दानिएल 3:4 - नेवाः बाइबल

⁴ उबलय् नाय्‌खिं च्‍वय्‌कः वःम्‍ह मनुखं ततःसलं हालाः थथे धाल, “हे देश-देशयापिं, जाति जातियापिं, थीथी भाय् ल्‍हाइपिं मनूत जुजुया आज्ञा न्‍यँ!

दानिएल 3:4 ပူးပေါင်းရင်းမြစ်များ

एस्‍तर 8:9

अनंलि सीवान धाइगु स्‍वंगूगु लाया निइस्‍वन्‍हु खुन्‍हु जुजुया सकल छ्यान्‍जेतय्‌त सःतल। मोर्दकैनं यहूदीतय्‌त ब्‍यूगु आज्ञा कथं इमिगु थःगु हे भाषां पौ च्‍वयाः जुजुया मन्‍त्रीत, भारतंनिसें कयाः कूश देय् तक सछि व निइन्‍हय्‌गु प्रान्‍तयापिं बडा-हाकिमत अले देशया थीथी जातियापिनिगु नायःतय्‌त पौ छ्वत।

यशैया 40:9

हे भिंगु खँ हइम्‍ह सियोन, तज्‍जाःगु पर्वतय् थाहां हुँ, अले थ्‍व भिंगु खँ न्‍यंकि! हे भिंगु खँ हइम्‍ह यरूशलेम, ततःसलं हा, मग्‍यासें ततःसलं हा! अले यहूदाया शहरयात धा, “छिमि परमेश्‍वर झायाच्‍वंगु दु।”

यशैया 58:1

“तसकं हा, सुम्‍क च्‍वने मते! तुरहीया सः थें च्‍वंक तसकं हा। जिमि प्रजायात इपिं विद्रोही खः धकाः व याकूबया घरानायात इमिगु पाप क्‍यनाब्‍यु।

दानिएल 3:10

हे महाराज, तुरही, बाँसुरी, सितार, सारंगी, वीणा, सनई व मेमेगु बाजाया सः तायेवं सकल मनूतय्‌सं भ्‍वसुलाः लुँयागु मूर्तियात भागि यायेमाः धकाः छःपिन्‍सं आज्ञा बियादीगु खः।

दानिएल 3:3

उकिं प्रान्‍तया बडा-हाकिमत, प्रशासकत, राज्‍यपालत, सल्‍लाहबीपिं मनूत, दांभरित, न्‍यायाधीशत व प्रान्‍त प्रान्‍तयापिं सकल हाकिमत वयाः नबूकदनेसर जुजुं पलिस्‍था याःगु मूर्तियात देछायेत मुनाः मूर्तियागु न्‍ह्यःने दन।

दानिएल 3:7

अथे जुयाः उपिं तुरही, बाँसुरी, सितार, सारंगी, वीणा, व मेमेगु बाजंतय्‌गु सः तायेवं थीथी भाय् ल्‍हाइपिं, जाति जाति व देश-देशयापिं मनूतय्‌सं नबूकदनेसर जुजुं पलिस्‍था याःगु लुँया मूर्तियात भ्‍वसुलाः भागि यात।

दानिएल 4:1

नबूकदनेसर जुजुं संसारया जाति जाति, देश देश व थीथी भाय् ल्‍हाइपिं मनूतय्‌थाय् थ्‍व बुखँ छ्वत– छिमिगु भिं जुइमा!

दानिएल 4:14

वं तस्‍सलं धाल, ‘व सिमा पालाः क्‍वःथलाब्‍यु, उकिया कचामचा पालाब्‍यु, उकिया हः हाय्‌काछ्व, उकिया फल छ्यालब्‍याल यानाब्‍यु। पशुत उकिया किचलं व झंगःत उकिया कचां बिस्‍युं वनेमा।

दानिएल 6:25

अले दारा जुजुं पृथ्‍वीयापिं फुक्‍क जातित, देशयापिं व थीथी भाय् ल्‍हाइपिं मनूतय्‌त थथे च्‍वल, “छिमिगु भिं जुइमा।

होशे 5:11

एफ्राइमयात क्‍वत्‍यलातःगु दु। न्‍यायलय् वयात न्‍हूत्तुमतु न्‍हूगु दु। व मूर्तिया ल्‍यू वनेत स्‍वःगु दु।

मीका 6:16

छिपिं ओम्रीया विधित व आहाबया घरानायागु दक्‍व खँ पालन यानाः इमिगु थितिकुथिया ल्‍यूल्‍यू जुयाच्‍वंगुलिं जिं छिमित नाश यानाबी। छिमि मनूत दक्‍वसिनं हेपय् याकाः च्‍वनाच्‍वने माली। अले जाति जातियापिं मनूतय्‌सं नं छिमित हेस्‍यानाच्‍वनी।”

प्रकाश 5:9

इमिसं थथे धकाः छपु न्‍हूगु म्‍ये हाल – “थ्‍व भ्‍वंथुइ च्‍वंगु छाप तछ्यानाः छिं हे जक फ्‍यनादी फु, छाय्‌धाःसा छितः स्‍याये धुंकल, अले छिगु हिं परमेश्‍वरया लागि फुक्‍क कुलयापिं, फुक्‍क भाषां नवाइपिं, फुक्‍क देशयापिं व फुक्‍क जात जातियापिन्‍त न्‍यानादिल।