दानिएल 2:34 - नेवाः बाइबल

³⁴ छःपिन्‍सं स्‍वयाच्‍वनादीबलय् सुनानं मथीकं हे छगः ल्‍वहं तज्‍यानावल। व तज्‍यानावःगु ल्‍वहं झ्‍वाताया नँ व चायागु तुतिइ लानाः उकियात तछ्यात।

दानिएल 2:34 ပူးပေါင်းရင်းမြစ်များ

भजनसंग्रहया सफू 118:22

दकःमितय्‌सं ज्‍यालगय् मजूगु धकाः धाःगु ल्‍वहं हे मू ल्‍वहं जुल।

यशैया 28:16

अथे जुयाः परमप्रभुं धयादी, “स्‍व, जिं सियोनय् छग्‍वः ल्‍वहं तयागु दु, जाँचय् यानातःगु छग्‍वः ल्‍वहं, तसकं बल्‍लाःगु जगया निंतिं मदय्‌कं मगाःगु मू ल्‍वहं। थुकी विश्‍वास याइपिं सुनानं लज्‍या चाय् माली मखु।

यशैया 60:12

छाय्‌धाःसा छंगु सेवा मयाइगु जाति व राज्‍य नाश जुइ। इपिं धात्‍थें हे भज्‍यंक नाश जुइ।

यशैया 8:9

हे जाति जातियापिं मनूत तसकं हा! थरथर खाखां छथाय् मुं! हे पृथ्‍वीया तापाक्‍क तापाक्‍क देशय् च्‍वंपिं मनूत, न्‍यँ, लडाइँ यायेत तयार जु तर भय का! खः धात्‍थें हे भय का।

इजकिएल 32:28

“हे फारो, छ नं कुचा कुचा जुयाः तरवारं स्‍याःपिं खतना मजूपिनिगु दथुइ लानाच्‍वनी।

इजकिएल 47:5

वं मेगु ५३० मिटर नापय् यात, तर आः लः थाहां वयाः जिं छी मफइगु खुसि जुल। व लाल कायेजीक तज्‍जाःगु दु, व सुं छी मफइगु खुसि जूगु दु।

दानिएल 2:33

वयागु तुति नँयागु, वयागु तुतिपालि छुं नँयागु व छुं चायागु खः।

दानिएल 7:27

पृथ्‍वीया फुक्‍क राज्‍यतय्‌गु शक्ति व तःधंसू दकलय् तःधंम्‍ह परमेश्‍वरया पवित्र मनूतय्‌गु ल्‍हातय् बी। वय्‌कःया राज्‍य न्‍ह्याबलें दयाच्‍वनीगु राज्‍य जुइ। फुक्‍क राज्‍यं वय्‌कःया खँ न्‍यनी व वय्‌कःयागु सेवा याइ।’

दानिएल 8:25

व चलाखम्‍ह जूगुलिं वयागु छल ताःलाइ। अले वं तःधंछुयाः छुं हे मस्‍यूपिं यक्‍व मनूतय्‌त नाश याइ। वं दकले तःधंम्‍ह जुजुयागु नं विरोध याइ। अय्‌नं सुं मनुखं मथीकं व नाश जुइ।

जकरिया 12:3

उखुन्‍हु हे पृथ्‍वीया फुक्‍क जातित यरूशलेमलिसे ल्‍वायेत मुनी। सकल मनूतय्‌त ल्‍ह्वनेत जिं यरूशलेमयात छगः ल्‍वहं दय्‌काबी। सुनां थुकियात ल्‍ह्वनी वं थःत घाःपा याइ।

जकरिया 4:6

उकिं वं जितः धाल, “थ्‍व यरूबाबेलया निंतिं परमप्रभुया वचन खः, ‘शक्तिं मखु, बलं नं मखु, तर जिगु आत्‍मापाखें’ धकाः दक्‍व शक्ति दुम्‍ह परमप्रभुं धयादी।

मत्ती 16:18

अथे जूगुलिं जिं छन्‍त धाये, छ धात्‍थें हे पत्रुस ल्‍वहं खः। जिं थ्‍व हे ल्‍वहँतय् थःगु मण्‍डली दय्‌के। अले शैतानं तकं थ्‍व मण्‍डलीयात बुके फइ मखु।

यूहन्‍ना 1:13

थुपिं मनूतय्‌पाखें बुइका तःपिं मखु, बरु परमेश्‍वरं बुइका तःपिं परमेश्‍वरया सन्‍तान खः।

प्रेरित 4:11

धर्मशास्‍त्रय् थ्‍व हे येशूयागु खँ थथे च्‍वयातःगु दु – “‘दकःमितय्‌सं ज्‍यालगय् मजू धकाः वांछ्वःगु ल्‍वहं हे मू ल्‍वहं जुल।’

२ कोरिन्‍थी 5:1

झीगु थ्‍व म्‍ह झीपिं च्‍वनेगु संसारयागु छेँ थें खः। गुबलय् झीपिं सी अबलय् परमेश्‍वरं झीत मेगु न्‍हूगु म्‍ह बियादी। न्‍हूगु म्‍ह मनूतय्‌सं दय्‌कातःगु छेँ थें मखु। सदां दयाच्‍वनीगु स्‍वर्गयागु छेँ थें खः।

हिब्रू 9:24

ख्रीष्‍ट मनूतय्‌सं स्‍वर्गयागु किपालु थें जक यानाः दय्‌कातःगु महा-पवित्रगु थाय् दुने मखु, बरु झीगु निंतिं स्‍वर्गय् हे परमेश्‍वरया न्‍ह्यःने झायादीगु दु।

१ पत्रुस 2:7

उकिं छिपिं विश्‍वास याःपिनिगु निंतिं थ्‍व तसकं तःजिगु खः। तर विश्‍वास मयाःपिनिगु निंतिं ला – “दकःमितय्‌सं ज्‍यालगय् मजूगु धकाः धाःगु ल्‍वहं हे कुंयागु मू ल्‍वहं जुल।”

प्रकाश 11:15

अले न्‍हय्‌म्‍हम्‍ह स्‍वर्गदूतं थःगु तुरही पुल। अले स्‍वर्गं तस्‍सलं थथे धयाहल – “संसारयागु राज्‍य झी प्रभु व वय्‌कःया ख्रीष्‍टयागु राज्‍य जुल। वय्‌कलं सदांया निंतिं राज्‍य यानादी।”

प्रकाश 17:14

थुपिं चीधिकःम्‍ह भ्‍याःचा नाप ल्‍वाः वइ। चीधिकःम्‍ह भ्‍याःचां थुमित बुका छ्वइ, छाय्‌धाःसा वय्‌कः प्रभुतय् नं प्रभु व जुजुतय् नं जुजु खः। वय्‌कः नाप दुपिं सःतातःपिं, ल्‍ययातःपिं व विश्‍वास यायेबहःपिं खः।”