दानिएल 4:12 - नेवाः बाइबल

¹² उकिया हः बांला, माय् गाक्‍क फल सयाच्‍वंगु दु। उपिं फल संसारयापिं फुक्‍कसित नयेत गा। सिमाया क्‍वय् गुँपशु च्‍वनीगु अले आकाशय् च्‍वंपिं झंगःपंक्षी उकिया कचामचाय् बाय् च्‍वनीगु। अले फुक्‍क प्राणीतय्‌सं उकिया फल नइगु।

दानिएल 4:12 ပူးပေါင်းရင်းမြစ်များ

अय्‍यूब 12:24

वय्‌कलं पृथ्‍वीयापिं शासकतय्‌गु बुद्धि लाकाकयादी, वय्‌कलं इमित लँ मदुगु मरुभूमिइ चाचाःहिला जुइत त्‍वःतादी।

अय्‍यूब 14:7

सिमाया निंतिं आशा दइ। उकियात पालाछ्वसां व हाकनं तःमा जुयावइ, उकी न्‍हूगु चुलि जायावइ।

अय्‍यूब 14:9

अय्‌नं भचा लः दये धुंकाः उकी हाकनं चुलि ह्वयाः तःमा जुयावइ।

विलाप 4:20

परमप्रभुया अभिषेक जूम्‍ह जुजु, जिमिगु प्राण इमिगु पन्‍जलय् लात। वय्‌कःयागु सुरक्षाय् जिपिं मेपिं जातितय्‌गु दथुइ सुरक्षित च्‍वने दइ धकाः जिमिसं बिचाः यानागु खः।

इजकिएल 17:23

इस्राएलया पहाडया च्‍वका च्‍वकाय् जिं व पी। उकिया कचात दइ अले वं फल सय्‌की, अले व छमा देवदारुया बांलाःगु सिमा जुइ। फुक्‍क कथंयापिं झंगःपन्छितय्‌सं उकी स्‍वँ दय्‌की, अले उकिया किचलय् इपिं च्‍वनी।

इजकिएल 31:17

वयागु किचलय् च्‍वनाच्‍वंपिं अर्थात देशत मध्‍ये वनापं मिलय् जूपिं नं तरवारं स्‍याःपिंनापं पातालय् मिलय् जू वनी।

दानिएल 4:14

वं तस्‍सलं धाल, ‘व सिमा पालाः क्‍वःथलाब्‍यु, उकिया कचामचा पालाब्‍यु, उकिया हः हाय्‌काछ्व, उकिया फल छ्यालब्‍याल यानाब्‍यु। पशुत उकिया किचलं व झंगःत उकिया कचां बिस्‍युं वनेमा।

मत्ती 13:32

दक्‍वसिबय् चिग्‍वःगु पुसा जूसां थाहां वये धुंकाः थ्‍व अन दुगु मेमेगु स्‍वयाः तःमा जुयाः सिमा जुल। अले झंगःतय्‌सं वयाः थुकियागु कचामचाय् थःगु स्‍वँ दय्‌की।”

मर्कूस 13:32

“थथे गुबलय् व गुखुन्‍हु जुइ धकाः सुनानं मस्‍यू। स्‍वर्गय् च्‍वंपिं स्‍वर्गदूततय्‌सं, अले परमेश्‍वरया काय्‌नं हे नं थ्‍व खँ मस्‍यू। परमेश्‍वर बाःनं जक स्‍यू।

मर्कूस 4:32

छम्‍ह मनुखं तू पुसा बुँइ ह्वली। दक्‍वसिबय् चिग्‍वःगु पुसा जूसां थाहां वइबलय् थ्‍व दक्‍वसिबय् तःमा जुइ। थुकी कचामचा नं यक्‍व दइ, अले झंगःतय्‌सं वयाः थुकी थःगु स्‍वँ दय्‌की।”

लूका 13:19

परमेश्‍वरयागु राज्‍य थथे च्‍वं। छम्‍ह मनुखं तुग्‍वःया पुसा थःगु बुँइ ह्वल। थ्‍व बुया वयाः तःमागु सिमा जुइ, अले झंगःपंक्षीतय्‌सं थुकियागु कचामचाय् थःगु स्‍वँ दय्‌की।”