दानिएल 10:3 - नेवाः बाइबल

³ जिं स्‍वंगू वाः फुना मवंतले छुं साःगु नसा मनया, ला मनया, दाखमद्य मत्‍वना, सँय् चिकं मतया।

दानिएल 10:3 ပူးပေါင်းရင်းမြစ်များ

२ शमूएल 19:24

अले शाऊलया छय् मपीबोशेत नं जुजुयात नापलायेत क्‍वय् क्‍वहां वल। जुजुं यरूशलेम त्‍वःता वंगु दिनंनिसें लिहां मवतले, मपीबोशेतं न तुति सिल, न दाह्री चाल, न थःम्‍हं फिनातःगु लं हे हिल।

अय्‍यूब 33:20

अले वं नयेगु नसायात घृणा याइ। अले वयागु प्राणं न्‍ह्याक्‍व साःगु नसा जूसां घृणा याइ।

दानिएल 10:12

हानं वं जितः धाल, “हे दानिएल, ग्‍याये मते, छं दुग्‍यां कायेगु क्‍वछ्यूगु न्‍हापांगु दिंनिसें व छिमि परमेश्‍वरया न्‍ह्यःने थःत क्‍वमिलु याःबलय् निसें छंगु प्रार्थना न्‍यनादीगु दु। जि व हे लिसः बीत वयाम्‍ह खः।

दानिएल 11:8

वं इमि नँयागु द्यःया मूर्तित, लुँ व वहःयागु थीके-थीकेगु थलबल लाकाकयाः मिश्रय् यंकी। छुं दँ तक वं उत्तरयाम्‍ह जुजुयात हमला याइ मखु।

दानिएल 6:18

अले जुजु थःगु लाय्‌कुलिइ लिहां वल। उखुन्‍हु चान्‍हय् वं छुं मनः, छुं नं न्‍ह्याइपुगु ज्‍या मयाः अले वयात न्‍ह्यः नं मवः।

आमोस 5:11

छिमिसं मगाःमचाःपिन्‍त क्‍वत्‍यला च्‍वन, इमिगु अन्‍न लुतय् यानाच्‍वन। अथे जुयाः ल्‍वहंया ततःखाःगु छेँ छिमिसं दय्‌कूसां छिपिं उकी च्‍वने दइ मखु। छिमिसं लहलह वइगु दाखमा प्‍यूसां छिमिसं उकियागु दाखमद्य त्‍वने खनी मखु।

नहूम 2:9

वहः लुतय् या! लुँ लुतय् या! अन धन-सम्‍पत्ति यक्‍व दु, अले मू वंगु सामानत नं यक्‍व दु।

मत्ती 6:17

बरु छं अपसं च्‍वनेबलय् ख्‍वाः सिलाः छेनय् चिकं तया च्‍वँ।

लूका 7:46

छिं जिगु छेनय् चिकनं थाका बियामदी तर वं जिगु पालिइ चिकनं थाका बिल।

१ कोरिन्‍थी 9:27

जिं थःगु म्‍हयात दायाः दायाः बसय् तयाच्‍वना। थथे मयाःसा मेपिन्‍त जक भिंगु खँ न्‍यंकाः जि थः हे सिरपाः काये बहःम्‍ह जुइ मखु।