दानिएल 4:3 - नेवाः बाइबल

³ वय्‌कःया चिं गुलि तःधं, वय्‌कःया अजू चाइपुगु ज्‍या गुलि बल्‍लाः! वय्‌कःया राज्‍य न्‍ह्याबलें दयाच्‍वनीगु राज्‍य खः, अले वय्‌कःया शासन पुस्‍तांनिसें पुस्‍ता तक दयाच्‍वनी।

दानिएल 4:3 ပူးပေါင်းရင်းမြစ်များ

अय्‍यूब 25:2

“परमेश्‍वर शक्ति दुम्‍ह खः, सकसिनं वय्‌कःया भय कायेमाः। वय्‌कलं थःगु स्‍वर्गया राज्‍यय् शान्‍ति जुइकातइ।

भजनसंग्रहया सफू 104:24

परमप्रभु, छिं फुक्‍क दय्‌कादीगु दु, गज्‍याःगु तःधंगु बुद्धिं छिं उपिं फुक्‍क दय्‌कादिल, छिगु सृष्‍टिं थ्‍व पृथ्‍वी जाःगु दु।

भजनसंग्रहया सफू 105:27

इमिसं इमिगु न्‍ह्यःने वय्‌कःया अजू चायापुगु चिं, अले हामया देशय् अजू चायापुगु ज्‍या यात।

भजनसंग्रहया सफू 145:13

हे परमप्रभु, छिगु राज्‍य न्‍ह्याबलें दयाच्‍वनी। छिं पुस्‍तां पुस्‍ता तक शासन यानादी। परमप्रभु थःमनूतय्‌गु लागि विश्‍वास याये बहःम्‍ह खः, अले वय्‌कलं थःगु बचं पूवंकादी। थःगु फुक्‍क ज्‍याय् वय्‌कः दयादुम्‍ह खः।

भजनसंग्रहया सफू 66:7

वय्‌कलं थःगु शक्तिं सदां राज्‍य यानादी, वय्‌कलं जाति जातियापिं फुक्‍कसित स्‍वयाच्‍वनी वय्‌कःया विरोधय् सुं हे मदनेमा। सेला

भजनसंग्रहया सफू 72:18

परमप्रभुयात प्रशंसा या, इस्राएलया परमेश्‍वरयात! अजू चायापुगु ज्‍या वय्‌कलं हे जक यानादी।

भजनसंग्रहया सफू 77:19

छिं समुद्रयात फायाः लँ दय्‌कादिल। तर छिगु पलाया चिं गनं खने मदु।

भजनसंग्रहया सफू 86:10

छाय्‌धाःसा छि तःधंम्‍ह व अजू चायापुगु ज्‍या यानादीम्‍ह खः, छि हे जक परमेश्‍वर खः।

भजनसंग्रहया सफू 92:5

हे परमप्रभु, छिगु ज्‍या गुलि तःधं, छिगु बिचाः गुलि दुग्‍यं।

यशैया 25:1

हे परमप्रभु, छि जिमि परमेश्‍वर खः, जिं छिगु नांयात तःधंके अले छिगु नांया प्रशंसा याये, छाय्‌धाःसा छिं विश्‍वास यायेबहः जुयाः अजू चायापुगु ज्‍या यानादीगु दु, उपिं ज्‍यात यक्‍व न्‍हापा हे छिं ग्‍वसाः ग्‍वयादीगु खः।

यशैया 28:29

थुपिं फुक्‍कं दक्‍व शक्ति दुम्‍ह परमप्रभुयापाखें हे वइ, गुम्‍ह तसकं बांलाःगु सल्‍लाह बीम्‍ह व बुद्धिं जाःम्‍ह खः।

यशैया 9:7

वय्‌कःया शासन न्‍ह्याबलें दयाच्‍वनी, वय्‌कःया शान्‍तिया अन्‍त्‍य गुब्‍सं जुइ मखु। दाऊद जुजुया लिपा वइम्‍ह जुजु वय्‌कः हे खः। न्‍याय व धर्मया निंतिं धिसिलाक्‍क दना थनिंनिसें सदांया निंतिं राज्‍य यानादी। दक्‍व शक्ति दुम्‍ह परमप्रभुया जोशं थ्‍व पूवनी।

यर्मिया 10:10

तर परमप्रभु ला सत्‍य परमेश्‍वर खः, वय्‌कः ला, म्‍वाःम्‍ह परमेश्‍वर व सदांयाम्‍ह जुजु खः। वय्‌कः तंचायादीबलय् पृथ्‍वी खाइ। जाति जातितय्‌सं वय्‌कःया तं सह याये फइ मखु।

दानिएल 2:2

अथे जुयाः जुजुं थःम्‍हं म्‍हनागु म्‍हगस कनेत देशयापिं जादु क्‍यनिपिं, ज्‍वखना स्‍वइपिं, ज्‍योतिषीतय्‌त व साइत स्‍वइपिं व सःतके छ्वल। इपिं जुजुया न्‍ह्यःने दं वये धुंकाः

