कलस्‍सी 3:9 - नेवाः बाइबल

⁹ छिमिसं आः पुलांगु चालचलन त्‍वःते धुंकूगुलिं थःथवय् मखुगु खँ ल्‍हायेगु याये मते।

कलस्‍सी 3:9 ပူးပေါင်းရင်းမြစ်များ

हितोपदेश 13:5

धर्मी मनूतय्‌सं मखुगु खँ ल्‍हाये यय्‌की मखु। तर दुष्‍टतय्‌गु खं मछालापुकी व बेइज्‍जत वंकाजुइ।

यशैया 63:8

वय्‌कलं धयादिल, “धात्‍थें हे थुपिं जिमि प्रजा खः, उपिं काय्‌पिं गुपिन्‍सं जितः ध्‍वखा बी मखु।” अथे जुयाः वय्‌कः इमित मुक्ति बीम्‍ह जुयादिल।

लेवी 19:11

“‘छिमिसं खुयाकाये मते। “‘मखुगु खँ ल्‍हाये मते। “‘छम्‍हं मेम्‍हय्‌सित झंगः लाये मते।

सपन्‍याह 3:13

इस्राएलयापिं ल्‍यंदुपिं मनूतय्‌सं गुगु कथंयागु नं द्वं याइ मखु। इमिसं मखुगु खँ ल्‍हाइ मखु। न इमिगु म्‍हुतुइ ध्‍वंलाइगु खँ हे दइ। इमिसं नइ अले याउँक ग्‍वार्तुलाच्‍वनी, अले सुनां इमित ख्‍याये फइ मखु।”

जकरिया 8:16

छिमिसं यायेमाःगु थ्‍व हे ज्‍या खः – छम्‍हय्‌सिनं मेम्‍हलिसे खःगु खँ ल्‍हा, अले छिमिगु अदालतय् खःगु व पाय्‌छिगु न्‍याय या।

यूहन्‍ना 8:44

छिकपिं शैतानया सन्‍तान जूगुलिं गथे छिकपिनि बाःनं याना जुल, अथे हे छिकपिन्‍सं नं याना जुइ। न्‍हापांनिसें हे शैतान धाःम्‍ह ज्‍यानमारा खः। वयाके सत्‍य धयागु हे मदुगुलिं वं सत्‍य ज्‍याखँ याना जुइ फइ मखु। थःगु स्‍वभाव गथे खः अथे हे वं मखुगु खँ जक ल्‍हाना जुइ, छाय्‌धाःसा व मखुगु खँ जक ल्‍हाना जुइम्‍ह खः, अले मखुगु खँ ल्‍हाना जुइपिनि अबु खः।

रोमी 6:6

झीगु पापी जीवन नाश जुयावनेमा धकाः झीगु पुलांगु जीवन वय्‌कःलिसें क्रूसय् यख्‍खाना बी धुन धकाः झीसं स्‍यू। अय्‌जूगुलिं आः झीसं पापी ज्‍याखँ याना जुइ जि हे मज्‍यू।

एफिसी 4:22

थःत हे स्‍यंकीगु न्‍हापायागु चालचलनयात छिमिसं त्‍वःताछ्व।

एफिसी 4:25

अय्‌जूगुलिं मखुगु खँ ल्‍हायेगु त्‍वःताः थःथवय् खःगु खँ जक ल्‍हाना जु, छाय्‌धाःसा झीपिं फुक्‍कं ख्रीष्‍टयागु म्‍हया छता छता म्‍हब्‍व खः।

कलस्‍सी 3:8

आवंनिसें छिमिसं तं व ल्‍वापुख्‍यापु त्‍वःताछ्व – कर्पिन्‍त स्‍यंका जुइगु, कर्पिन्‍त मभिंकाः खँ ल्‍हायेगु, अस्‍यः खँ ल्‍हायेगु – थज्‍याःगु ज्‍याखँ नं त्‍वःताछ्व।

१ तिमोथी 1:10

व्‍यभिचार यानाजुइपिं, मिजं मिजं हे व्‍यभिचार यानाजुइपिं, दास मीपिं, मखुगु खँ ल्‍हानाजुइपिं, मखुगु साक्षी बीपिं व भिंगु खँयागु अःखतं ज्‍या यानाजुइपिनिगु निंतिं दय्‌कातःगु खः।

प्रकाश 21:27

पवित्र मजूगु छुं हे अन दुकाइ मखु। घच्‍चायापुसे च्‍वंगु ज्‍याखँ यानाजुइपिं, अथवा मखुगु खँ ल्‍हानाजुइपिं सुं हे अन दुकाइ मखु। भ्‍याःचायागु जीवनयागु सफुलिइ च्‍वयातःपिं मनूतय्‌त जक अन दुकाइ।

प्रकाश 21:8

“भुस्‍याःत, विश्‍वास त्‍वःतूपिं, घच्‍चायापुगु ज्‍या याइपिं, मनू स्‍याइपिं, व्‍यभिचार याइपिं, धामी झाँक्री ज्‍या याइपिं, मूर्ति पुजा याइपिं व मखुगु खँ ल्‍हाइपिं फुक्‍कसितं गन्‍धकयागु मि गालय् वांछ्वइ। निकः सीगु धाःगु थ्‍व हे खः।”

प्रकाश 22:15

शहरं पिने धाःसा घच्‍चायापुगु ज्‍या याइपिं, जादु क्‍यनिपिं, व्‍यभिचार याइपिं, ज्‍यानमारात, मूर्ति पुजा याइपिं, मखुगु ज्‍याखँ यायेगु यय्‌कीपिं व मखुगु ज्‍याखँ जक यानाजुइपिं दइ।