कलस्‍सी 3:1 - नेवाः बाइबल

¹ छिपिं नं ख्रीष्‍टनाप तुं म्‍वाना वःगुलिं छिमिसं स्‍वर्गयागु खँय् जक मन ति। अन स्‍वर्गय् येशू ख्रीष्‍ट परमेश्‍वरया जवय् च्‍वनादीगु दु।

कलस्‍सी 3:1 ပူးပေါင်းရင်းမြစ်များ

भजनसंग्रहया सफू 110:1

परमप्रभुं जिमि प्रभुयात धयादिल, “छं शत्रुतय्‌त छंगु पालि तःले मततले छ जिगु जवय् च्‍वँ।”

भजनसंग्रहया सफू 16:11

छिं जितः जीवनया लँपु क्‍यनादी छिनापं च्‍वनाः जितः लय्‌ताय्‌केबी। अले थ्‍व लसता जितः सदां सदां बियादी।

हितोपदेश 15:24

बुद्धि दुपिन्‍सं लीगु लं इमित च्‍वजाःगु जीवनपाखे न्‍ह्याकी, अले मृत्‍युपाखें तापाक यंकी।

उपदेशक 10:2

बुद्धि दुम्‍ह मनूया मन तप्‍यंगु लँपुइ जुइ तर बुद्धि मदुम्‍ह मनूया मन धाःसाः बेक्‍वःगु लँपुइ जुइ।

मत्ती 22:44

“‘परमप्रभुं जिमि प्रभुयात धयादिल, “छं शत्रुतय्‌त छंगु पालि तःले मततले छ जिगु जवय् च्‍वँ।”’

मत्ती 26:64

वय्‌कलं लिसः बियादिल – “छिं थःम्‍हं हे धयादिल। अय्‌नं जिं छिकपिन्‍त धाये – आवंनिसें छिकपिन्‍सं मनूया काय्‌यात परमेश्‍वरया जव ल्‍हाःपाखे च्‍वनाच्‍वंगु व सुपाँचय् वयाच्‍वंगु खनी।”

मत्ती 6:20

बरु छिमिसं खतं मनइथाय्, किलं मनइथाय्, अले खुं मखुइथाय् स्‍वर्गय् धन-सम्‍पत्ति मुंकि।

मत्ती 6:33

न्‍हापां परमेश्‍वरयागु राज्‍य मा, वय्‌कलं धयादी थें च्‍वँ। अले वय्‌कलं छिमित माःगु फुक्‍क बियादी।

मर्कूस 12:36

पवित्र आत्‍मां जायाः दाऊद थःम्‍हं हे थथे धयावंगु खः – “‘छं शत्रुतय्‌त छंगु पालि तःले मततले छ जिगु जवय् च्‍वनाच्‍वँ धकाः परमप्रभुं जिमि प्रभुयात धयादिल।’

मर्कूस 14:62

वय्‌कलं धयादिल – “खः, जि हे खः, छिकपिन्‍सं हे मनूया काय् परमेश्‍वरया जवय् च्‍वनाच्‍वंगु व आकाशय् च्‍वंगु सुपाँचय् वयाच्‍वंगु खनी।”

मर्कूस 16:19

थथे इपिं नाप खँ ल्‍हाये धुंकाः प्रभु येशूयात स्‍वर्गय् थत यंकल। अले वय्‌कः परमेश्‍वरयागु जवय् च्‍वनादिल।

लूका 12:33

“अय्‌नं दुपिन्‍सं थःपिन्‍के दुगु फुक्‍कं मियाः नये मखंपिन्‍त इनाब्‍यु। अले खर्च यानाः नं फुना मवनीगु सम्‍पत्ति दय्‌केत स्‍व। स्‍वर्गय् मुंकातःगु सम्‍पत्ति न्‍ह्याक्‍व हे खर्च याःसां गुबलें हे फुनावनी मखु, खुं नं खू वइ मखु, अले किलं नं नइ मखु।

लूका 20:42

दाऊद थःम्‍हय्‌सिनं हे भजन सफुलिइ थथे च्‍वया थकूगु दु – “‘छं शत्रुतय्‌त छंगु पालि तःले मततले छ जिगु जव ल्‍हाःपाखे च्‍वनाच्‍वँ धकाः परमप्रभुं जिमि प्रभुयात धयादिल।’

लूका 22:69

आवंनिसें मनूया काय् शक्ति दुम्‍ह परमेश्‍वरयागु जव ल्‍हाःपाखे च्‍वनी।”

प्रेरित 2:34

दाऊद स्‍वर्गय् थाहां मवंसां वं थथे धयाथकूगु दु – “‘परमप्रभु परमेश्‍वरं जिमि प्रभुयात धयादिल – जिं छिमि शत्रुतय्‌त छंगु पालि तःले मततले छ जिगु जवय् च्‍वनाच्‍वँ।’

