कलस्‍सी 4:5 - नेवाः बाइबल

⁵ विश्‍वासी मखुपिंलिसे खँ ल्‍हायेबलय् छिमिसं बांलाक बिचाः यानाः नवा। अले इमित भिंगु खँ न्‍यंकेगु मौका त्‍वःफिके मते।

कलस्‍सी 4:5 ပူးပေါင်းရင်းမြစ်များ

भजनसंग्रहया सफू 90:12

जिपिं बुद्धि दुपिं जुइत जिमित थःगु दिं ल्‍याः खायेगु स्‍यनादिसँ।

दानिएल 2:8

जुजुं लिसः बिल, “छिमिसं आलताल यानाच्‍वंगु दु धकाः जिं सि हे स्‍यू। छाय्‌धाःसा छिमिसं जिं क्‍वःछिनागु खँ सी धुंकूगु दु।

मत्ती 10:16

“न्‍यँ, गुँखिचातय्‌गु हुलय् जिं छिमित फैचा थें यानाः छ्वयाच्‍वनागु दु। उकिं छिपिं सर्प थें चंख जुइमाः, अले सुकुभतु थें स्‍वजा जुइमाः।

मर्कूस 4:11

वय्‌कलं इमित धयादिल – “परमेश्‍वरया राज्‍ययागु गुप्‍ति खँ छिमित कने धुनागु दु, मेपिन्‍त धाःसा उखान छुनाः धायेमाः।

रोमी 16:19

छिमिसं परमेश्‍वरयात मानय् यानाच्‍वंगु दु धकाः फुक्‍कभनं बय्‌बय् जूगुलिं जि छिपिं खनाः तसकं हे लय्‌तायाच्‍वना। छिमिसं मभिंगुली वास्‍ता मयासें छुं हे मस्‍यूपिं थें जुयाः भिंगुली जक बांलाक मन तयाः बुद्धिमान जुया च्‍वंसा जि तसकं लय्‌ताये।

कलस्‍सी 3:16

ख्रीष्‍टयागु वचनं छिमिगु नुगः जायाच्‍वनेमा। छिमिसं थःथवय् स्‍यनेकने यानाः दुनुगलंनिसें भजन व म्‍ये हालाः परमेश्‍वरयात तःधंकि।

१ थेसलोनिकी 4:12

थथे याना जूसा छिमित मेपिन्‍सं नं हनाबना तइ। अले थःत मालीबलय् सुयागु नं ख्‍वाः स्‍वयाच्‍वने माली मखु।

१ तिमोथी 3:7

अले मण्‍डलीं पिने नं नांजाःम्‍ह जुइमाः, अथे जूसा जक वयात मनूतय्‌सं हेबाय्‌चबाय् याइ मखु, अले शैतानयागु जालय् नं लाइ मखु।

याकूब 1:5

छिपिं सुयातं बुद्धि माःसा परमेश्‍वरयाके फ्‍वँ, अले वय्‌कलं वयात माक्‍व बुद्धि बियादी। वय्‌कलं फुक्‍कसित माक्‍व बुद्धि बियादी, छाय्‌धाःसा वय्‌कः सुयातं छुं बीत नुगः मस्‍याः।

याकूब 3:13

छिमिथाय् परमेश्‍वरयागु वचन स्‍यने फुम्‍ह सुं बुद्धि दुम्‍ह मनू दु धयागु जूसा वं तःधं मजुसे बांलाःगु चालचलनयाम्‍ह जुयाः बांलाक ज्‍या यानाः क्‍यँ।

याकूब 3:17

परमेश्‍वरपाखें दुगु बुद्धि पवित्र, शान्‍ति बीगु, क्‍वमिलु जुइगु, मिजासं जाःगु, दया दुगु व भिंगु फल बीगु जुइ। थ्‍व ख्‍वाः स्‍वयाः ज्‍या मयाइगु व दुग्‍यंगु जुइ।

१ पत्रुस 3:1

मिसात भाःतं धाःथें च्‍वनेमाः। थुकिं यानाः परमेश्‍वरयात विश्‍वास मयाःम्‍ह भाःतं नं छिमिगु चालचलनं यानाः विश्‍वास याइ। छिमिसं छुं हे खँ न्‍यंके माली मखु।