दानिएल 2:4 - नेवाः बाइबल

⁴ इमिसं आरमेइक भाषां जुजुयात धाल, “हे महाराज, छःपिं ताःई तक म्‍वानादीमा! छःपिनि दासतय्‌त म्‍हगस धयादिसँ अले जिमिसं उकियागु अर्थ कने।”

दानिएल 2:4 ပူးပေါင်းရင်းမြစ်များ

उत्‍पत्ति 31:47

लाबानं उकियात यगर-सहदूता नां तल, याकूबं गलेद धकाः नां तल।

उत्‍पत्ति 41:8

कन्‍हय् खुन्‍हु सुथय् फारोया मन मच्‍वनाः देशय् दक्‍व ज्‍योतिषतय्‌त व सःस्‍यूपिन्‍त सःतके छ्वत। वं इमित थःम्‍हं म्‍हगसय् खंगु खँ कन। इपिं सुनानं फारोया म्‍हगसया अर्थ धाःसा कने मफुत।

१ राजा 1:25

वं थौं क्‍वय् वनाः यक्‍व द्वहंत व ल्‍ह्वंपिं द्वहंचात व फैत बलि छाःगु दु। वं जुजु दाऊदया फुक्‍क काय्‌पिं, सेनापतित व अबियाथार पुजाहारीयात भ्‍वय् सःतूगु दु। आः थुबलय् हे इपिं वनापं च्‍वनाः भ्‍वय् नयाच्‍वंगु दु अले ‘जुजु अदोनियाह ताःई म्‍वायेमा’ धकाः हालाच्‍वंगु दु।

१ राजा 1:31

अले बतशेबां जुजुयात भ्‍वसुलाः भागियानाः थथे धाल, “जिम्‍ह प्रभु महाराज दाऊद न्‍ह्याबलें म्‍वानाच्‍वनादीमा।”

२ राजा 18:26

अले हिल्‍कियाहया काय् एल्‍याकीम, शेब्‍ना व योआं लडाइँलय् वःम्‍ह सेनापतियात धाल, “बिन्‍ति दु, छिकपिनि दासतनापं आरमेइक भाषां न्‍ववानादिसँ, छाय्‌धाःसा जिमिसं व भाय् थू। पखालय् च्‍वनाच्‍वंपिं मनूतय्‌सं ताय्‌कः हिब्रू भाषां जिपिंनापं न्‍ववानादी मते।”

एज्रा 4:7

हाकनं फारसयाम्‍ह जुजु अर्तासास्‍तया पालय् विश्‍लाम, मित्रेता, ताबेल व इपिंनापं ज्‍या याइपिन्‍सं जुजुयात छगू पौ च्‍वल। पौ आरमेइक भाषाय् व आरमेइक आखलं च्‍वःगु खः।

नहेम्‍याह 2:3

अय्‌नं जिं जुजुयात धया, “महाराज सदां म्‍वानादीमा। जिमि पुर्खात थुंगु शहर तहसनहस जूगु दु अले उकिया ध्‍वाखा मिं नयाः नाश जुइ धुंकूगु दु धाःसा जिगु ख्‍वाः छाय् खिउँसे मच्‍वनी?”

यशैया 36:11

अले एल्‍याकीम, शेब्‍ना व योआं लडाइँलय् वःम्‍ह कप्‍तानयात धाल, “बिन्‍ति दु, छिकपिनि दासतनापं आरमेइक भाषां न्‍ववानादिसँ, छाय्‌धाःसा जिमिसं व भाय् थू। पखालय् च्‍वनाच्‍वंपिं मनूतय्‌सं ताय्‌काः हिब्रू भाषां जिपिंनापं न्‍ववानादी मते।”

यशैया 44:25

“गुम्‍हय्‌सिनं मखुपिं अगमवक्तातय्‌गु चिं स्‍यंकाबी। गुम्‍हय्‌सिनं बुद्धिमानतय्‌गु खँयात ज्‍यालगय् मजुइकाबी। अले इमिगु ज्ञानया मूर्खतायात क्‍यनादी।

दानिएल 1:4

जुजु नबूकदनेसरं वयात धाल, “इपिं ल्‍याय्‌म्‍हपिं ख्‍वं मदुपिं, बांलाःपिं, फुक्‍क कथंया ज्ञान काये मास्‍तिवय्‌किपिं, फुक्‍क ज्ञान दुपिं, याकनं सय्‌के फुपिं व लाय्‌कुलिइ सेवा यायेबहःपिं जुइमाः। इमित बेबिलोनीतय् भाषा व साहित्‍य स्‍यँ।