प्रेरित 7:55

स्‍तिफनसं धाःसा पवित्र आत्‍मां जायाः स्‍वर्गय् थस्‍वःबलय् जल्‍ल थीम्‍ह परमेश्‍वर व वय्‌कःयागु जवय् येशू दनाच्‍वनादीगु खनाः

रोमी 8:34

सुनां इमित दोषी याइ? दोषी यानादीम्‍ह ला सिनाः म्‍वानादी धुंकूम्‍ह ख्रीष्‍ट येशू हे खः। थ्‍व हे येशू परमेश्‍वरया जव ल्‍हाःपाखे दी। अले वय्‌कलं झीगु निंतिं परमेश्‍वरयात बिन्‍ति यानादी।

रोमी 8:6

शरीरयात यःथें यानाजुइपिं मनूत सी। पवित्र आत्‍मायात यःथें यानाजुइपिं मनूतय्‌त न्‍हूगु जीवन व शान्‍ति दइ।

२ कोरिन्‍थी 4:18

अय्‌जूगुलिं मिखां खंगुलिइ जिमिसं मन तयाच्‍वनागु मखु, बरु मिखां मखंगुलिइ मन तयाच्‍वनागु खः। छाय्‌धाःसा मिखां खनेदुगु छुं ईया लागिं खः, मिखां खने मदुगु धाःसा सदां दयाच्‍वनी।

एफिसी 4:10

क्‍वहां झाःम्‍ह वय्‌कः हे खः। अले फुक्‍कभनं न्‍यनादीत वय्‌कः स्‍वर्ग स्‍वयाः च्‍वय् थ्‍यंक नं थाहां झाल।

एफिसी 5:22

मिसातय्‌सं प्रभुयागु खँ न्‍यं थें थः भाःतयागु खँ न्‍यनेमाः।

कलस्‍सी 2:20

ख्रीष्‍टनापं तुं सिनाः छिपिं संसारयागु थितिकुतिं तापाय् धुंकूगु दु। छिमिसं हानं छाय् संसारयागु नियम मानय् यानाच्‍वनागु?

कलस्‍सी 3:2

संसारयागु ज्‍याखँय् मन तया जुइ मते। बरु स्‍वर्गयागु खँय् जक मन तया च्‍वँ।

हिब्रू 1:13

परमेश्‍वरं स्‍वर्गदूततय्‌त थथे गुब्‍सं धयामदी। “जिं छं शत्रुतय्‌त छंगु पालि तःले मततले छ जिगु जव ल्‍हाःपाखे च्‍वनाच्‍वँ।”

हिब्रू 1:3

वय्‌कलं नवानादीगु खँय् हे थ्‍व संसार न्‍ह्यानाच्‍वंगु दु। परमेश्‍वरयागु महिमाया जः वय्‌कःयाके दु। वय्‌कः व परमेश्‍वर उतिग्‍यं। वय्‌कःया शक्ति दुगु वचनं हे थ्‍व संसार न्‍ह्यानाच्‍वंगु दु। मनूतय्‌त पापं छुतय् यानादी धुंकाः वय्‌कः दक्‍वसिबय् तःधंम्‍ह परमेश्‍वरयागु जवय् च्‍वनादीगु दु।

हिब्रू 10:12

ख्रीष्‍टं धाःसा पापयागु निंतिं सदांयात गाक्‍क छता हे जक बलि बियादिल। अले वय्‌कः परमेश्‍वरयागु जवय् च्‍वनादीगु दु।

हिब्रू 12:2

अले झीगु विश्‍वास शुरु यानादीम्‍ह व क्‍वचाय्‌कादीम्‍ह येशूयात स्‍व, लिपायागु आनन्‍दया निंतिं वय्‌कः लज्‍या मचासे क्रूसया सास्‍ती फयादिल। वय्‌कः आः परमेश्‍वरया सिंहासनया जवय् च्‍वनादीगु दु।

हिब्रू 8:1

जिमिसं धयाच्‍वनागु मू खँ थ्‍व हे खः – झीके थज्‍याःम्‍ह दकलय् तःधंम्‍ह पुजाहारी दु, गुम्‍ह स्‍वर्गय् परमेश्‍वरया सिंहासनया जवपाखे च्‍वनादी।

१ पत्रुस 3:22

वय्‌कः स्‍वर्गय् झायाः परमेश्‍वरया जवय् च्‍वनादीगु दु। अधिकार दुपिं, शक्ति दुपिं, व स्‍वर्गदूतत फुक्‍कं वय्‌कःया ल्‍हातय् दु।