दानिएल 3:3 - नेवाः बाइबल

³ उकिं प्रान्‍तया बडा-हाकिमत, प्रशासकत, राज्‍यपालत, सल्‍लाहबीपिं मनूत, दांभरित, न्‍यायाधीशत व प्रान्‍त प्रान्‍तयापिं सकल हाकिमत वयाः नबूकदनेसर जुजुं पलिस्‍था याःगु मूर्तियात देछायेत मुनाः मूर्तियागु न्‍ह्यःने दन।

दानिएल 3:3 ပူးပေါင်းရင်းမြစ်များ

दानिएल 3:2

अनंलि नबूकदनेसर जुजुं थःम्‍हं पलिस्‍था याःगु मूर्ति देछायेगु इलय् वयेत प्रान्‍त प्रान्‍तयापिं बडा-हाकिमत, प्रशासकत, राज्‍यपालत, सल्‍लाहबीपिं मनूत, दांभरित, न्‍यायाधीशत व प्रान्‍त प्रान्‍तयापिं सकल हाकिमतय्‌त सःतके छ्वल।

दानिएल 3:27

अले प्रान्‍तयापिं बडा-हाकिमत, प्रशासकत, राज्‍यपालत, जुजुयात सल्‍लाह बीपिं मनूत इपिं स्‍वम्‍हय्‌सित स्‍वयेत प्‍यखेरं मुन। मिं इमिगु म्‍हयात छुं मस्‍यंकूगु व इमिगु सँ मिं मनःगु नं इमिसं खंकल। वसः नं च्‍याःगु मदु, अले इमिके मिया बास तक नं मवः।

दानिएल 3:4

उबलय् नाय्‌खिं च्‍वय्‌कः वःम्‍ह मनुखं ततःसलं हालाः थथे धाल, “हे देश-देशयापिं, जाति जातियापिं, थीथी भाय् ल्‍हाइपिं मनूत जुजुया आज्ञा न्‍यँ!

रोमी 3:11

परमेश्‍वरयात सुनानं मथू, वय्‌कःयात मालाजुइपिं सुं हे मदु।

प्रकाश 17:13

थुपिं फुक्‍कसिनं छप्‍पँ जुयाः थःपिनिगु अधिकार व शक्ति व पशुयात बी।

प्रकाश 17:17

परमेश्‍वरयागु इच्‍छा पूवंकेत इपिं छप्‍पँ जुयाः वय्‌कःया वचन पूमवंतले इमिसं थःगु अधिकार व पशुयात बी, छाय्‌धाःसा थ्‍व इच्‍छा परमेश्‍वरं हे इमिगु नुगलय् तयादीगु खः।