Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




दानिएल 2:47 - नेवाः बाइबल

47 जुजुं दानिएलयात धाल, “धात्‍थें छिमि द्यःतय् नं परमेश्‍वर अले जुजुतय् प्रभु व सुलाच्‍वंगु खँ उलादीम्‍ह खः। जिं थ्‍व खँ स्‍यू छाय्‌धाःसा छं थ्‍व सुलाच्‍वंगु खँ उले फत।”

အခန်းကိုကြည့်ပါ။ ကော်ပီ




दानिएल 2:47
34 ပူးပေါင်းရင်းမြစ်များ  

अले फारों योसेफयात धाल, “परमेश्‍वरं छन्‍त फुक्‍क खँ क्‍यनादीगु दु। छ थें ज्‍याःम्‍ह ज्ञां दुम्‍ह व सःस्‍यूम्‍ह मनू सु दइ?


थः सकलें च्‍यःतनापं परमेश्‍वरया मनूयाथाय् वयाः वं थथे धाल, “आः जिं इस्राएलय् बाहेक संसारय् गन नं परमेश्‍वर मदु धकाः सिल। उकिं आः थः दासपाखें छगू कोस्‍यलि कयादिसँ।”


वय्‌कलं पुजाहारीतय्‌त इमिगु पदं लिकया मछाले माय्‌काबी, यक्‍व दंनिसें अधिकार यानाच्‍वंपिन्‍त वय्‌कलं लिकयादी।


द्यःतय् परमेश्‍वरयात सुभाय् ब्‍यु, वय्‌कःया दया माया सदां दयाच्‍वनी।


प्रभुतय् परमप्रभुयात सुभाय् ब्‍यु, वय्‌कःया दया माया सदां दयाच्‍वनी।


फुक्‍क जुजुपिं वयागु न्‍ह्यःने क्‍वछू वइ। फुक्‍क जातियापिन्‍सं वयागु सेवा याइ।


परमेश्‍वर स्‍वर्गया सभाया नायः जुयादी, द्यःतय् दथुइ वय्‌कलं फैसला यानादी।


परमप्रभु तःधंम्‍ह व तसकं प्रशंसा याये बहःम्‍ह खः। मेपिं द्यःतय्‌त स्‍वयाः वय्‌कःयात अप्‍वः मानय् यायेमाः।


“परमप्रभु परमेश्‍वरं थथे धयादी – जिं उत्तरं जुजुतय् जुजु बेबिलोनया जुजु नबूकदनेसरयात सलत, रथत, सलगइपिं व छगू तःधंगु सेना ज्‍वनाः टुरोसयात हमला यायेत ब्‍वनाहये।


“व जुजुं थः यःथें यानाः थःत फुक्‍क द्यःत स्‍वयाः तःधंकी अले द्यःतय् नं परमेश्‍वरयात म्‍हुतु वाइ। परमेश्‍वरया तं क्‍वमलाःतले व ताःलाइ, छाय्‌धाःसा छु क्‍वःछ्यूगु खः व पूवने हे माः।


व हे चान्‍हय् दर्शनय् दानिएलयात व सुलाच्‍वंगु खँयागु अर्थ उलाक्‍यन। अले दानिएलं स्‍वर्गयाम्‍ह परमेश्‍वरयात च्‍वछायाः थथे धाल,


दुग्‍यंगु व सुलाच्‍वंगु खँयात वय्‌कलं हे उलादी, अले वय्‌कलं खिउँगु थासय् छु दु धकाः स्‍यू। वय्‌कःयाके न्‍ह्याबलें जः दयाच्‍वनी।


अय्‌नं स्‍वर्गय् च्‍वनादीम्‍ह परमेश्‍वरं सुलाच्‍वंगु खँ उलादी। वय्‌कलं हे लिपा छु जुइ व महाराजयात क्‍यनादीगु खः। छःपिं लासाय् द्यना च्‍वनादीबलय् खनादीगु म्‍हगस व दर्शन थुपिं हे खः –


