दानिएल 11:8 - नेवाः बाइबल

⁸ वं इमि नँयागु द्यःया मूर्तित, लुँ व वहःयागु थीके-थीकेगु थलबल लाकाकयाः मिश्रय् यंकी। छुं दँ तक वं उत्तरयाम्‍ह जुजुयात हमला याइ मखु।

दानिएल 11:8 ပူးပေါင်းရင်းမြစ်များ

उत्‍पत्ति 31:30

जिं स्‍यू छ थः बौया छेँय् वनेत आय्‌बूगुलिं थथे पिहां वःगु खःसां छं छाय् जिगु छेँया मूर्तित खुयाहयागु?”

२ शमूएल 5:21

पलिश्‍तीत बिस्‍युं वंबलय् इमिसं अन थः द्यःतय्‌गु मूर्तित त्‍वःताथकल अले दाऊद व वया मनूतय्‌सं उपिं मूर्तितय्‌त कयायंकल।

प्रस्‍थान 12:12

“उखुन्‍हु हे चान्‍हय् जि मिश्र जुयाः वने। अले मिश्रया न्‍हापां बूपिं मनूत व पशुत फुक्‍कं स्‍यानाबी। मिश्रया फुक्‍क द्यःतय्‌त सजाँय बी। जि परमप्रभु खः।

यशैया 2:16

वय्‌कलं दक्‍वसिबय् तःधंगु व तसकं बांलाःगु जहाज थें च्‍वंपिं फुक्‍कसित नाश यानादी।

यशैया 37:19

इमिसं जाति जातितय् द्यःतय्‌त मिइ वान्‍छ्वयाः नाश यानाबिल, छाय्‌धाःसा इपिं द्यः मखु, तर मनूतय्‌गु ल्‍हातं दय्‌कूगु सिँ व ल्‍वहं जक खः।

यर्मिया 46:25

दक्‍व शक्ति दुम्‍ह परमप्रभु, इस्राएलया परमेश्‍वरं धयादी, “स्‍व, जिं थःम्‍हं हे नो शहरया अमोन द्यः, फारो, मिश्र देश व वया द्यःत अले जुजुपिं धकाः फारोयात भरोसा याइपिन्‍के सजाँय हयेत्‍यनागु दु।

दानिएल 10:3

जिं स्‍वंगू वाः फुना मवंतले छुं साःगु नसा मनया, ला मनया, दाखमद्य मत्‍वना, सँय् चिकं मतया।

दानिएल 11:9

लिपा उत्तरयाम्‍ह जुजुं दच्‍छिनयाम्‍ह जुजुया देशय् हमला यायेत वइ। तर व याकनं हे थःगु देशय् लिहांवनी।

होशे 13:15

थः दाजुकिजातय्‌गु दथुइ व जियावसां, परमप्रभुपाखें छगू पुर्बया फय् मरुभूमिं जुया वइ। वयागु लःयागु मुहान सुनावनी, अले तुंथि च्‍वंगु लः नं सुनावनी। वयागु दक्‍व मूं वंगु चिज दुगु धुकुति लुतय् याइ।

होशे 8:6

इपिं इस्राएलीत खः। थ्‍व द्वहंचा कारीगरतय्‌सं दय्‌कूगु खः। व ला परमेश्‍वर मखु। सामरियायाम्‍ह व द्वहंचायात कुचा कुचा याइगु जुइ।

गन्‍ती 33:4

उखुन्‍हु मिश्रीत परमप्रभुं स्‍यानादीपिं इमि न्‍हापां बूपिं काय्‌पिन्‍त ल्‍हाकाच्‍वंगु जुल। थथे यानाः परमप्रभुं इमि द्यःतय्‌त सजाँय बियादीगु खः।

व्‍यवस्‍था 12:3

इमिगु वेदी थुनाब्‍यु अले पुजा याइगु ल्‍वहं तछ्यानाब्‍यु। इमि अशेरा द्यःमय्‌जुयागु थां मिइ छ्वयेकाछ्व। इमि द्यःतय् मूर्ति क्‍वथलाब्‍यु अले पुजा याइगु थासं इमिगु नां हे मदय्‌काछ्व।

न्‍यायकर्ता 18:24

मीकां धाल – “जिं थःगु लागि दय्‌कागु जिमि द्यःत छिमिसं यंकल। छिमिसं जिमि पुजाहारी नं यंकल। छिमिसं जितः छुं नं त्‍वःमतू। छिमिसं– ‘छन्‍त छु जुल? धकाः गथे यानाः न्‍यने फुगु?’”