दानिएल 2:7

इमिसं हानं धाल, “हे महाराज, छःपिनि दासतय्‌त म्‍हगस धयादिसँ, जिमिसं उकिया अर्थ कनाबी।”

दानिएल 3:9

इमिसं नबूकदनेसरयात धाल, “हे महाराज, छःपिं ताःई तक म्‍वानादीमा।

दानिएल 4:19

थ्‍व खँ न्‍यनाः दानिएल (गुम्‍हय्‌सित बेलतसजर नं धाः) पलख थुरथुर खात, म्‍हगसया अर्थं वयात ख्‍यात। जुजुं वयात धाल, “हे बेलतसजर, म्‍हगस व उकिया अर्थ कनेत छ ग्‍याये मते।” बेलतसजरं धाल, “हे जिमि प्रभु, थ्‍व म्‍हगस व उकिया अर्थ छःपिनि शत्रुतय्‌त जूगु जूसा ला ज्‍यूगु नि।

दानिएल 4:7

जादु क्‍यनिपिं, ज्‍वखना स्‍वइपिं वःबलय्‌ जिं इमित म्‍हगस कना, ज्‍योतिषीतय्‌त व साइत स्‍वइपिं वःबलय्‌ जिं इमित म्‍हगस कना, अय्‌नं इमिसं उकिया अर्थ कने मफुत।

दानिएल 4:9

जिं वयात धया, “हे बेलतसजर, जादु क्‍यनीपिनि नायः, छंके पवित्र द्यःतय्‌गु आत्‍मा दु धकाः जिं स्‍यू। अले छन्‍त छुं नं सुलाच्‍वंगु खँया अर्थ कनेत थाकुइ मखु। म्‍हगसय् जिं खनागु दर्शन न्‍यँ, अले जितः उकिया अर्थ कँ।

दानिएल 5:10

जुजु व भारदारत हालाच्‍वंगु सः तायाः रानीमां भ्‍वय् नयेगु क्‍वथाय् वयाः थथे धाल, “हे महाराज, छःपिं ताःई तक म्‍वानादीमा! थथे ख्‍वाः वँचुसे च्‍वंकादी मते।

दानिएल 5:8

अले जुजुया सकलें ज्ञान दुपिं मिजंत वल, तर इमिसं थ्‍व च्‍वयातःगु आखः ब्‍वने मफुत वा उकिया अर्थ नं जुजुयात कने मफुत।

दानिएल 6:21

दानिएलं लिसः बिल, “हे महाराज, छःपिं ताःई तक म्‍वानादीमा!

दानिएल 6:6

उकिं इपिं निम्‍ह मन्‍त्रीत व प्रान्‍तयापिं बडा-हाकिमत जुजुयाथाय् वनाः थथे धाल, “हे महाराज दारा, छःपिं ताःई तक म्‍वानादीमा!

दानिएल 6:7

स्‍विन्‍हुया दुने सुनां सुनां छःपिं बाहेक मेपिं सुं द्यः वा मनूयात बिन्‍ति याइ वयात सिंह तयातःगु तःजाःगु गालय् वांछ्वयेगु जुइ धकाः छःपिन्‍सं आज्ञा बियादीमा धकाः जिपिं मन्‍त्रीत, सकलें प्रान्‍तयापिं बडा-हाकिमत, हाकिमत, सल्‍लाह बीपिं सकसिनं क्‍वःछिनागु दु।

मत्ती 21:9

वय्‌कःया ल्‍यूल्‍यू व न्‍ह्यः न्‍ह्यः वयाच्‍वंपिं मनूत थथे धकाः हाल – “होसन्‍ना, दाऊदया काय्, प्रभुया नामं झाःम्‍ह धन्‍यम्‍ह खः। स्‍वर्गय् च्‍वनादीम्‍ह परमेश्‍वरयात होसन्‍ना।”

१ शमूएल 10:24

शमूएलं मनूतय्‌त धाल, “स्‍वयादिसँ! परमप्रभुं ल्‍ययादीम्‍ह मनू थ्‍व हे खः। व थें ज्‍याःम्‍ह झीगु जातिइ मेपिं सुं हे मदु।” अनंलि उपिं सकलें मनूतय्‌सं ततःसलं थथे धकाः हाल, “जुजुया जय जुइमा!”