दानिएल 12:8 - नेवाः बाइबल

⁸ वं धाःगु खँ ताःसां जिं उकिया अर्थ मथुल उकिं जिं न्‍यना, “हे जिमि प्रभु, थुपिं फुक्‍कया लिच्‍वः छु जुइ?”

दानिएल 12:8 ပူးပေါင်းရင်းမြစ်များ

दानिएल 10:14

छिमि जातियापिं मनूतय्‌त लिपा छु जुइ धइगु खँ छन्‍त थुइकेत जि वयागु दु। छाय्‌धाःसा थ्‍व दर्शन लिपाया ईया बारे खः।”

दानिएल 12:6

उपिं मध्‍ये छम्‍हय्‌सिनं खुसिया लःया च्‍वय् दनाच्‍वंम्‍ह सुति वसः फिनातःम्‍ह स्‍वर्गदूतयात न्‍यन, “थुपिं अजू चायापुगु खँ पूवनेत गुलि ई माली?”

दानिएल 12:7

सुति वसः फिनातःम्‍ह खुसिया लःया च्‍वय् दुम्‍ह मनुखं थःगु जव खव निपुं ल्‍हाः स्‍वर्गपाखे ल्‍ह्वनाः न्‍ह्याबलेंयाम्‍ह परमेश्‍वरया नामय् थथे धकाः पाफःगु जिं ताल, “थ्‍व छगू ई, निगू ई व बच्‍छि ई तकया लागि जुइ। परमेश्‍वरया मनूतय्‌गु बल कम जुयेवं थ्‍व खँ पूवनी।”

दानिएल 12:9

वं लिसः बिल, “दानिएल, आः छ हुँ छाय्‌धाःसा थ्‍व खँ सुयातं हे सीके मज्‍यू। अन्‍तया ई तकया लागि थ्‍व सफुतिइ छाप तयाः बन्‍द यानातःगु दु।

दानिएल 8:13

अले जिं छम्‍ह स्‍वर्गदूत न्‍ववाःगु ताया। हानं मेम्‍ह छम्‍ह स्‍वर्गदूतं न्‍हापा न्‍ववाःम्‍हय्‌सित न्‍यन, “थ्‍व दर्शनय् खनेदुगु खँ गबले तक जुयाच्‍वनी? न्‍हियान्‍हिथंया देछाया पलेसा गबले तक घच्‍चाय्‌पुगु पाप जुयाच्‍वनी? देगः व स्‍वर्गया सेनायात न्‍हुत्तुन्‍हुइगु ज्‍या गबले तक जुयाच्‍वनी।”

लूका 18:34

वय्‌कलं धयादीगु खँ इमिसं छुं हे थुइके मफुत। इमिगु नुगलय् छुं हे खँ दुहां वने मफुत। उकिं इमिसं वय्‌कःयागु खँ थुइके मफुत।

यूहन्‍ना 12:16

न्‍हापां ला वय्‌कःया चेलातय्‌संनापं थ्‍व खँ थुइके मफु। येशू सिनाः म्‍वानाः स्‍वर्गय् झाये धुंकाः तिनि इमिसं धर्मशास्‍त्रय् च्‍वयातःगु थ्‍व खँ व लसकुस याःगुया अर्थ थुल।

प्रेरित 1:7

अले वय्‌कलं धयादिल – “बाःनं यानादीगु ज्‍या छिमिसं छु इलय्, गुबलय् जुइ धकाः न्‍यना च्‍वनेमाःगु मदु।

१ पत्रुस 1:11

ख्रीष्‍टयागु आत्‍मां इमित ख्रीष्‍टं दुःखकष्‍ट फयेमाली, अले हानं तसकं तःधनी धकाः धाःगु खँ अगमवक्तातय्‌सं गुबलय् व गुकथं जुइ धकाः सीकेत स्‍वःगु खः।