ताय्‌कादी।


जिं छन्‍त सुनानं मखंथाय् सुचुका तयागु धन-सम्‍पत्ति बी। अले छन्‍त छंगु नां कयाः सःताम्‍ह परमप्रभु इस्राएलया परमेश्‍वर जि हे खः धकाः छं सी,


थ्‍व पृथ्‍वी, थ्‍व पृथ्‍वीइ च्‍वंपिं मनूत व पशुतय्‌त जिं थःगु तःधंगु बलं व ल्‍हाःया शक्तिं दय्‌कागु दु, अले जिं थुकियात सुयात बी मास्‍ति वः वयात बी।


वय्‌कः हे ई व ऋतुत हिलादीम्‍ह खः। वय्‌कलं हे जुजुपिं ल्‍ययेगु व लिकायेगु यानादी। वय्‌कलं बुद्धि दुपिन्‍त बुद्धि व ज्ञान दुपिन्‍त ज्ञान बियादी।


जुजुं थथे धयाच्‍वंबलय् हे स्‍वर्गं छगू थज्‍याःगु सः वल, “नबूकदनेसर जुजु, छंगु निम्‍ति छगू आज्ञा दु। छंगु राज्‍य छंकेनं लाकाकाःगु दु।


वय्‌कःयात मनूतय् दथुं पित छ्वत अले वय्‌कःयागु मनयात पशुयागु मन थें यानाबिल। देश देशय् दक्‍वसिबय् तःधंम्‍ह परमेश्‍वरं राज्‍य यानादी व थःत यःम्‍हय्‌सित देशयाम्‍ह शासक दय्‌कादी धयागु खँ वय्‌कलं सीकामकातले वय्‌कः गुँ गधातलिसे च्‍वन, सा-द्वहंतय्‌सं थें घाँय् नल। वय्‌कःयागु म्‍हयात आकाशया सुति लखं प्‍याकल।


पृथ्‍वीइ च्‍वंपिं फुक्‍क मनूतय्‌सं परमप्रभुया ल्‍हाः बल्‍ला धकाः सीमा अले छिमिसं न्‍ह्याबलें परमप्रभु छिमि परमेश्‍वरयागु ग्‍याःचिकु कायेमा धकाः थ्‍व फुक्‍क जूगु खः।”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