कलस्‍सी 4:7 - नेवाः बाइबल

⁷ यःम्‍ह किजा तुखिकसं हे छिमित जिगु खँ फुक्‍क कनी। व नं जिपिं नाप ज्‍या यानाच्‍वंम्‍ह विश्‍वास याये बहःम्‍ह प्रभुया दास खः।

कलस्‍सी 4:7 ပူးပေါင်းရင်းမြစ်များ

प्रेरित 20:4

बेरियाय् च्‍वंम्‍ह पुरसया काय् सोपात्रोस, थेसलोनिकें वःपिं अरिस्‍तार्खस व सिकन्‍दस, डर्बिइ च्‍वंपिं गायस व तिमोथी, अले एशियाय् च्‍वंपिं तुखिकस व त्रोफिमस, थुपिं फुक्‍कं पावल नाप वन।

फिलिप्‍पी 2:25

जितः ग्‍वाहालि याके छ्वयाहःम्‍ह किजा इपाफ्रोडिटसयात छिमिथाय् हे लिछ्वया हयेमाः थें जिं ताय्‌का। जिपिं निम्‍हय्‌सिनं नं नापं ज्‍या याना, अले भिंगु खँ न्‍यंकेगु ज्‍याय् नं जिपिंनापं हे जुया।

कलस्‍सी 1:7

थ्‍व हे वचन छिमिसं जिपिं थें ज्‍याःम्‍ह प्रभुया दास इपाफ्रासयापाखें सय्‌का काःगु दु। व विश्‍वास याये बहःम्‍ह ख्रीष्‍टया छम्‍ह दास खः।

कलस्‍सी 4:12

छिमिथाय् हे च्‍वंम्‍ह ख्रीष्‍ट येशूया मेम्‍ह दास इपाफ्रासं नं छिमित ज्‍वजलपा धयाहःगु दु। छिमिसं क्‍वात्तुक विश्‍वास यानाः परमेश्‍वरयात यःकथं जक यानाच्‍वने फयेमा धकाः वं छिमिगु निंतिं न्‍ह्याबलें प्रार्थना यानाच्‍वंगु दु।

कलस्‍सी 4:9

अले हानं छिमिथाय् हे च्‍वंम्‍ह यःम्‍ह किजा ओनेसिमसयात नं व नाप छ्वया हयेत्‍यनागु दु। ओनेसिमस तसकं विश्‍वास याये बहःम्‍ह मनू खः। इमिसं हे छिमित थन जुयाच्‍वंगु फुक्‍क खँ कनी।

२ तिमोथी 4:12

तुखिकसयात जिं एफिससय् छ्वयागु दु।

तीतस 3:12

जिं अर्तिमासयात जूसां तुखिकसयात जूसां छन्‍थाय् छ्वयाहये। इपिं थ्‍यनेवं छं निकोपोलिसय् जितः नापलाः वयेगु कुतः या, छाय्‌धाःसा जिं चिकुला ज्‍वःछि अन हे च्‍वनेगु मतिइ तयागु दु।