कलस्‍सी 3:2 - नेवाः बाइबल

² संसारयागु ज्‍याखँय् मन तया जुइ मते। बरु स्‍वर्गयागु खँय् जक मन तया च्‍वँ।

कलस्‍सी 3:2 ပူးပေါင်းရင်းမြစ်များ

१ इतिहास 22:19

अले थःगु पूरा मन बिया व बलं फत्तले परमप्रभु थः परमेश्‍वरया सेवा या। देगः दय्‌केगु ज्‍या शुरु या अले परमप्रभुयात इज्‍जत बीत दय्‌केगु उगु देगलय् बाचा चिनातःगु सनू व परमेश्‍वरया पवित्र थलबल ति।”

१ इतिहास 29:3

“थःम्‍हं मुंकागु थुपिं फुक्‍क सामान बाहेक जिं थःगु धुकुतिं लुँ व वहः बियागु दु, छाय्‌धाःसा जिं थः परमेश्‍वरया पवित्र देगःयात माया याना।

भजनसंग्रहया सफू 62:10

मभिंगु ज्‍याखँय् विश्‍वास याये मते खुयाहयागु सम्‍पत्तिइ घमण्‍ड याये मते। धिबा यक्‍व दयावःसां उकी नुगः क्‍वसाय्‌के मते।

भजनसंग्रहया सफू 91:14

परमप्रभुं धयादी, “सुनां जितः माया याइ इमित जिं बचय् याये, अले सुनां जितः परमप्रभु धकाः स्‍वीकार याइ इमित जिं रक्षा याये।

हितोपदेश 23:5

मिखाफुति याये मलावं धनया पपू बुया वइ, अले इमा ब्‍वः थें ब्‍वयावनी।

उपदेशक 7:14

ई बांलाइबलय् लय्‌ताया च्‍वँ तर ई बांमलाइबलय् बिचाः या छाय्‌धाःसा परमेश्‍वरं थुपिं नितां दय्‌कादीगु खः। अथे जुयाः मनूतय्‌सं थःपिनीगु निंतिं लिपा जुइगु खँ सीकाकाये फइ मखु।

मत्ती 16:23

वय्‌कलं लिफः स्‍वयाः पत्रुसयात धयादिल – “शैतान, छ जिथाय् च्‍वने मते। छं ला जिगु ज्‍या हे पनेत स्‍वयाच्‍वन। छं ला परमेश्‍वरयागु मखु, बरु मनूतय्‌गु खँय् जक ध्‍यान बियाच्‍वन।”

मत्ती 6:19

“थःगु निंतिं छिमिसं थ्‍व संसारय् धन-सम्‍पत्ति मुंके मते। थन मुंकूगु धन-सम्‍पत्ति खतं नइ, किलं नइ, अले खुं खुइ।

लूका 12:15

अले वय्‌कलं फुक्‍कसित धयादिल – “होश या, छुं नं लोभ लालच यायेगु बानी याये मते, छाय्‌धाःसा यक्‍व धनसम्‍पत्ति दयेवं जक धात्‍थेंगु जीवन दइगु मखु।”

लूका 16:11

संसारयागु धिबाया ज्‍याखँय् हे ला विश्‍वास यायेबहः मजूम्‍ह मनूयात स्‍वर्गयागु धन सुनां लःल्‍हानाबी।

फिलिप्‍पी 1:23

जि ला बाम्‍हय् कानाच्‍वंगु दु। थ्‍व संसार त्‍वःताः ख्रीष्‍टनाप च्‍वंवनेगु जिगु तःधंगु इच्‍छा खः।

कलस्‍सी 3:1

छिपिं नं ख्रीष्‍टनाप तुं म्‍वाना वःगुलिं छिमिसं स्‍वर्गयागु खँय् जक मन ति। अन स्‍वर्गय् येशू ख्रीष्‍ट परमेश्‍वरया जवय् च्‍वनादीगु दु।

कलस्‍सी 3:5

अय्‌जूगुलिं संसारयागु ज्‍याखं छिमिसं थःत कःघाना च्‍वँ। व्‍यभिचार याये मते, मभिंगु ज्‍याखँ याये मते, लाः लाः थें सना जुइ मते, मभिंगु मतिइ तया जुइ मते, कर्पिनिगुली मिखा वंके मते, गुगु मूर्ति पुजा यायेगु ति हे ग्‍यं।