दानिएल 12:9 - नेवाः बाइबल

⁹ वं लिसः बिल, “दानिएल, आः छ हुँ छाय्‌धाःसा थ्‍व खँ सुयातं हे सीके मज्‍यू। अन्‍तया ई तकया लागि थ्‍व सफुतिइ छाप तयाः बन्‍द यानातःगु दु।

दानिएल 12:9 ပူးပေါင်းရင်းမြစ်များ

यशैया 29:11

छिमिगु निंतिं थ्‍व दर्शन छाप तयाः चिनातःगु सफूया थूपतिकं च्‍वयातःगु खँग्‍वःत जक खः। अनंलि छिमिसं ब्‍वने फुम्‍ह सुं छम्‍हय्‌सित सफूया थूयाः पौलय् थथे धकाः बिल, “इनाप याये, थ्‍व ब्‍वनादिसँ,” वं लिसः बियाः धाइ, “मखु, जिं थ्‍व ब्‍वने मफु, थुकी छाप तयाः तिनातःगु दु।”

यशैया 8:16

थ्‍व साक्षी चिनाब्‍यु अले परमेश्‍वरं थ्‍व स्‍यनातःगु खँ जिमि चेलातय् दथुइ झौ छाप तयाः बन्‍द यानाब्‍यु।

दानिएल 10:14

छिमि जातियापिं मनूतय्‌त लिपा छु जुइ धइगु खँ छन्‍त थुइकेत जि वयागु दु। छाय्‌धाःसा थ्‍व दर्शन लिपाया ईया बारे खः।”

दानिएल 11:40

“अन्‍तया इलय् दच्‍छिन देशयाम्‍ह जुजुं वलिसें लडाइँ याइ अले उत्तरयाम्‍ह जुजु नं बाः वःगु खुसि थें रथ, सलगइपिं मनूत व यक्‍व लः जहाजत ज्‍वनाः हमला याःवइ। थुकथं व यक्‍व देशय् न्‍यनावनी, अले उपिं देश जुयावनी।

दानिएल 12:4

हे दानिएल, छं थ्‍व सफू बन्‍द यानाः झौ छाप ति। अले अन्‍तया ई तक थुपिं वचन सुयातं सीके मते। उगु इलय् यक्‍व मनूत थःगु ज्ञान थकायेत थुखे उखे ब्‍वाँय् जुइ।”

दानिएल 12:8

वं धाःगु खँ ताःसां जिं उकिया अर्थ मथुल उकिं जिं न्‍यना, “हे जिमि प्रभु, थुपिं फुक्‍कया लिच्‍वः छु जुइ?”

दानिएल 8:26

“बहनि व सुथ बारे छं छु छु खनागु व न्‍यनागु खः व खःगु खँ खः। तर छं दर्शनय् छु छु खनागु खः व सुयातं सीके मते छाय्‌धाःसा व ता ई लिपा जक जुइ।”

प्रकाश 10:4

थथे न्‍हय्‌कः नँ न्‍याये थें सः वये धुंकाः जिं च्‍वय् त्‍यनाबलय् स्‍वर्गं थथे धयाहःगु सः ताल – “न्‍हय्‌कः नँ न्‍याः थें वःगु सःयागु खँ सुयातं कने मते, अले च्‍वये नं मते।”