दानिएल 11:11 - नेवाः बाइबल

¹¹ “तसकं तंचायाः दच्‍छिनयाम्‍ह जुजु उत्तरयाम्‍ह जुजुलिसें ल्‍वायेत पिहां वइ। उत्तरयाम्‍ह जुजुं नं ल्‍वायेत यक्‍व सिपाइँत मुंकी तर वया सेना बुइ।

दानिएल 11:11 ပူးပေါင်းရင်းမြစ်များ

१ राजा 20:13

थुबलय् हे छम्‍ह अगमवक्तां इस्राएलया जुजुयाथाय् वयाः थथे धाल, “परमप्रभुं थथे धयादी, ‘छु छं शत्रुतय् ग्‍वाः ग्‍वाः सिपाइँतय्‌त खं ला? थौं हे जिं थुपिं सकसितं छंगु ल्‍हातय् लाकाबी, अले छं जि हे परमप्रभु खः धका म्‍हसी।’”

१ राजा 20:28

उम्‍ह अगमवक्तां आहाब जुजुयाथाय् वयाः थथे धाल, “परमप्रभुं थथे धयादी, ‘अरामीतय्‌सं परमप्रभु ला डाँडायाम्‍ह परमेश्‍वर खः तर मैदानयाम्‍ह मखु धाःगु दु। उकिं जिं थ्‍व तःधंगु सेनायात छंगु ल्‍हातय् लःल्‍हानाबी। अले छं जि हे परमप्रभु खः हे धकाः म्‍हसी।’”

भजनसंग्रहया सफू 76:10

मनूतय्‌सं गुलि तं क्‍यनी, उलि हे छिगु नां तःधनी। लडाइँपाखें बचय् जूपिन्‍सं छिगु नखः हनी।

यर्मिया 27:6

आः जिं थ्‍व फुक्‍क देशत थः दास बेबिलोनयाम्‍ह जुजु नबूकदनेसरयात बी धुन, अले वयागु सेवा यायेमा धकाः गुँपशुत नं वयात बिया।

दानिएल 11:12

थथे व सेनायात बुके धुंकाः व तःधंछु जुइ अले वं द्वलंद्वः मनूतय्‌त स्‍याइ। अय्‌नं तःन्‍हु तक त्‍याना च्‍वनी मखु।

दानिएल 11:40

“अन्‍तया इलय् दच्‍छिन देशयाम्‍ह जुजुं वलिसें लडाइँ याइ अले उत्तरयाम्‍ह जुजु नं बाः वःगु खुसि थें रथ, सलगइपिं मनूत व यक्‍व लः जहाजत ज्‍वनाः हमला याःवइ। थुकथं व यक्‍व देशय् न्‍यनावनी, अले उपिं देश जुयावनी।

दानिएल 11:44

अनंलि पुर्ब व उत्तरपाखें वइगु बुखँ न्‍यनाः व ग्‍याइ। तसकं तंचायाः वं यक्‍वसित नाश यायेत लिहां वइ।

दानिएल 11:5

“दच्‍छिनयाम्‍ह जुजु बल्‍लाइ तर वया कप्‍तानत मध्‍ये छम्‍ह व स्‍वयाः बल्‍लाइ। अले वं अज्‍ज तःधंगु राज्‍यय् शासन याइ।

दानिएल 2:38

छःपिनि ल्‍हातय् वय्‌कलं मानव जाति व गुँपशुत अले आकाशयापिं झंगःपंक्षीत तयादीगु दु। इपिं न्‍ह्याथाय् च्‍वंसां वय्‌कलं छःपिन्‍त हे इपिं फुक्‍कसिया शासक दय्‌कादीगु दु। छःपिं हे व लुँया छ्यं खः।

दानिएल 8:7

व भ्‍याःचायात तसकं तंम्‍वयाः च्‍वःगु अले वयागु निपु नेकू त्‍वथुलाब्‍यूगु जिं खना। वलिसें ल्‍वायेत व भ्‍याःचायाके बल मन्‍त। वयात बँय् बस्‍वात अले दुगुं वयात न्‍हुत्तुन्‍हुल। भ्‍याःचायात बचय् याये फुम्‍ह अन सुं नं मदु।