दानिएल 3:18 - नेवाः बाइबल

¹⁸ तर वय्‌कलं जिमित बचय् याना मदीसां महाराज, जिमिसं छःपिनि द्यःतय्‌गु सेवा याये मखु, अले छःपिन्‍सं पलिस्‍था यानादीगु लुँयागु मूर्तियात भ्‍वसुलाः भागि नं याये मखु। थ्‍व खँ छःपिन्‍सं सीकादिसँ।”

दानिएल 3:18 ပူးပေါင်းရင်းမြစ်များ

१ राजा 19:14

वं लिसः बिल, “दक्‍व शक्ति दुम्‍ह परमप्रभु परमेश्‍वरया निंतिं जिके यक्‍व जोश दु, इस्राएलीतय्‌सं छिगु बाचायात त्‍वःतूगु दु, छिगु वेदीयात थुनाब्‍यूगु दु अले छिकपिनि अगमवक्तातय्‌त तरवारं स्‍याःगु दु। जि जक ल्‍यंदनि, इमिसं जितः नं स्‍यायेत स्‍वयाच्‍वंगु दु।”

१ राजा 19:18

अय्‌नं जिं इस्राएलय् न्‍हय्‌द्वःम्‍ह (७,०००) बचय् यानातये। थुपिं फुक्‍क बालया न्‍ह्यःने छ्यं क्‍वःमछुकुपिं व वयात चुप्‍पा मनःपिं खः।”

अय्‍यूब 13:15

वय्‌कलं जितः स्‍याःसां तबि जिं वय्‌कःयाके भलसा काये। जिं धात्‍थें हे वय्‌कःया न्‍ह्यःने थःगु लँया रक्षा याये।

हितोपदेश 28:1

सुनानं लिना महःसां दुष्‍ट मनूत बिस्‍युं बिस्‍युं जुइ, धर्मी मनूत धाःसा सिंह थें मग्‍यासे च्‍वनी।

दानिएल 3:28

जुजुं धाल, “शद्रक, मेशक व अबेद्‌नगोया परमेश्‍वरया प्रशंसा जुइमा। थःत विश्‍वास याइपिं व थःगु सेवा याइपिं थुपिं स्‍वम्‍ह मनूतय्‌त बचय् यायेत वय्‌कलं थः स्‍वर्गदूतयात छ्वयाहयादिल। इमिसं जिगु खँ मन्‍यं, थः परमेश्‍वरयात त्‍वःताः मेपिं द्यःतय्‌त पुजा यायेगु स्‍वयाः थः सिनावनेत तयार जुल।

लेवी 19:4

“‘मूर्तिपाखे छिपिं वने मते, अले छिमिसं थःगु निंतिं धातु नाय्‌काः द्यःत नं दय्‌के मते।

मत्ती 10:28

“म्‍ह जक स्‍याये फुपिं, आत्‍मा स्‍याये मफुपिंलिसे छिपिं ग्‍याये मते। बरु छिमिगु म्‍ह व आत्‍मा नितांयात नरकय् छ्वयादी फुम्‍हलिसे जक ग्‍याना च्‍वँ।

मत्ती 10:39

थःगु प्राण बचय् यायेत जक स्‍वइम्‍ह मनू नाश जुयावनी। सुनां जिगु निंतिं थःगु प्राण पाइ व बचय् जुइ।”

मत्ती 16:2

वय्‌कलं लिसः बियादिल – “निभाः बीबलय् आकाश ह्याउँसे च्‍वन कि छिमिसं ‘कन्‍हय् दिं बांलाइ’ धकाः धाइ।

प्रेरित 4:19

अय्‌नं पत्रुस व यूहन्‍नां थथे लिसः बिल – “परमेश्‍वरया न्‍ह्यःने जिमिसं छिकपिनिगु खँ न्‍यनेगु ला कि वय्‌कःयागु खँ न्‍यनेगु? छिकपिन्‍सं हे धयादिसँ।

हिब्रू 11:25

पापय् च्‍वनाः पलख मोजमज्‍जा यायेगु स्‍वयाः परमेश्‍वरया मनूतलिसे दुःखकष्‍ट फयेगु हे वं यय्‌कल।

यहोशू 24:15

परमप्रभुयागु सेवा याये मयःसा सुयागु सेवा यायेगु खः व छिमिसं थौं ल्‍य। छिमि पुर्खातय्‌सं यूफ्रेटिस खुसिया उखे पुजा याःपिं द्यःत कि छिपिं आः च्‍वनाच्‍वंगु देशयापिं एमोरीतय् द्यःत? जि व जिमि छेँजःपिन्‍सं धाःसा परमप्रभुयागु हे सेवा याये।”

प्रकाश 12:11

चीधिकःम्‍ह भ्‍याःचायागु हिं व इमिसं न्‍यंकूगु वचनं यानाः इमिसं वयात बुकाबिल। इपिं सीत तकं लिमच्‍यू।