7 छिपिं नं न्हापा थथे हे यानाजुइपिं खः।
न्हापा झीपिं मनू स्वभाबया पापं जाःगु इच्छा कथं म्वाना च्वनापिं खः। उबलय् व्यवस्थां झीगु इच्छायात क्वत्यला तःगुलिं झीत पाप याकेबिल। थ्व फुक्क ज्या मृत्युयागु लँपु जक खः।
छिपिं मध्ये नं गुम्हं गुम्हं न्हापा थथे हे याना जुइ धुंकूपिं खः। आः ला छिमिगु पाप सिले धुंकूगु दु। छिपिं परमेश्वरयात देछाये धुंकूपिं मनूत खः। झी परमेश्वरया आत्मां प्रभु येशू ख्रीष्टयागु नामं छिमित परमेश्वर नाप मिलय् यानादीगु दु।
थ्व संसारयापिं मनूतय्सं थें छिमिसं नं पापी ज्याखँ याना जूगु खः। अले मभिंगु ज्याखँया नायः शैतानं धाःथें जुयाच्वंगु खः। थ्व शैतानं परमेश्वरयात विश्वास मयाःपिन्त थःगु ल्हातय् कयातःगु दु।
न्हापा पाप यानाच्वंगुलिं व व्यवस्था मानय् मयाइपिं यहूदीमखुपिं जूगुलिं छिपिं सीपिं थें जुयाच्वंगु खः। आः धाःसा परमेश्वरं छिमित ख्रीष्टनापं तुं म्वाकादीगु दु। अले छिमिगु पाप फुक्कं क्षमा यानादीगु दु।
झीपिं नं छकः ला छुं मस्यूपिं, अतेरिपिं, लँ द्वंका च्वनापिं, मभिंगु मतिइ तया जुइपिं, मोजमज्जा जक याइपिं, नुगः मुइका जुइपिं व थःथवय् मयय्का जुइपिं जुइ धुन।
