दानिएल 10:12 - नेवाः बाइबल

¹² हानं वं जितः धाल, “हे दानिएल, ग्‍याये मते, छं दुग्‍यां कायेगु क्‍वछ्यूगु न्‍हापांगु दिंनिसें व छिमि परमेश्‍वरया न्‍ह्यःने थःत क्‍वमिलु याःबलय् निसें छंगु प्रार्थना न्‍यनादीगु दु। जि व हे लिसः बीत वयाम्‍ह खः।

दानिएल 10:12 ပူးပေါင်းရင်းမြစ်များ

भजनसंग्रहया सफू 69:10

जि अपसं च्‍वनाः ख्‍वयेबलय् मनूतय्‌सं जितः हिस्‍याइ।

यशैया 35:4

नुगलय् भय दुपिन्‍त धा, “साहस या, ग्‍याये मते। छिमि परमेश्‍वर शत्रुतय्‌त सजाँय बीत झायादी, अले छिमित बचय् यायेत परमेश्‍वरया बदलानापं झायादी।”

यशैया 41:10

अथे जुयाः ग्‍याये मते, छाय्‌धाःसा जि छनापं हे दु। नुगः क्‍वतुंके मते, छाय्‌धाःसा जि हे छिमि परमेश्‍वर खः। जिं छन्‍त बल्‍लाके। जिं छन्‍त ग्‍वाहालि याये। जिगु धार्मिकताया जव ल्‍हातं जिं छन्‍त तिबः बी।

यशैया 41:14

हे कीचा याकूब, ग्‍याये मते! हे चिधंगु इस्राएल, जिं हे छन्‍त ग्‍वाहालि याये।” परमप्रभु, छन्‍त उद्धार यानादीम्‍ह इस्राएलया दक्‍वसिबय् तःधंम्‍ह पवित्र परमेश्‍वरं थथे धयादी।

यशैया 58:9

अले छिमिसं प्रार्थना याइ, परमप्रभुं लिसः बियादी। छिमिसं ग्‍वाहालिया निंतिं बिन्‍ति याइ अले वय्‌कलं धयादी, ‘जि थन हे दु’। “छुं जुयाः छिमिसं थःपिनिगु दथुं मेपिन्‍त क्‍वत्‍यलेगु त्‍वःतल, मेपिन्‍त पतिंचां सुया क्‍यनेगु व मभिंगु खँ ल्‍हायेगु त्‍वःतल,

यशैया 65:24

इमिसं प्रार्थना याये न्‍ह्यः हे जिं लिसः बी। इमिसं धया च्‍वँच्‍वं हे जिं इमिगु खँ न्‍यने।

दानिएल 10:11

स्‍वर्गदूतं जितः धाल, “हे दानिएल, छ परमेश्‍वरया लागि तःजिम्‍ह खः, तप्‍यंक दँ अले जिं धायेत्‍यनागु खँ बांलाक न्‍यँ। छाय्‌धाःसा जितः छन्‍थाय् छ्वयाहःगु दु।” वं थथे धाये धुंकाः जि थुरथुर खाखां दना।

दानिएल 10:19

वं धाल, “हे दानिएल, छ परमेश्‍वरया लागिं तसकं तःजिम्‍ह खः, छ ग्‍याये मते, छन्‍त शान्‍ति दयेमा, बल्‍ला व साहसी जु।” वं उलि धायेवं हे जिके बल वल अले जिं धया, “हे जिमि प्रभु, छिं जितः बल बियादीगुलिं आः धयादिसँ।”

लेवी 16:29

“थ्‍व छिमिगु निंतिं न्‍ह्याबलेंया नियम खः। दँय्‌दसं न्‍हय्‌गूगु लाया झिन्‍हु खुन्‍हु छिमिसं छुं नये मते। अले छुं ज्‍या मयासें च्‍वनेमाः। थथे छिपिंनापं दुपिं पिनेयापिं मनूतय्‌सं नं यायेमाः।

लेवी 16:31

थ्‍व छिमिगु निंतिं झासु लनेगु विश्रामबार खः। थ्‍वखुन्‍हु छिमिसं छुं मनसें, छुं नं ज्‍या मयासें च्‍वनेमाः। थ्‍व छिमिगु निंतिं न्‍ह्याबलेंया नियम खः।

गन्‍ती 29:7

“‘हानं व हे न्‍हय्‌गूगु लाया झिन्‍हु खुन्‍हु छिमिगु पवित्र मुंज्‍या जुइमाः। उखुन्‍हु छिमिसं छुं नये मते अले छिमिसं छुं हे ज्‍या याये मते।

मत्ती 28:10

“ग्‍याये मते, छिमिसं वनाः जिमि किजापिन्‍त ‘गालीलय् हुँ’ धकाः धयाब्‍यु। अले अन हे इमिसं जितः खनी” धकाः वय्‌कलं इमित धयादिल।

मत्ती 28:5

व स्‍वर्गदूतं स्‍वः वःपिं मिसातय्‌त थथे धाल – “छिपिं ग्‍याये मते। छिपिं क्रूसय् यख्‍खायाः स्‍याःम्‍ह येशूयात स्‍वः वःपिं धकाः जिं स्‍यू।

मर्कूस 16:6

वं इमित धाल – “ग्‍याये मते। छिपिं क्रूसय् यख्‍खानातःम्‍ह नासरतयाम्‍ह येशूयात स्‍वःवयाच्‍वनागु मखु ला? वय्‌कः ला थन मदी। वय्‌कः म्‍वाना वये धुंकल। स्‍व, थ्‍व हे थासय् मखु ला, इमिसं वय्‌कःयागु सीम्‍ह तयातःगु?

लूका 1:13

स्‍वर्गदूतं वयात थथे धाल – “जकरिया, ग्‍याये म्‍वाः, छंगु प्रार्थना परमेश्‍वरं न्‍यनादीगु दु। छं कलाः एलीशिबां छम्‍ह काय्‌मचा बुइकी, अले छं वयागु नां यूहन्‍ना धकाः ति।

लूका 1:30

स्‍वर्गदूतं वयात धाल – “मरियम ग्‍याये म्‍वाः, परमेश्‍वरं छन्‍त माया यानादीगु दु।

लूका 2:10

अले स्‍वर्गदूतं इमित धाल – “ग्‍याये म्‍वाः। जिगु खँ न्‍यँ, जि छिमित लसतायागु छगू तःधंगु भिंगु खँ कं वयागु खः। थ्‍व भिंगु खँ फुक्‍क मनूतय्‌त खः।

लूका 24:38

वय्‌कलं धयादिल – “छिपिं छाय् ग्‍यानागु? संका याये मते।

प्रेरित 27:24

‘ग्‍याये मते पावल, छ कैसरया न्‍ह्यःने वने हे माः। अय्‌जूगुलिं परमेश्‍वरं छ नाप दुपिं सकसितं बचय् यानादी।’

प्रकाश 1:17

वय्‌कःयात खनेवं जि सीम्‍ह थें जुयाः वय्‌कःयागु तुतिइ भ्‍वपू वना। अले वय्‌कलं जिगु छेनय् जव ल्‍हाः तयाः धयादिल – “ग्‍याये मते। जि शुरु व अन्‍त खः।