दानिएल 1:2 - नेवाः बाइबल

² परमप्रभुं यहूदाया जुजु यहोयाकीम व देगःयागु लुँ, वहः व कँय्‌यागु छुं थलबल नबूकदनेसरया ल्‍हातय् बियादिल। अले वं थुपिं थलबल बेबिलोनियाय् दुगु थः द्यःया देगलय् यंकाः देगःयागु धुकुतिइ तल।

दानिएल 1:2 ပူးပေါင်းရင်းမြစ်များ

उत्‍पत्ति 10:10

वं थःगु राज्‍ययात दक्‍वसिबय् न्‍हापां बेबिलोन, एरेक, अक्‍कद व कल्‍नेहंनिसें न्‍ह्याकल। थ्‍व फुक्‍क शिनार देशय् लाः।

उत्‍पत्ति 11:2

पुर्बपाखे न्‍ह्यज्‍याज्‍यां वंबलय् इपिं शिनार देशया छगू मैदानय् थ्‍यन। अले अन हे च्‍वन।

२ राजा 24:1

यहोयाकीम जुजु जुयाच्‍वंबलय् बेबिलोनयाम्‍ह जुजु नबूकदनेसरं देशय् हमला यात। यहोयाकीम स्‍वदँ तक वयागु अधीनय् च्‍वन। तर स्‍वदँ लिपा वं थःगु मन हीकाः नबूकदनेसरया विरोधय् विद्रोह यात।

२ इतिहास 36:5

यहोयाकीम निइन्‍यादँ दुबलय् जुजु जूगु खः, वं यरूशलेमय् झिंछदँ राज्‍य यात। वं परमप्रभु थः परमेश्‍वरया मिखाय् मभिंगु ज्‍या यात।

२ इतिहास 36:7

नबूकदनेसरं परमप्रभुया देगलं छुं थलबल यंकाः बेबिलोनय् वयागु थःगु हे देगलय् तल।

एज्रा 1:7

नबूकदनेसरं यरूशलेमं हयाः थः द्यःया देगलय् तःगु परमप्रभुया देगःया थलबल जुजु कोरेसं इमित लित बिल।

यशैया 11:11

उखुन्‍हु परमप्रभुं अश्‍शूर, क्‍वय् व च्‍वय् मिश्र, कूश, एलाम, बेबिलोनिया, हमात व समुद्रया टापुतपाखें थः प्रजाया ल्‍यंदुपिन्‍त त्‍वःतकेत निक्‍वः खुसि थःगु ल्‍हाः हाकनं ल्‍ह्वनादी।

यशैया 42:24

सुनां याकूबयात लुतय्‌ याकेत अले इस्राएलयात लुतय् याइपिनिगु ल्‍हातय् तयाबिल? वय्‌कः व हे परमप्रभु खः सुया विरोधय् झीसं पाप यानागु खः। वय्‌कःया इच्‍छा कथं मनूतय्‌सं थःगु जीवन हनेगु इच्‍छा मयाः। वय्‌कलं बियादीगु नियम मानय् मयाः।

यर्मिया 25:1

यहूदाया जुजु योशियाहया काय् यहोयाकीमं राज्‍य यानाच्‍वंगु प्‍यंगूगु दँय् (थ्‍व दँ नबूकदनेसर बाबेलया जुजु जूगु न्‍हापांगु दँ खः) यहूदाया फुक्‍क मनूतय्‌गु बारे परमप्रभुया वचन यर्मिया अगमवक्तायाथाय् वल.

यर्मिया 27:16

अले पुजाहारीत व सकलें मनूतय्‌त जिं थथे धया, “परमप्रभुं थथे धयादी – छिमिसं थः अगमवक्तातय्‌गु खँ न्‍यने मते। इमिसं धाइगु, ‘परमप्रभुया देगःया थलबल बेबिलोनं याकनं हइगु जुइ।’ इमिसं छिमित मखुगु अगमवाणी धयाच्‍वंगु दु।

यर्मिया 28:3

निदँया दुने जिं बेबिलोनयाम्‍ह जुजु नबूकदनेसरं थ्‍व थासं ल्‍ह्ययाः बेबिलोनय् यंकूगु परमप्रभुया देगःया फुक्‍क सामान हाकनं थ्‍व थासय् लित हये।

