दानिएल 2:1 - नेवाः बाइबल

¹ नबूकदनेसर जुजु जूगु निगूगु दँय् वं छगू म्‍हगस खन। वयात तसकं धन्‍दा जुल व द्यने मफुत।

दानिएल 2:1 ပူးပေါင်းရင်းမြစ်များ

एस्‍तर 6:1

उखुन्‍हु चान्‍हय् जुजु द्यने मफुत, अथे जुयाः भारदारतय्‌त सःताः थःगु शासनया इलय् जूगु फुक्‍क घटना च्‍वयातःगु सफू ब्‍वनाः न्‍यंकेत उजं बिल। अले जुजुयात व ब्‍वनाः न्‍यंकल।

यर्मिया 25:1

यहूदाया जुजु योशियाहया काय् यहोयाकीमं राज्‍य यानाच्‍वंगु प्‍यंगूगु दँय् (थ्‍व दँ नबूकदनेसर बाबेलया जुजु जूगु न्‍हापांगु दँ खः) यहूदाया फुक्‍क मनूतय्‌गु बारे परमप्रभुया वचन यर्मिया अगमवक्तायाथाय् वल.

दानिएल 2:3

जुजुं इमित धाल, “जिं छगू म्‍हगस खनागु दु उकिं जिगु नुगः खुलखुल मिंगु दु। जितः उकिया अर्थ सीकेमास्‍ति वः।”

दानिएल 4:2

दक्‍वसिबय् तःधंम्‍ह परमेश्‍वरं जिगु निंतिं यानादीगु अजू चाइपुगु चिं व अजू चाइपुगु ज्‍याया बारे छिमित कने दुगुलिं जि लय्‌ताया।

दानिएल 4:5

आकाझाकां छगू म्‍हगस खनाः जि ग्‍यात। जि थःगु लासाय् ग्‍वारातुला च्‍वनाबलय् जिगु मनय् वःगु बिचाः व जिं खनागु दर्शनं जितः ख्‍यात।

दानिएल 5:9

अथे जुयाः जुजु बेलसजर अज्‍ज ग्‍यात अले वयागु ख्‍वाः झन वँचुसे च्‍वन। वया भारदारतय्‌त छु याये छु याये जुल।

दानिएल 6:18

अले जुजु थःगु लाय्‌कुलिइ लिहां वल। उखुन्‍हु चान्‍हय् वं छुं मनः, छुं नं न्‍ह्याइपुगु ज्‍या मयाः अले वयात न्‍ह्यः नं मवः।

दानिएल 7:1

बेलसजर बेबिलोनयाम्‍ह जुजु जूगु न्‍हापांगु दँय्, चान्‍हय् दानिएलं म्‍हगस व दर्शन खन। वं व म्‍हगसया मू खँ च्‍वल।

दानिएल 7:15

“जि दानिएलयात छु याये छु याये जुल। जिं खनागु दर्शनं जिगु नुगः भाराभारा मिन।