दानिएल 2:44

“उपिं जुजुतय्‌गु पालय् स्‍वर्गयाम्‍ह परमेश्‍वरं छगू राज्‍य पलिस्‍था यानादी। व हे राज्‍य गुबलें नाश जुइ मखु, उकियात मेगु जातितय्‌त नं बी मखु। वं उपिं फुक्‍क राज्‍यतय्‌त चुंचुं यानाबी अले इमित मदय्‌काबी। व धाःसा न्‍ह्याबलें दयाच्‍वनी।

दानिएल 4:17

“‘थज्‍याःगु फैसला पिवाः स्‍वर्गदूततय्‌सं क्‍वःछ्यूगु खः। दक्‍वसिबय् तःधंम्‍ह परमेश्‍वरया संसारया फुक्‍क देशय् अधिकार दु, अले वय्‌कलं थःम्‍हं हे ल्‍ययादीपिन्‍त शासन यायेत देशत बियादी, अज्‍ज ला उकी शासन यायेत दकलय् चिधंपिन्‍त नं तयादी, धयागु खँ फुक्‍क मनूतय्‌सं सीमा धकाः पवित्रपिन्‍सं थज्‍याःगु फैसला घोषणा याःगु खः।’

दानिएल 7:14

वय्‌कःयात अधिकार, हनाबना व राज्‍य बिल। जाति जाति, देश देश व थीथी भाय् ल्‍हाइपिं सकसिनं वय्‌कःयागु आराधना यात। वय्‌कःया शासन न्‍ह्याबलें दयाच्‍वनी अले वय्‌कःया राज्‍य गुबलें क्‍वचाइ मखु।

दानिएल 7:27

पृथ्‍वीया फुक्‍क राज्‍यतय्‌गु शक्ति व तःधंसू दकलय् तःधंम्‍ह परमेश्‍वरया पवित्र मनूतय्‌गु ल्‍हातय् बी। वय्‌कःया राज्‍य न्‍ह्याबलें दयाच्‍वनीगु राज्‍य जुइ। फुक्‍क राज्‍यं वय्‌कःया खँ न्‍यनी व वय्‌कःयागु सेवा याइ।’

रोमी 11:33

अहो! परमेश्‍वरया धन, ज्ञान व बुद्धि गुलि तःधं! वय्‌कलं यानादीगु न्‍याय थुइकां थुइके मफु। अले वय्‌कःयागु लँपु सीकेत तसकं थाकु।

व्‍यवस्‍था 4:34

छिमि परमप्रभु परमेश्‍वरं छिमित मिश्रय् यानादी थें छु सुं द्यवं मेगु जातिया दथुं पित हयाः थः मनूत दय्‌कूगु दु ला? छिमिसं खंक हे वय्‌कलं थःगु बल्‍लागु ल्‍हाः व चकंगु लँपु छ्यलादिल। वय्‌कलं महामारी व लडाइँ हयादिल, अले अजू चाइपुगु व ग्‍यानापुस्‍से च्‍वंगु ज्‍या यानादिल ला?

१ तिमोथी 1:17

न्‍ह्याबलें दयाच्‍वनीम्‍ह जुजु, गुबलें सी मखुम्‍ह, खने मदुम्‍ह छम्‍ह हे जक परमेश्‍वर न्‍ह्याबलें तःधनेमा अले वय्‌कःयात हे फुक्‍कसिनं हनेमा। आमेन।

हिब्रू 1:8

काय्‌यागु खँय् धाःसा वय्‌कलं थथे धयादीगु दु – “हे परमेश्‍वर, छिगु सिंहासन सदां सदां दयाच्‍वनी। छिं छिगु राज्‍यय् च्‍वंपिं मनूतय्‌त फुक्‍कसितं उतिग्‍यंक न्‍याय यानाः बांलाक शासन यानादी।

हिब्रू 2:4

अले हानं थ्‍व खँ सत्‍य खः धकाः झीत क्‍यनेत परमेश्‍वरं हे ततःधंगु शक्ति व अजू चायापुगु ज्‍या व चिं यानादिल। परमेश्‍वरं थःत यःपिन्‍त पवित्र आत्‍मायागु वरदान नं बियादिल।

१ पत्रुस 4:11

नवाइम्‍हय्‌सिनं परमेश्‍वरयागु खँ जक नवाना जुइमाः। कर्पिन्‍त ग्‍वाहालि यानाजुइपिन्‍सं परमेश्‍वरं बियादीगु बलं फक्‍व ग्‍वाहालि याना जुइमाः। येशू ख्रीष्‍टयापाखें छिमिसं फुक्‍क ज्‍यां परमेश्‍वरयात तःधंका जुइमाः। परमेश्‍वर न्‍ह्याबलें तःधना च्‍वनेमा। आमेन।

प्रकाश 11:15

अले न्‍हय्‌म्‍हम्‍ह स्‍वर्गदूतं थःगु तुरही पुल। अले स्‍वर्गं तस्‍सलं थथे धयाहल – “संसारयागु राज्‍य झी प्रभु व वय्‌कःया ख्रीष्‍टयागु राज्‍य जुल। वय्‌कलं सदांया निंतिं राज्‍य यानादी।”