दानिएल 2:11 - नेवाः बाइबल

¹¹ जुजुं न्‍यनादीगु खँ थुलि थाकु कि द्यःपिन्‍सं जक थ्‍व खँ धाये फइ। इपिं द्यःत मनूतय् दथुइ च्‍वनी मखु।”

दानिएल 2:11 ပူးပေါင်းရင်းမြစ်များ

उत्‍पत्ति 41:39

अले फारों योसेफयात धाल, “परमेश्‍वरं छन्‍त फुक्‍क खँ क्‍यनादीगु दु। छ थें ज्‍याःम्‍ह ज्ञां दुम्‍ह व सःस्‍यूम्‍ह मनू सु दइ?

उत्‍पत्ति 41:8

कन्‍हय् खुन्‍हु सुथय् फारोया मन मच्‍वनाः देशय् दक्‍व ज्‍योतिषतय्‌त व सःस्‍यूपिन्‍त सःतके छ्वत। वं इमित थःम्‍हं म्‍हगसय् खंगु खँ कन। इपिं सुनानं फारोया म्‍हगसया अर्थ धाःसा कने मफुत।

१ राजा 8:27

“तर हे परमेश्‍वर, छु छि धात्‍थें पृथ्‍वीइ मनूतय्‌गु दथुइ च्‍वनादी फइ ला? स्‍वर्गत, स्‍वर्ग स्‍वया तःजाःगु स्‍वर्गय् हे छि न्‍ह्यनी मखु धाःसा जिं दय्‌कागु थ्‍व देगलय् झन छि गन न्‍ह्यनी धकाः?

२ इतिहास 6:18

“तर हे परमेश्‍वर, छु छि धात्‍थें पृथ्‍वीइ मनूतय्‌गु दथुइ च्‍वनादी फइ ला? स्‍वर्ग हे छिगु लागि चिधं धाःसा जिं दय्‌कागु थ्‍व देगः छि च्‍वनेत गन गाइ धकाः?

भजनसंग्रहया सफू 132:14

वय्‌कलं धयादिल, “थ्‍व ला न्‍ह्याबलेंया लागि झासु लनेगु थाय् खः, जि थन सिंहासनय् च्‍वने, छाय्‌धाःसा जितः थ्‍व हे यः।

भजनसंग्रहया सफू 68:18

हे परमप्रभु परमेश्‍वर, छि तःजाःथाय् थाहां झाःबलय् छिं कैदीतय्‌त ज्‍वनाः झाल। छिं मनूतय्‌गु देछा कयादिल, विद्रोहीतय्‌गु देछा तकं कयादिल, हे परमप्रभु परमेश्‍वर, छि अन सदांया निंतिं च्‍वनादी।

प्रस्‍थान 29:45

जि इस्राएलीतय्‌गु दथुइ बाय् च्‍वने, अले जि इमि परमेश्‍वर जुइ।

प्रस्‍थान 8:19

अले जादु क्‍यनिपिन्‍सं फारोयात धाल, “थुकी ला परमेश्‍वरयागु हे ल्‍हाः दु।” अय्‌नं परमप्रभुं धयादी थें हे फारोया नुगः छानाच्‍वन। वं इमिगु खँ मन्‍यन।

यशैया 47:12

“छं थः मचाबलय् निसें यक्‍व दुःखसिया यानावयाच्‍वंगु जादुत व यक्‍व तन्‍त्रमन्‍त्र छ्यला च्‍वँ! सके छ ताःलाइ ला, वा छं भय पिकयाः शत्रुतय्‌त ख्‍याये फइ ला।

यशैया 57:15

छाय्‌धाःसा सदां म्‍वानाच्‍वनादीम्‍ह, तच्‍वकं मानय् याये बहःम्‍ह, गुम्‍हय्‌सिगु नां पवित्र खः, वय्‌कलं धयादी, “जि दक्‍वसिबय् च्‍वय् पवित्रगु थासय् च्‍वनीम्‍ह खः, तर जि पश्‍चातापी व क्‍वमिलुपिंनापं नं च्‍वनीम्‍ह खः, अले जिं क्‍वमिलुया आत्‍मां छिमित बल्‍लाकाबी, अले पश्‍चातापयागु नुगःयात नं बल्‍लाकाबी।

