दानिएल 2:9 - नेवाः बाइबल

⁹ छिमिसं जितः म्‍हगस मधाल धाःसा छिपिं सकसिगु लागि छगू हे जक सजाँय दु। ई हिली ला धयागु आशां छिमिसं जितः मखुगु खँ ल्‍हायेगु ग्‍वसाः ग्‍वःगु दु। आः हे व म्‍हगस जितः कँ। अले छिमिसं उकिया अर्थ धाये फइ धयागु खँ जिं सी।”

दानिएल 2:9 ပူးပေါင်းရင်းမြစ်များ

१ राजा 22:22

“परमप्रभुं न्‍यनादिल, ‘गथे याना?’ “आत्‍मां लिसः बिल, ‘जि वनाः वया फुक्‍क अगमवक्तातय्‌गु म्‍हुतुइ मखुगु खँ ल्‍हाइगु आत्‍मा जुये।’ “परमप्रभुं धयादिल, वयात हेय्‌केत छ ताःलाइ। ‘हुँ, वनाः अथे हे या।’”

१ राजा 22:6

उकिं इस्राएलयाम्‍ह जुजुं प्‍यसःम्‍ह (४००) अगमवक्तातय्‌त मुंकाः इमित न्‍यन, “जिं रामोत-गिलादय् हमला याये ला कि मयाये?” इमिसं लिसः बिल, “हमला यानादिसँ, छाय्‌धाःसा परमप्रभुं व छिगु ल्‍हातय् बियादी।”

एस्‍तर 4:11

“भारदारतय्‌सं व प्रान्‍तया फुक्‍क थासय् च्‍वंपिं मनूतय्‌सं जुजुया थ्‍व आज्ञा सि हे स्‍यू, सुं नं मनू, व मिसा जुइमा वा मिजं जुइमा जुजुं मसःतुसे दुनेया चुकय् दुहां वल धाःसा वयात स्‍यानाछ्वइ। न्‍ह्याथेसां जुजुं लुँया राजदण्‍ड वयापाखें ल्‍ह्वन धाःसा व बचय् जुइ। जि थः हे जुजुयाथाय् वने मदुगु स्‍विन्‍हु दये धुंकल।”

हितोपदेश 12:19

सत्‍य खँ न्‍ह्याबलें ल्‍यनाच्‍वनी, मखुगु खँ ताःतुइ मखु।

यशैया 41:23

आः जू वइगु खँ जिमित धयाब्‍यु, गुकिं यानाः जिमिसं छिपिं हे द्यः खः धकाः सीके फइ। भिं व मभिंगु न्‍ह्यागु सां छुं या, कि जिपिं ग्‍याये माली अले भय कयाः च्‍वनेमाली।

यशैया 44:25

“गुम्‍हय्‌सिनं मखुपिं अगमवक्तातय्‌गु चिं स्‍यंकाबी। गुम्‍हय्‌सिनं बुद्धिमानतय्‌गु खँयात ज्‍यालगय् मजुइकाबी। अले इमिगु ज्ञानया मूर्खतायात क्‍यनादी।

इजकिएल 13:17

“अय् सीमानिम्‍ह मनू, थःगु ख्‍वाः थःगु हे मनं अगमवाणी ल्‍हाइपिं इस्राएलया म्‍ह्याय्‌पिंपाखे स्‍वय्‌कि। इमिगु विरोधय् अगमवाणी ल्‍हानाः थथे धा,

इजकिएल 13:19

छिमिसं छम्‍हू निम्‍हु तछ्व व छपा निपा मरिया निंतिं जिमि प्रजाया न्‍ह्यःने जितः हेला यात। मखुगु खँ न्‍यनीपिं जिमि प्रजायात मखुगु खँ ल्‍हानाः सीम्‍वाःपिं मनूतय्‌त छिमिसं स्‍यात। म्‍वायेम्‍वाःपिं मनूतय्‌त धाःसा छिमिसं बचय् याना तल।

इजकिएल 13:6

इमिगु दर्शनत धात्‍थेंगु मखु व इमिगु ज्‍वखना फताहा खः। इमिसं धाइगु, “परमप्रभुं धयादी,” तर परमप्रभुं इमित छ्वयाहयादीगु हे मखु। अय्‌नं इमिसं इमिगु वचन पूरा जुइ धकाः आसा याइ।

दानिएल 2:16

थ्‍व खँ न्‍यनाः दानिएल व म्‍हगसया अर्थ कनेत छुं ई बियादिसँ धकाः बिन्‍ति यायेत जुजुयाथाय् वन।

दानिएल 2:21

वय्‌कः हे ई व ऋतुत हिलादीम्‍ह खः। वय्‌कलं हे जुजुपिं ल्‍ययेगु व लिकायेगु यानादी। वय्‌कलं बुद्धि दुपिन्‍त बुद्धि व ज्ञान दुपिन्‍त ज्ञान बियादी।

दानिएल 2:8

जुजुं लिसः बिल, “छिमिसं आलताल यानाच्‍वंगु दु धकाः जिं सि हे स्‍यू। छाय्‌धाःसा छिमिसं जिं क्‍वःछिनागु खँ सी धुंकूगु दु।

दानिएल 3:15

आः छक्‍वः नं छिमिसं तुरही, बाँसुरी, सितार, सारंगी, वीणा, सनई व मेमेगु बाजायागु सः तायेवं जिं दय्‌कागु मूर्तियात भ्‍वसुलाः भागि मयात धाःसा छिमित उघ्रिमय् हे ह्वाना ह्वाना च्‍यानाच्‍वंगु मियागु भट्टीइ वांछ्वयाबी। छु, छिमित बचय् याये फुम्‍ह सुं द्यः दु धकाः च्‍वनागु ला?”

दानिएल 5:28

“पर्सिन – छःपिनिगु राज्‍य ब्‍वथलाः मादी व फारसीतय्‌त ब्‍यूगु दु।”

दानिएल 5:31

अले खुइनिदँ दुम्‍ह मादी दारां व देश त्‍याका काल।

दानिएल 7:25

वं दक्‍वसिबय् तःधंम्‍ह परमेश्‍वरयागु विरोधय् खँ ल्‍हाइ, अले परमेश्‍वरया पवित्र मनूतय्‌त क्‍वत्‍यला तइ। वं धार्मिक नियम व नखःचखः हिलेत स्‍वइ। अले पवित्र मनूतय्‌त वयागु ल्‍हातय् छगू काल, निगू काल व बच्‍छि कालया निंतिं लःल्‍हानाबी।

२ कोरिन्‍थी 2:17

व्‍यापार याये थें जिमिसं परमेश्‍वरयागु भिंगु खँ न्‍यंकाच्‍वनागु मखु। जिमित परमेश्‍वरं हे छ्वया हयादीगुलिं ख्रीष्‍टया च्‍यःतय्‌सं थें जिमिसं खःगु खँ जक नवानाजुयागु दु।