“हे महाराज, लासाय् छःपिनिगु मन लिपा जुइगु खँपाखे वन अले सुलाच्‍वंगु खँ उलादीम्‍हय्‌सिनं छःपिन्‍त लिपा जुइगु खँ क्‍यनादिल।


जिगु बारे धाःसा, जिके मेपिं मनूत स्‍वयाः अप्‍वः ज्ञान दु धकाः मखु, तर हे महाराज, छःपिन्‍सं थुकिया अर्थ सीमा अले छःपिनिगु मनय् छु छु जुल व सीमा धकाः थ्‍व सुलाच्‍वंगु खँ जितः उलादीगु दु।


हे महाराज, छःपिं ला जुजुतय् नं जुजु खः। स्‍वर्गय् च्‍वनादीम्‍ह परमेश्‍वरं छःपिन्‍त राज्‍य, बल, अधिकार व मान बियादीगु दु।


आः छक्‍वः नं छिमिसं तुरही, बाँसुरी, सितार, सारंगी, वीणा, सनई व मेमेगु बाजायागु सः तायेवं जिं दय्‌कागु मूर्तियात भ्‍वसुलाः भागि मयात धाःसा छिमित उघ्रिमय् हे ह्वाना ह्वाना च्‍यानाच्‍वंगु मियागु भट्टीइ वांछ्वयाबी। छु, छिमित बचय् याये फुम्‍ह सुं द्यः दु धकाः च्‍वनागु ला?”


जुजुं धाल, “शद्रक, मेशक व अबेद्‌नगोया परमेश्‍वरया प्रशंसा जुइमा। थःत विश्‍वास याइपिं व थःगु सेवा याइपिं थुपिं स्‍वम्‍ह मनूतय्‌त बचय् यायेत वय्‌कलं थः स्‍वर्गदूतयात छ्वयाहयादिल। इमिसं जिगु खँ मन्‍यं, थः परमेश्‍वरयात त्‍वःताः मेपिं द्यःतय्‌त पुजा यायेगु स्‍वयाः थः सिनावनेत तयार जुल।


अथे जुयाः गुगु नं देश, जाति वा भाय् ल्‍हाइम्‍ह मनुखं शद्रक, मेशक व अबेद्‌नगोया परमेश्‍वरया विरोधय् छुं न्‍ववात धाःसा वयात कुचा कुचा यानाबीगु जुइ, अले वयागु छेँयात नाश यानाबीगु जुइ धकाः जिं आज्ञा बी। छाय्‌धाःसा थुकथं बचय् याये फुम्‍ह मेम्‍ह सुं द्यः मदु।”


“‘थज्‍याःगु फैसला पिवाः स्‍वर्गदूततय्‌सं क्‍वःछ्यूगु खः। दक्‍वसिबय् तःधंम्‍ह परमेश्‍वरया संसारया फुक्‍क देशय् अधिकार दु, अले वय्‌कलं थःम्‍हं हे ल्‍ययादीपिन्‍त शासन यायेत देशत बियादी, अज्‍ज ला उकी शासन यायेत दकलय् चिधंपिन्‍त नं तयादी, धयागु खँ फुक्‍क मनूतय्‌सं सीमा धकाः पवित्रपिन्‍सं थज्‍याःगु फैसला घोषणा याःगु खः।’


मनूतय् राज्‍यय् दक्‍वसिबय् तःधंम्‍ह परमेश्‍वरयागु अधिकार दु व वय्‌कःयात सु यः वयात राज्‍य बियादी धयागु खँ छःपिन्‍सं सीकामकातले न्‍हय्‌गू काल तक मनूतपाखें छःपिन्‍त लिनाछ्वइ। छःपिं गुँपशुतलिसें च्‍वनादीमाः। छःपिन्‍सं सा द्वहंनं थें घाँय् नयादी अले आकाशया सुति लखं छःपिन्‍त प्‍याकी।


