दानिएल 10:17 - नेवाः बाइबल

¹⁷ जिमि प्रभु, छि दासं प्रभु थें ज्‍याःम्‍हलिसें गथे खँ ल्‍हायेगु? जिके बल नं मदये धुंकल, सासः ल्‍हायेत नं थाकुइ धुंकल।”

दानिएल 10:17 ပူးပေါင်းရင်းမြစ်များ

उत्‍पत्ति 32:20

थथे धायेगु धाःसा ल्‍वःमंके मते, “छिम्‍ह दास याकूब जिमिगु लिउने वयाच्‍वंगु दु।” थःगु न्‍ह्यःने न्‍ह्यःने छ्वःगु कोसेलिं वयागु तं क्‍वलाके फइ, अले थः वयागु न्‍ह्यःने वनेबलय् वं लसकुस यानाः काइ धकाः मतिइ तयाः वं अथे याःगु खः।

प्रस्‍थान 33:20

अले वय्‌कलं धयादिल, “अय्‌नं छं जिगु ख्‍वाः स्‍वये फइ मखु, छाय्‌धाःसा जिगु ख्‍वाः स्‍वयाः सुं नं मनूत म्‍वानाच्‍वने फइ मखु।”

दानिएल 10:8

अथे जुयाः जि जक अन च्‍वना, थ्‍व अजू चाइपुसे च्‍वंगु दर्शन स्‍वयाच्‍वना। थुकिं यानाः जिके बल मन्‍त, जिगु ख्‍वालय् रंग नं मन्‍त।

दानिएल 4:19

थ्‍व खँ न्‍यनाः दानिएल (गुम्‍हय्‌सित बेलतसजर नं धाः) पलख थुरथुर खात, म्‍हगसया अर्थं वयात ख्‍यात। जुजुं वयात धाल, “हे बेलतसजर, म्‍हगस व उकिया अर्थ कनेत छ ग्‍याये मते।” बेलतसजरं धाल, “हे जिमि प्रभु, थ्‍व म्‍हगस व उकिया अर्थ छःपिनि शत्रुतय्‌त जूगु जूसा ला ज्‍यूगु नि।

मर्कूस 12:36

पवित्र आत्‍मां जायाः दाऊद थःम्‍हं हे थथे धयावंगु खः – “‘छं शत्रुतय्‌त छंगु पालि तःले मततले छ जिगु जवय् च्‍वनाच्‍वँ धकाः परमप्रभुं जिमि प्रभुयात धयादिल।’

यूहन्‍ना 1:18

परमेश्‍वरयात सुनानं गुबलें हे खंगु मदु। अय्‌नं बाः नाप च्‍वंम्‍ह याकः काय्‌नं हे वय्‌कःयात क्‍यनादीगु दु।

न्‍यायकर्ता 6:22

व परमप्रभुया दूत हे खः धकाः सियाः गिदोनं ग्‍यानाः धाल, “हे परमप्रभु! जिं परमप्रभुया दूतयात जिगु न्‍ह्यःने खना।”