दानिएल 2:20 - नेवाः बाइबल

²⁰ “परमेश्‍वरया नांया न्‍ह्याबलें न्‍ह्याबलें जयजय या, छाय्‌धाःसा बुद्धि व शक्ति वय्‌कःयागु हे खः।

दानिएल 2:20 ပူးပေါင်းရင်းမြစ်များ

उत्‍पत्ति 14:20

दक्‍वसिबय् तःधंम्‍ह परमेश्‍वरयात तःधंकी, गुम्‍हय्‌सिनं छिमि शत्रुतय्‌त छंगु ल्‍हातय् लःल्‍हानादिल।” अले अब्रामं थःम्‍हं हःगु फुक्‍क झिब्‍वय् छब्‍व वय्‌कःयात बिल।

१ राजा 8:56

“थःम्‍हं बचं बियादीगु थें थःगु जाति इस्राएलयात आराम बियादीम्‍ह परमप्रभुया प्रशंसा जुइमा। वय्‌कलं थः दास मोशापाखें बियादीगु फुक्‍क भिंगु बचं वय्‌कलं पूरा यानादीगु दु।

१ इतिहास 29:20

अनंलि दाऊदं मनूतय्‌त धाल, “परमप्रभु छिमि परमेश्‍वरया प्रशंसा या।” अले सकल मनूतय्‌सं परमप्रभु थः पुर्खाया परमेश्‍वरयात प्रशंसा यात अले परमप्रभु व जुजुयात हनाबना बीत बँय् तक छ्यं क्‍वछुकल।

२ इतिहास 20:21

मनूतय्‌के सल्‍लाह काये धुंकाः यहोशापातं परमप्रभुया भजन हालेत व वय्‌कःया पवित्रताया गौरवया प्रशंसा यायेत छुं मनूतय्‌त ल्‍यल। अले इमिसं सेनाया न्‍ह्यःने वनाः थथे धकाः म्‍ये हाल, “परमप्रभुयात सुभाय् ब्‍यु, वय्‌कःया दयामाया न्‍ह्याबलें दयाच्‍वनी।”

नहेम्‍याह 9:5

अले येशूअ, कादमीएल, बानी, हशबन्‍याह, शरेबियाह, होदियाह, शबन्‍याह व पतहियाह नांयापिं लेवीतय्‌सं धाल, “दनाः अनादिंनिसें अनन्‍त तक दीम्‍ह परमप्रभु झी परमेश्‍वरयात तःधंकि।” अले इमिसं थथे प्रार्थना यात, “छिगु महिमां जाःगु नां धन्‍य जुइमा, व नां फुक्‍क सुवाः व प्रशंसा स्‍वयाः च्‍वय् दु।

अय्‍यूब 12:13

बुद्धि व शक्ति परमेश्‍वरयागु हे खः। वय्‌कःयाके हे सल्‍लाह व दुग्‍यां दु।

भजनसंग्रहया सफू 113:1

हल्‍लेलूयाह! अय् परमप्रभुया दासत, वय्‌कःया नांया प्रशंसा या!

भजनसंग्रहया सफू 113:2

आः व न्‍ह्याबलें परमप्रभुया नांया प्रशंसा जुइमा!

भजनसंग्रहया सफू 115:18

तर झीसं ला आः व न्‍ह्याबलें परमप्रभुया प्रशंसा याये। हल्‍लेलूयाह!

भजनसंग्रहया सफू 147:5

झी परमप्रभु तःधंम्‍ह व तसकं बल्‍लाःम्‍ह खः, वय्‌कः फुक्‍क स्‍यूम्‍ह खः,

भजनसंग्रहया सफू 41:13

परमप्रभु, इस्राएलया परमेश्‍वरया प्रशंसा या। आः, अले न्‍ह्याबलें। आमेन! आमेन!

भजनसंग्रहया सफू 50:23

सुभाय्‌या बलि छाइम्‍हय्‌सिनं हे जिगु महिमा याइ, अले जिगु लँय् जूपिन्‍त जिं परमेश्‍वरयागु मुक्ति क्‍यने।”

भजनसंग्रहया सफू 62:11

परमेश्‍वरं तःकः हे थथे धयादीगु जिं न्‍यनागु दु, “शक्ति जिगु खः,

हितोपदेश 8:14

सल्‍लाह व क्‍वःछीगु ज्‍या जिगुपाखें हे जुइ। दुग्‍यां व शक्ति जिगु हे खः।

यर्मिया 32:19

छिगु बिचाः तःधं अले छिगु ज्‍याखँय् शक्ति दु, मनूतय्‌गु फुक्‍क पहःचहः छिं खं। छम्‍ह छम्‍ह मनूयात वयागु पहःचहः व ज्‍याकथं फल बियादी।

इजकिएल 28:3

छु छ दानिएल स्‍वयाः बुद्धि दुम्‍ह खः ला? छु छपाखें छुं रहस्‍य सुलाच्‍वंगु मदु ला?

मत्ती 6:13

जिमित परिक्षाय् लाकादी मते, बरु दुष्‍टपाखें बचय् यानादिसँ छाय्‌धाःसा राज्‍य व पराक्रम व महिमा सदां सर्वदां छिगु हे खः, आमेन।’

यहूदा 1:24

छिमित दोष मदय्‌काः परमेश्‍वरया न्‍ह्यःने हयादीम्‍ह झी प्रभुयागु नां सदां तःधना च्‍वनेमा। थ्‍व हे प्रभुं छिमित पाप याकेबी मखु। थ्‍व हे प्रभुं छिमित आनन्‍दं तयादी।

प्रकाश 5:12

थथे म्‍ये हाला च्‍वंगु खना – “स्‍याये धुंकूम्‍ह चीधिकःम्‍ह भ्‍याःचा हे शक्ति, धन, बुद्धि, बल, महिमा, हनाबना व तःधंके बहःम्‍ह खः।”