मनूतय् राज्‍यय् दक्‍वसिबय् तःधंम्‍हय्‌सिगु फुक्‍क अधिकार दु, व वय्‌कःयात सु यः वयात बियादी धयागु खँ छं सीकामकातले न्‍हय्‌गू काल तकया लागि मनूतय् दथुं छन्‍त लिनाछ्वइ, अले छ गुँपशुत लिसे च्‍वनी। छं सा द्वहंनं थें घाँय् नयेमाली।”


छःपिनिगु देशय् पवित्र द्यःपिनिगु आत्‍मा दुम्‍ह छम्‍ह मनू दु। न्‍हापायाम्‍ह जुजुया पालय् थ्‍व मनुखं द्यःपिन्‍सं थें दुग्‍यां, अक्‍कल व बुद्धि क्‍यंगु खः। छःपिनि न्‍हापायाम्‍ह जुजु नबूकदनेसरं वयात जादु क्‍यनिपिं, साइत स्‍वइपिं, ज्‍योतिषीत, व ज्‍वखना स्‍वइपिनि नायः दय्‌कादीगु खः।


धात्‍थें हे परमप्रभु परमेश्‍वरं थः दास अगमवक्तातय्‌त थःगु योजना मक्‍यंसे छुं नं यानादी मखु।


वयागु नुगलय् च्‍वंगु गुप्‍ति खँ नं सी दइ। अले वं “धात्‍थें हे परमेश्‍वर छिपिंनाप दी खनी” धकाः क्‍वछुनाः परमेश्‍वरयात तःधंकी।


परमप्रभु छिमि परमेश्‍वर हे ईश्‍वरतय्‌ परमेश्‍वर व प्रभुतय् नं प्रभु, अले दकलय् तःधंम्‍ह परमेश्‍वर खः। वय्‌कः ख्‍वाः स्‍वयाः ज्‍या यानामदीम्‍ह, घुस नयाःमदिम्‍ह, तःधंम्‍ह व भय कायेमाःम्‍ह परमेश्‍वर खः।


परमेश्‍वरं वय्‌कःयात पाय्‌छि इलय् छ्वयाहयादी। परमेश्‍वर हे दक्‍वसिबय् तःधंम्‍ह, फुक्‍क शक्तिया थुवाः, जुजुतय् नं जुजु, अले प्रभुतय् नं प्रभु खः।


“परमप्रभु परमेश्‍वर दकलय् बल्‍लाःम्‍ह खः! वय्‌कः परमप्रभु खः, परमप्रभु परमेश्‍वर दकलय् बल्‍लाःम्‍ह खः! छाय् झीसं थ्‍व ज्‍या यानागु खः धकाः वय्‌कलं स्‍यू अले इस्राएलं नं सीमा! जिमिसं विद्रोह यानाः परमप्रभुयागु खँ मन्‍यनागु दुसा जिमित आः हे स्‍यानाछ्व।


अथे हे तुं साक्षी बियादीगु विश्‍वास याये बहःम्‍ह, सिनाः दकलय् न्‍हापां म्‍वानावःम्‍ह, अले संसारय् च्‍वंपिं जुजुतय् जुजु येशू ख्रीष्‍टपाखें नं छिमित दया माया व शान्‍ति दयेमा। झीत माया यानादीम्‍ह नं वय्‌कः हे जूगुलिं थःगु हिं झीत झीगु पापं छुतय् यानादीम्‍ह नं वय्‌कः हे खः।


थुपिं चीधिकःम्‍ह भ्‍याःचा नाप ल्‍वाः वइ। चीधिकःम्‍ह भ्‍याःचां थुमित बुका छ्वइ, छाय्‌धाःसा वय्‌कः प्रभुतय् नं प्रभु व जुजुतय् नं जुजु खः। वय्‌कः नाप दुपिं सःतातःपिं, ल्‍ययातःपिं व विश्‍वास यायेबहःपिं खः।”


वय्‌कःयागु वसतय् व वय्‌कःयागु खम्‍पाय् थ्‍व नां च्‍वयातःगु दु – “जुजुतय् नं जुजु व प्रभुतय् नं प्रभु।”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