दानिएल 1:5 - नेवाः बाइबल

⁵ अले इमित जुजुं न्‍हियान्‍हिथं नइगु नसा व त्‍वनेगु दाखमद्य ब्‍यु धकाः अशपेनजयात उजं बिल। थुकथं नका त्‍वंका स्‍वदँ तक इमित तालिम बीधुंकाः इमिसं जिगु सेवा याये फइ।”

दानिएल 1:5 ပူးပေါင်းရင်းမြစ်များ

उत्‍पत्ति 41:46

मिश्र देशया हामा जूबलय् योसेफ स्‍विदँ दुम्‍ह खः। फारोयाथासं पिहां वयाः व मिश्र देशय् न्‍यंक चाःहिल।

१ राजा 10:8

धन्‍य खः छिकपिनि मनूत! न्‍हियान्‍हिथं छिगु न्‍ह्यःने च्‍वनाः छिगु बुद्धिया खँ न्‍यनीपिं छिकपिनि थुपिं हाकिमत धन्‍य खः।

२ राजा 25:30

जुजुं वयात व म्‍वानाच्‍वंतले न्‍हियान्‍हिथं खर्च यायेत भत्ता बिल।

२ इतिहास 9:7

धन्‍य खः छिकपिनि मनूत! न्‍हियान्‍हिथं छिगु न्‍ह्यःने च्‍वनाः छिगु बुद्धिया खँ न्‍यनीपिं छिकपिनि थुपिं भारदारत धन्‍य खः।

हितोपदेश 23:3

वं न्‍ह्यच्‍याकूगु भ्‍वजय् लोभ याये मते, छाय्‌धाःसा वं झंगःलायेत स्‍वःगु नं जुइफु।

यर्मिया 15:19

उकिं परमप्रभुं थथे धयादी, “छ पस्‍ताय् चाल धाःसा छं जिगु सेवा यायेमा धकाः जिं छन्‍त हाकनं थापं याये। छं माःगु खँ जक ल्‍हात धाःसा अले म्‍वाःमदुगु खँ मल्‍हात धाःसा, छ जिगुपाखें खँ ल्‍हाइम्‍ह थें जुइ। थुपिं मनूत छन्‍थाय् लिहां वयेमा तर छ धाःसा इपिं पाखे वने मते।

दानिएल 1:19

जुजुं इपिं सकलनापं खँ ल्‍हात। अले दानिएल, हनन्‍याह, मीशाएल व अजर्याह थें ज्‍याःपिं मेपिं सुं नं लुइके मफुत। थुकथं इमित जुजुयागु ज्‍याय् ल्‍यल।

दानिएल 1:8

दानिएलं वयात ब्‍यूगु जुजुया नसा त्‍वंसां थःत अशुद्ध मयायेगु क्‍वःछ्यूगुलिं अशपेनजयात जिमित मेगु नसा बियादिसँ धकाः बिन्‍ति यात।

मत्ती 6:11

जिमित न्‍हिच्‍छिया मरि, थौं जिमित बियादिसँ,

लूका 1:19

स्‍वर्गदूतं वयात धाल – “परमेश्‍वरयाथाय् च्‍वनीम्‍ह गब्रिएल स्‍वर्गदूत धाःम्‍ह जि हे खः। जितः थ्‍व भिंगु खँ छन्‍त धाय्‌केत परमेश्‍वरं हे छ्वयाहयादीगु खः।

लूका 11:3

न्‍हियान्‍हिथं थें थौं नं जिमित नसा बियादिसँ।

लूका 21:36

अय्‌जूगुलिं होश‍ यानाच्‍वँ। व दिनय् जू वइगु फुक्‍क खं बचय् जुइत व मनूया काय्‌या न्‍ह्यःने दने फय्‌केत छिमिसं न्‍ह्याबलें प्रार्थना याना च्‍वँ।”

१ शमूएल 16:22

अथे जुयाः शाऊलं यिशैयाथाय् थथे धकाः खबर छ्वल, “दाऊदयात जिगु सेवा याकेब्‍यु छाय्‌धाःसा जि व खनाः तसकं लय्‌ता।”