यर्मिया 35:11

तर बेबिलोनयाम्‍ह जुजु नबूकदनेसरं थ्‍व देशय् हमला याःबलय् जिमिसं धया, ‘वा, बेबिलोनीतय् व अरामीतय् सेनापाखें बचय् जुइत झीपिं यरूशलेमय् बिस्‍युं वनेनु!’ उकिं जिपिं यरूशलेमय् च्‍वंवनागु दु।”

यर्मिया 50:2

“जाति जातियात कँ, अले झण्‍डा ल्‍ह्वनाः न्‍यंकि, छुं खँ नं सुचुके मते, तर थथे धा, ‘बेबिलोनयात कब्‍जा याइ, वया द्यः बेल लज्‍याय् लाइ, वया द्यः मरोदकयात नाश याइ। वयागु शालिकतय्‌त बेइज्‍जत याइ, वयागु मूर्तित आतंकं जाइ।’

यर्मिया 51:44

जिं बेबिलोनय् बेबिलोनीतय् द्यः बेलयात सजाँय बी, अले वं छु घुर्कुगु खः वयागु म्‍हुतुं ल्‍ह्वके। वयाथाय् हाकनं जातित पुजा यायेत ग्‍वाः ग्‍वाः मुनी मखु। अले बेबिलोनया पःखाः दुनी।”

दानिएल 5:13

उकिं दानिएलयात जुजुया न्‍ह्यःने हल अले जुजुं वयात धाल, “जिमि न्‍हापायाम्‍ह जुजुं यहूदां ज्‍वनाहःपिं मध्‍ये छम्‍ह दानिएल धाःम्‍ह छ हे खः ला?

दानिएल 5:18

“हे महाराज, दक्‍वसिबय् तःधंम्‍ह परमेश्‍वरं छःपिनि न्‍हापायाम्‍ह जुजु नबूकदनेसरयात तःधंगु राज्‍य, तःधंसू, नां व महिमा बियादीगु दु।

हबकूक 1:16

अथे जुयाः इमिसं थःगु जाःयात बलि छाइ, तःधंगु जाःया लागि धुपाँय् च्‍याकी, छाय्‌धाःसा उकिं हे इपिं सुखं च्‍वनी अले भिंगु भिंगु नसा नइ।

जकरिया 5:11

वं जितः धाल, “इपिं बेबिलोनिया देशय् उकियागु निंतिं छगः देगः दय्‌केत वनाच्‍वंगु दु। देगः दय्‌के धुंकाः पिचायात अन थःगु हे थासय् तयाबी।”

व्‍यवस्‍था 32:30

इमि बल्‍लाःम्‍ह रक्षकं इमित तापाक्‍क छ्वल, परमप्रभुं इमित त्‍वःतादिल, अथे जुयाः छम्‍ह शत्रुं द्वःछिम्‍हय्‌सित बुके फत, अले झिद्वःम्‍हय्‌सित निम्‍हय्‌सिनं बुके फत?

न्‍यायकर्ता 2:14

उकिं परमप्रभु इस्राएलीत खनाः तसकं तंचायादिल, अले वय्‌कलं इमित इमि जःखः च्‍वंपिं शत्रुतय्‌गु ल्‍हातय् मियादिल। इमिसं इमित लुतय् यात। उकिं यानाः इपिं थः शत्रुतय् न्‍ह्यःने च्‍वने मफुत।

न्‍यायकर्ता 3:8

अले परमप्रभु इस्राएलीत खनाः तंचायादिल, वय्‌कलं इमित अराम-नाहारैमयाम्‍ह जुजु कूशन-रिशातैमया ल्‍हातय् मियादिल। व हे जुजुं इस्राएलीतय्‌त च्‍यादँ तक क्‍वत्‍यलेगु यात।

न्‍यायकर्ता 4:2

अथे जुयाः परमप्रभुं इमित हासोरय् शासन याइम्‍ह कनानी जुजु याबीनया ल्‍हातय् मियादिल। वया सेनापति हरोशेत हग्‍गोयिमय् च्‍वनीम्‍ह सीसरा खः।

१ शमूएल 5:2

अले इमिसं परमेश्‍वरया सनू क्‍वबियाः दागोनया देगलय् हल अले दागोनया मूर्तिया लिक्‍कसं तुं तल।