दानिएल 2:12 - नेवाः बाइबल

¹² थुकिं जुजुयात तसकं तंचाय्‌कल अले वं झ्‍वँःकय् बेबिलोनयापिं ज्ञान दुपिं सकल मनूतय्‌त स्‍यायेगु आज्ञा बिल।

दानिएल 2:12 ပူးပေါင်းရင်းမြစ်များ

अय्‍यूब 5:2

धात्‍थें तमं मूर्खयात स्‍याइ, अले दाहं छुं मस्‍यूपिन्‍त स्‍याइ।

भजनसंग्रहया सफू 76:10

मनूतय्‌सं गुलि तं क्‍यनी, उलि हे छिगु नां तःधनी। लडाइँपाखें बचय् जूपिन्‍सं छिगु नखः हनी।

हितोपदेश 16:14

जुजुया तं धयागु मृत्‍युया दूत थें खः, बुद्धिमानतय्‌सं उकियात क्‍वलाकेत स्‍वइ।

हितोपदेश 19:12

जुजुया तं धयागु सिंहया सः थें खः, तर वयागु कृपा घाँसय् च्‍वंगु सुतिलः थें खः।

हितोपदेश 20:2

जुजुयागु तं धयागु सिंहयागु सः थें खः, सुनां वयात तं पिकाय्‌की, वयागु ज्‍यान वनी।

हितोपदेश 29:22

याकनं तं म्‍वइपिन्‍सं ल्‍वापुख्‍यापु जक हइ। तसकं तं पिकाइपिन्‍सं पाप याइ।

दानिएल 2:24

अले दानिएल बेबिलोनयापिं ज्ञान दुपिं मिजंतय्‌त स्‍यायेत जुजुं ज्‍या ब्‍वःम्‍ह अर्योकयाथाय् वन। वयात धाल, “इमित स्‍यानादी मते। जितः जुजुयाथाय् यंकादिसँ अले जिं वय्‌कःयागु म्‍हगसया अर्थ कनाबी।”

दानिएल 2:5

जुजुं ज्‍योतिषीतय्‌त थथे लिसः बिल, “जिं थ्‍व पक्‍का यानागु दु, छिमिसं जिगु म्‍हगस छु खः व धाये मफुत धाःसा अले जितः उकिया अर्थ कने मफुसा छिमित कुचा कुचा यानाबी। अले छिमिगु छेँयात नाश यानाबी।

दानिएल 3:13

थ्‍व खँ न्‍यनाः जुजु तसकं तंचाल अले शद्रक, मेशक व अबेद्‌नगोयात थःगु न्‍ह्यःने हयेगु आज्ञा बिल। उकिं इमित जुजुयाथाय् हल।

दानिएल 3:19

अले नबूकदनेसर शद्रक, मेशक व अबेद्‌नगो खनाः तसकं तम्‍वल, तमं वयागु ख्‍वाः ह्याउँसे च्‍वन। वय्‌कलं मिया भट्टीयात न्‍हय्‌दुगं च्‍याकेत आज्ञा बिल।

दानिएल 5:19

अले परमेश्‍वरं वय्‌कःयात तःधंकादीगुलिं जाति जातियापिं, देश देशयापिं, अले थीथी भाय् ल्‍हाइपिं मनूत वय्‌कः खनाः ग्‍याइगु व थुरथुर खाइगु। वय्‌कलं सुयात स्‍याये मास्‍ति वय्‌कादी वयात स्‍यानादी, सुयात म्‍वाकातये मास्‍ति वय्‌कादी वयात म्‍वाःका तयादी। सुं मनूयात हनाबना यायेगु व क्‍वह्यंकेगु वय्‌कःया ल्‍हातय् दु।

मत्ती 2:16

ज्‍योतिषीतय्‌सं थथे झंगःलाःगु सीकाः हेरोद तमं मि जुल। अले ज्‍योतिषीतय्‌पाखें नगु खनेदुगु ई सीकातःगु दुगुलिं व हे स्‍वयाः हेरोदं बेथलेहेमय् व वया जःखः च्‍वंगु थासय् च्‍वंपिं निदँ व निदं क्‍वय्‌यापिं मिजंमस्‍तय्‌त स्‍याकेबिल।

मत्ती 5:22

तर जिं छिमित धाये – दाजुकिजापिंलिसे तंम्‍वइम्‍ह मनूयात नं सजाँय बी। सुनानं थः दाजुकिजानापं छुं म्‍वाय्‌क ल्‍वापु थल धाःसा वं तःधंगु सजाँय फयेमाली। अथे हे सुनानं थः दाजुकिजायात ‘ध्‍वादः’ धाल धाःसा व नरकयागु मिइ लाइ।