कलस्‍सी 4:6 - नेवाः बाइबल

⁶ चिं सवा ब्‍यू थें खँ ल्‍हायेबलय् नाइक व यइपुसे च्‍वंक नवा। अले कथंहंक लिसः बीगु या।

कलस्‍सी 4:6 ပူးပေါင်းရင်းမြစ်များ

१ इतिहास 16:24

जाति जातियात वय्‌कःया महिमाया बारे न्‍यंकि, सकल मनूतय् वय्‌कःया अजू चायापुगु ज्‍याया बारे कँ।

भजनसंग्रहया सफू 105:2

वय्‌कःया निंतिं भजन हा, वय्‌कःया प्रशंसाया म्‍ये हा, वय्‌कःया फुक्‍क अजू चायापुगु ज्‍याया बारे कं।

भजनसंग्रहया सफू 119:13

जिं थःगु म्‍हुतुसिं छिगु म्‍हुतुं पिहां वःगु फुक्‍क विधि कनागु दु।

भजनसंग्रहया सफू 119:46

अले जिं छिगु नियमया बारे जुजुपिनिगु न्‍ह्यःने नवाये, जि लज्‍या चाये मखु।

भजनसंग्रहया सफू 45:2

छि मनूत मध्‍ये दकले बांलाःम्‍ह खः। छिगु म्‍हुतुसिइ दया जाःगु दु। उकिं परमेश्‍वरं छितः न्‍ह्याबलेंया लागि आशिष बियादीगु दु।

भजनसंग्रहया सफू 66:16

परमेश्‍वरया भय काइपिं फुक्‍कं वयाः न्‍यँ, जिं वय्‌कलं जिगु निंतिं छु छु यानादिल धकाः कने।

हितोपदेश 10:21

धर्मीतय्‌गु खं यक्‍वसित ग्‍वाहालि दइ, मूर्खत थःपिनिगु हे बुद्धिं यानाः सी।

हितोपदेश 15:4

भिंगु वचनं जीवन व उसाँय् बी, तर छाःगु वचनं नुगलय् घाः याइ।

हितोपदेश 15:7

बुद्धिमानपिनिगु म्‍हुतुं ज्ञानया खँ पिहां वइ, मूर्खतय्‌गु नुगः धाःसा अथे जुइ मखु।

उपदेशक 10:12

बुद्धि दुम्‍ह मनूया वचनं वयाके अनुग्रह हइ, तर मूर्खया वचनं वयाके नाश हइ।

इजकिएल 43:24

छिमिसं इमित परमप्रभुया न्‍ह्यःने छा। पुजाहारीतय्‌सं इमिगु म्‍हय् चि ह्वलाः परमप्रभुया न्‍ह्यःने होमबलिकथं उपिं छायेमाः।

लेवी 2:13

छिमिसं छाःगु फुक्‍क अन्‍नबलिइ चि तयेमाः। परमप्रभुं छिपिंनाप सदांया लागिं चिनादीगु बाचाया चिं चि हे खः। थथे जूगुलिं न्‍ह्यागु हे बलिइ चि तये हे माः।

मत्ती 5:13

“छिपिं पृथ्‍वीया चि खः। चिया सवाः हे तन धाःसा थ्‍व चियात गथे यानाः हानं चि सवाः वय्‌केगु? थथे सवाः तने धुंकूगु चि छुकियात नं ज्‍यालगय् मजू, उकिं थज्‍याःगु चियात मनूतय्‌सं वांछ्वइ, अले न्‍हुया जुइ।

मर्कूस 9:50

चि भिं जू, अथेसां चिं चियागु सवाः तंकूसा गय् यानाः चि सवाः वय्‌केगु? छिपिं चि सवाः वःपिं जुयाच्‍वँ, अले फुक्‍क नाप मिलय् जुयाच्‍वँ।”

लूका 4:22

इपिं फुक्‍कसिनं वय्‌कःयात तारिफ यात। वय्‌कःयागु खँ न्‍यनाः इपिं अजू चाल। अले इमिसं थथे धाल – “थ्‍व मनू योसेफया काय् मखु ला?”

एफिसी 4:29

छिमिगु म्‍हुतुं बांमलाःगु खँ पिहां मवयेमा। माःगु, भिंगु व ज्‍यूगु जक खँ ल्‍हाना जु। अले न्‍यनीपिन्‍त नं न्‍ह्याइपुसे च्‍वनी।

व्‍यवस्‍था 11:19

छिपिं थःगु छेँय् च्‍वनीबलय्, लँय् जुइबलय्, ग्‍वतुलीबलय् व दनीबलय् थुमिगु बारे खँल्‍हाबल्‍हा यानाः थःकाय् म्‍ह्याय्‌पिन्‍त स्‍यनेगु या।

कलस्‍सी 3:16

ख्रीष्‍टयागु वचनं छिमिगु नुगः जायाच्‍वनेमा। छिमिसं थःथवय् स्‍यनेकने यानाः दुनुगलंनिसें भजन व म्‍ये हालाः परमेश्‍वरयात तःधंकि।

१ पत्रुस 3:15

दुनुगलंनिसें ख्रीष्‍टयात छिमिसं “प्रभु” धकाः मानय् याना च्‍वँ। छिमिसं याना जूगु आशायागु खँ सुनानं न्‍यं वल धाःसा छिपिं लिसः बीत न्‍ह्याबलें न्‍ह्यचिला च्‍वँ।