यशैया 8:18

जि व परमप्रभुं जितः बियादीपिं काय्‌म्‍ह्याय्‌पिं थन हे दु। सियोन पर्वतय् च्‍वनादीम्‍ह दक्‍व शक्ति दुम्‍ह परमप्रभुयापाखें जिपिं इस्राएलय् चिं व छुमा खः।

दानिएल 4:4

जि नबूकदनेसर थःगु लाय्‌कुलिइ याउँक व बांलाक च्‍वनाच्‍वना।

दानिएल 5:11

छःपिनिगु देशय् पवित्र द्यःपिनिगु आत्‍मा दुम्‍ह छम्‍ह मनू दु। न्‍हापायाम्‍ह जुजुया पालय् थ्‍व मनुखं द्यःपिन्‍सं थें दुग्‍यां, अक्‍कल व बुद्धि क्‍यंगु खः। छःपिनि न्‍हापायाम्‍ह जुजु नबूकदनेसरं वयात जादु क्‍यनिपिं, साइत स्‍वइपिं, ज्‍योतिषीत, व ज्‍वखना स्‍वइपिनि नायः दय्‌कादीगु खः।

योएल 3:21

जिं क्षमा मयानानीगु इमिगु हिया दोष, जिं क्षमा यानाबी।” परमप्रभु सियोनय् च्‍वनादी।

गन्‍ती 35:34

छिपिं च्‍वंवनेत्‍यंगु देशय् जि थः हे नं च्‍वनेगु जूगुलिं व देशयात अशुद्ध याये मते। जि परमप्रभु इस्राएलीतय् दथुइ च्‍वनीम्‍ह खः।’”

मत्ती 19:26

इमिगु ख्‍वालय् स्‍वयाः वय्‌कलं धयादिल – “मनूतय्‌पाखें थथे जुइ फइ मखु, अय्‌नं परमेश्‍वरं याये मफुगु छुं नं मदु।”

यूहन्‍ना 1:14

वचन मनू जुयाः झीपिं नाप च्‍वं झाल। वय्‌कः दया माया, अले सत्‍यं जाःम्‍ह खः। जिमिसं वय्‌कःया महिमा खना, गुगु महिमा बाःया याकः काय्‌या थें च्‍वं।

यूहन्‍ना 14:17

थ्‍व सत्‍य आत्‍मायात संसारयापिं मनूतय्‌सं ग्रहण याये फइ मखु, छाय्‌धाःसा इमिसं वय्‌कःयात खनी नं मखु, म्‍हसी नं मखु। छिमिसं धाःसा वय्‌कःयात म्‍हस्‍यू। वय्‌कः छिपिंनाप, अले छिमिके हे च्‍वनादी।”

यूहन्‍ना 14:23

वय्‌कलं लिसः बियादिल – “जितः माया याइम्‍हय्‌सिनं जिगु वचन नं मानय् याइ। अले बाःनं नं वयात माया यानादी। अले जिपिं वयाथाय् वये अले व नाप हे च्‍वने।

२ कोरिन्‍थी 6:16

परमेश्‍वरयागु देगःलिसे मूर्तियागु छु स्‍वापु? झीपिं हे म्‍वाःम्‍ह परमेश्‍वर च्‍वनीगु देगः खः। थथे ला परमेश्‍वरं हे धयादीगु दु – “जि इपिंनापं च्‍वने, अले इपिंनापं जुइ। जि इमि परमेश्‍वर जुइ अले इपिं जिमि मनूत जुइ।”

प्रकाश 21:3

सिंहासनं तःसलं थथे धकाः धयाहःगु सः जिं ताल – “स्‍व, आः परमेश्‍वर मनूतलिसे दी। वय्‌कः इपिं नाप हे च्‍वनादी। इपिं वय्‌कःया मनूत जुइ। परमेश्‍वर थः हे इमि परमेश्‍वर जुयाः इपिं लिसे च्‍वनादी।