दानिएल 11:6 - नेवाः बाइबल

⁶ छुं दँ लिपा इपिं मिलय् जुइ। दच्‍छिनयाम्‍ह जुजुं थः म्‍ह्याय् उत्तरयाम्‍ह जुजुयात ब्‍याहा यानाबी, तर इपिं तःन्‍हु तक मिलय् जुयाच्‍वनी मखु। अले राजकुमारी, वया बौ, वनापं वःपिं भारदारत सकसितं हे स्‍याइ।

दानिएल 11:6 ပူးပေါင်းရင်းမြစ်များ

अय्‍यूब 38:15

गुम्‍ह दुष्‍टं इमिगु जःयात सःति, व उपिंपाखें तापानावनी।

भजनसंग्रहया सफू 10:5

दुष्‍ट मनूत थःपिनिगु ज्‍याखँय् न्‍ह्याबलें ताःलाःसां, इमिसं छिगु न्‍यायया खँ थुइके फइ मखु। इमिसं थः शत्रुतय्‌त हिस्‍यानाजुइ।

इजकिएल 30:21

“अय् सीमानिम्‍ह मनू, जिं मिश्र देशयाम्‍ह जुजु फारोया लप्‍पा त्‍वथुलाबियागु दु। हाकनं तरवार चले याये फयेमा धकाः थुकियात पट्टी चिनाब्‍यूगु मदु थुकियात लंकेत मलम पट्टी नं तःगु मदु।

दानिएल 11:13

छाय्‌धाःसा उत्तरयाम्‍ह जुजुं हाकनं न्‍हापा स्‍वयाः यक्‍व सिपाइँत मुंकी। छुं दँ लिपा व तःधंगु सेना व यक्‍व ल्‍वाभः ज्‍वनाः न्‍ह्यज्‍याइ।

दानिएल 11:15

अले उत्तरयाम्‍ह जुजु वयाः पःखाः दुगु शहरयात घेरय् यानाः उकियात त्‍याकाकाइ। दच्‍छिनयापिं सिपाइँत वयागु न्‍ह्यःने दनाच्‍वने फइ मखु। इमि सेनायापिं बबल्‍लाःपिं मनूत नं वयागु न्‍ह्यःने दनाच्‍वने फइ मखु।

दानिएल 11:40

“अन्‍तया इलय् दच्‍छिन देशयाम्‍ह जुजुं वलिसें लडाइँ याइ अले उत्तरयाम्‍ह जुजु नं बाः वःगु खुसि थें रथ, सलगइपिं मनूत व यक्‍व लः जहाजत ज्‍वनाः हमला याःवइ। थुकथं व यक्‍व देशय् न्‍यनावनी, अले उपिं देश जुयावनी।

दानिएल 11:7

“थ्‍वया लिपा राजकुमारीया थःलाःम्‍ह छम्‍ह मनू दच्‍छिन देशय् जुजु जुइ। वं उत्तर देशय् हमला याइ, अनयागु किल्‍ला दुने दुहां वनी अले अन च्‍वंपिं मनूतय्‌त बुकी।

जकरिया 11:16

जिं थःगु बथां स्‍वयेत मेम्‍ह छम्‍ह फैजवाः तये। वं तंपिं फैतय्‌त वास्‍ता याइ मखु, थुखेलाः उखेलाः जूपिन्‍त मुंकी नं मखु, घाःपा जूपिन्‍त लंकी नं मखु, छुं मजूपिन्‍त ज्‍वइ नं मखु। वं बांबालाःपिं फैतय्‌गु ला नइ अले इमिगु ख्‍वःयात सालाः लिकाइ।”