दानिएल 3:12 - नेवाः बाइबल

¹² हे महाराज, छःपिन्‍सं बेबिलोन प्रान्‍तयापिं शासक दय्‌कूपिं शद्रक, मेशक व अबेद्‌नगो नांयापिं यहूदीतय्‌सं छःपिनिगु आज्ञायात वास्‍ता याःगु मदु। इमिसं छःपिनि द्यःतय्‌त पुजा मयाः व छःपिन्‍सं पलिस्‍था यानादीगु लुँयागु मूर्तियात भागि नं मयाः।”

दानिएल 3:12 ပူးပေါင်းရင်းမြစ်များ

एस्‍तर 3:8

अले हामानं अहासूरस जुजुयात धाल, “छसपोलया राज्‍य दुने छगू जाति देय्‌या फुक्‍क प्रान्‍तय् मनूतय् दथुइ च्‍वनाच्‍वंगु दु। इपिं ब्‍यागल च्‍वना वयाच्‍वंगु दु। इमिगु रितिथिति मेगु फुक्‍क जातितय्‌गु स्‍वयाः पा। इमिसं छसपोलया नियम कानून नं मानय् मयाः। छिसं इमित सह यानाच्‍वनेगु बांलाः मजू।

हितोपदेश 27:4

तं धयागु तसकं छाः, अले ग्‍यानापु, तर नुगः मुइकेगु धयागु थ्‍व स्‍वयां ग्‍यानापु।

उपदेशक 4:4

अनंलि जिं थ्‍व नं खना कि फुक्‍क दुःखसिया ज्‍या यायेगु व फलिफाप धयागु हे मनूतय्‌सं थः जःलाखःलाया ईख याःगु कारण जक जुइगु खः। थ्‍व नं सितिं वंगु खँ खः, अले फय्‌यात लिइगु थें जक खः।

दानिएल 1:7

मू हाकिमं इमित न्‍हूगु नां तयाबिल – दानिएलयात बेलतसजर, हनन्‍याहयात शद्रक, मीशाएलयात मेशक व अजर्याहयात अबेद्‌नगो।

दानिएल 2:48

अनंलि जुजुं दानिएलयात तसकं मू वंगु देछात बियाः तःधंगु पदय् तल, वं वयात बेबिलोनया फुक्‍क प्रान्‍तयाम्‍ह शासक ल्‍यल। अले वयात अनया सकल ज्ञान दुपिं मनूतय् नायः दय्‌कल।

दानिएल 2:49

दानिएलं बिन्‍ति याःगुलिं जुजुं शद्रक, मेशक व अबेद्‌नगोयात बेबिलोनया प्रान्‍तया दानिएलया क्‍वय् च्‍वनाः ज्‍या याइपिं राज्‍यपाल ल्‍यल। दानिएल धाःसा जुजुयागु लाय्‌कुलिइ हे च्‍वन।

दानिएल 3:11

अले भ्‍वसुलाः भागि मयाइम्‍हय्‌सित ह्वाना ह्वाना च्‍यानाच्‍वंगु मिया भट्टीया दथुइ वांछ्वयेगु जुइ धकाः छःपिन्‍सं आज्ञा बियादीगु खः।

दानिएल 3:16

शद्रक, मेशक व अबेद्‌नगों जुजुयात धाल, “हे महाराज नबूकदनेसर, थ्‍व खँय् जिमिसं छःपिन्‍त लिसः बी हे माः धइगु मदु।

दानिएल 3:29

अथे जुयाः गुगु नं देश, जाति वा भाय् ल्‍हाइम्‍ह मनुखं शद्रक, मेशक व अबेद्‌नगोया परमेश्‍वरया विरोधय् छुं न्‍ववात धाःसा वयात कुचा कुचा यानाबीगु जुइ, अले वयागु छेँयात नाश यानाबीगु जुइ धकाः जिं आज्ञा बी। छाय्‌धाःसा थुकथं बचय् याये फुम्‍ह मेम्‍ह सुं द्यः मदु।”

दानिएल 3:30

अनंलि जुजुं बेबिलोन प्रान्‍तय् शद्रक, मेशक व अबेद्‌नगोया पद थकया बिल।

दानिएल 6:13

अले इमिसं जुजुयात धाल, “हे महाराज, यहूदां ज्‍वनाहःम्‍ह व दानिएलं छःपिन्‍त हनाबना मयाः अले छःपिनिगु आज्ञा मानय् मयाः। वं आः नं न्‍हि स्‍वकः प्रार्थना यायेगु याः।”

दानिएल 6:14

थ्‍व खँ न्‍यनाः जुजुया नुगः मछिन। अले दानिएलयात त्‍वःतकेगु क्‍वःछिनाः सूर्य बिनामवंतले वयात बचय् यायेगु कुतः याना हे च्‍वन।

प्रेरित 17:7

यासोनं इमित थःगु छेँय् तयातःगु दु। कैसरं धाःगु खँ मन्‍यंसे इमिसं येशू धाःम्‍ह मेम्‍ह हे जुजु दु धकाः धयाजुल।”

प्रेरित 5:28

“जिमिसं व मनूयागु खँ मनूतय्‌त स्‍यनेकने याये मते धकाः धयागु मखु ला? अय्‌नं छिमिसं यरूशलेमय् च्‍वँक्‍वसित व मनूयागु खँ न्‍यंके धुंकल। छिमिसं व मनू सीगुया द्वपं जिमित बीत स्‍वयाच्‍वन।”