कलस्‍सी 2:8 - नेवाः बाइबल

⁸ होश‍ यानाच्‍वँ। मखुसा मनूतय्‌गु ज्ञान व बुद्धियागु फय्‌गं खं छिमित स्‍यंकी। थज्‍याःगु खँ ख्रीष्‍टपाखें वःगु मखु, बरु मनूतय्‌गु हे थितिकुति व संसारयापाखें वःगु खः।

कलस्‍सी 2:8 ပူးပေါင်းရင်းမြစ်များ

श्रेष्‍ठगीत 2:15

जिमिगु निंतिं ध्‍वंचात ज्‍वनाः हजि, थुपिं चिचीधिकःपिं ध्‍वंचात, गुम्‍हय्‌सिनं नकतिनि स्‍वाँ ह्वःगु दाखक्‍यबय् ब्‍वाँय् जुइ अले दाखक्‍यबयात नाश याइ।

यर्मिया 29:8

खः, दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “छिपिंनापं दुपिं छिमि अगमवक्तात व ज्‍वखना स्‍वइपिन्‍सं छिमित धोखा मबीमा। इमिसं खंगु म्‍हगसय् ध्‍यान बी मते।

मत्ती 10:17

मनूतलिसे होश याना जु, छाय्‌धाःसा इमिसं ज्‍वनाः छिमित अदालतय् लःल्‍हानाबी। अले धर्मशास्‍त्र स्‍यनीगु छेँय् यनाः कोर्रां दाइ।

मत्ती 16:6

येशूं इमित धयादिल – “बांलाक होश या, फरिसीत व सदुकीतय्‌गु सोडापाखें बचय् जुयाच्‍वँ।”

मत्ती 7:15

“फताहा अगमवक्तात खनाः होश या, छाय्‌धाःसा थुपिं फैचायागु ख्‍वाःपालं पुया वइ। दुनें धाःसा थुपिं ग्‍यानापुपिं गुँखिचा थें जुइ।

प्रेरित 17:18

छन्‍हु पावलं इपिक्‍युरी व स्‍तोइकी दार्शनिकतय्‌त नापलात। पावलं इमित येशूयागु खँ व येशू सिनाः म्‍वानावःगु खँ न्‍यंकल। गुलिं गुलिंसिनं वयात थथे नं धाल – “थ्‍व मनू छु धकाः हालाच्‍वंगु?” गुलिसिनं धाल – “थ्‍वं ला अजू चायापुपिं द्यःतय्‌गु खँ न्‍यंकाजूगु थें च्‍वं।”

प्रेरित 17:32

थथे पावलं सीम्‍ह म्‍वाकूगु धकाः धाःगु खँ न्‍यनाः गुलिसिनं वयात हिस्‍यात, अले गुलिसिनं थथे धाल – “थ्‍व खँ जिमिसं हानं न्‍यने मानि।”

रोमी 16:17

यःपिं दाजुकिजापिं, छिमित स्‍यनागु शिक्षा नाप पाय्‌छि मजुइक अःखतं ल्‍वापु याकेत व मनूतय्‌गु विश्‍वास स्‍यंकेत स्‍वइपिं नाप होश‍ यानाच्‍वँ। इपिंपाखें तापाक च्‍वँ।

१ कोरिन्‍थी 10:12

दनाच्‍वनागु दु धकाः धाइम्‍ह मनू बांलाक होश याना च्‍वनेमाली, मखुसा क्‍वदली।

१ कोरिन्‍थी 8:9

बरु बांलाक होश या, छिमिगु न्‍ह्यागुं नये ज्‍यू धयागु खं यानाः विश्‍वासय् बमलाःनिपिन्‍त पापय् लाके बी मते।

२ कोरिन्‍थी 10:5

परमेश्‍वरयागु खँ अःखः यायेत स्‍वइपिन्‍त नं जिमिसं बुकाच्‍वनागु दु। फुक्‍क बिचाःयात बसय् कयाः ख्रीष्‍टयात मानय् याकेत स्‍वयाच्‍वनागु दु।

गलाती 1:14

जि ज्‍वलिंज्‍वःपिं मध्‍ये दकलय् अप्‍वः यहूदी धर्म मानय् याना जुयाम्‍ह नं जि हे खः। झी तापाःबाज्‍यापिनिगु थितिकुति दकलय् अप्‍वः मानय् याना जुयाम्‍ह नं जि हे खः।

गलाती 4:3

विश्‍वास याये न्‍ह्यः झीपिं नं मस्‍त थें खः, अले झीत संसारयागु मभिंगु आत्‍मां चिनातल।

गलाती 4:9

आः छिमिसं परमेश्‍वरयात म्‍हसी धुंकल। वय्‌कलं नं छिमित म्‍हसीकादिल। आः हानं छिपिं गथे यानाः व हे ज्‍यालगय् मजूपिं व पुलांपिं द्यःतय्‌थाय् लिहां वनेफुगु? छु छिपिं हानं इमि दास जूवनेगु ला?

गलाती 5:15

अय्‌नं गुँपशुत थें थथः हे ल्‍वाना जूसा छिपिं फुक्‍कं स्‍यनावनी धयागु खँय् छिमिसं होश‍ यानाच्‍वँ।

एफिसी 2:2

थ्‍व संसारयापिं मनूतय्‌सं थें छिमिसं नं पापी ज्‍याखँ याना जूगु खः। अले मभिंगु ज्‍याखँया नायः शैतानं धाःथें जुयाच्‍वंगु खः। थ्‍व शैतानं परमेश्‍वरयात विश्‍वास मयाःपिन्‍त थःगु ल्‍हातय् कयातःगु दु।

एफिसी 4:20

ख्रीष्‍टं ला छिमित थथे या धकाः स्‍यनादीगु मदु।

एफिसी 5:6

छिमिसं सुयागुं बकंफुस्‍लु खँ न्‍यने मते। थुकिं छिमित स्‍यंकी। परमेश्‍वरयात विश्‍वास मयाइपिन्‍सं वय्‌कःयागु तं फयेमाली।

व्‍यवस्‍था 6:12

होश या! छिमित मिश्र देशं दासत्‍वं पितहयादीम्‍ह परमप्रभुयात ल्‍वःमंके मते।

फिलिप्‍पी 3:2

खिचात थें ल्‍वाना जुइपिं, मभिंगु ज्‍या यानाजुइपिं व मुक्ति कायेत म्‍हय् चिं तयेमाः धाइपिं लिसे होश याना जु।

कलस्‍सी 2:18

“जिमिसं दर्शन खनागु दु” धकाः थथःम्‍हं तःधनाः स्‍वर्गदूतयात पुजा यानाजुइपिं नं दु। थज्‍याःपिन्‍सं म्‍वाःमदुगु खँय् लाकाः छिमित थःम्‍हं काये दइगु सिरपाः काये मखंका बी। थःम्‍हं मस्‍यूगु खँय् नं थुपिं तःधना जुइ।

कलस्‍सी 2:20

ख्रीष्‍टनापं तुं सिनाः छिपिं संसारयागु थितिकुतिं तापाय् धुंकूगु दु। छिमिसं हानं छाय् संसारयागु नियम मानय् यानाच्‍वनागु?

कलस्‍सी 2:22

थ्‍व फुक्‍कं छ्यलेवं मदयावनीगु खः। थ्‍व ला मनूतय्‌सं हे दय्‌कातःगु खः।

कलस्‍सी 2:23

इमिसं स्‍वयेबलय् स्‍वर्गदूततय्‌त पुजा यायेगु, थःगु म्‍हयात दुःख बीगु, व चिधं जुइगु गुलि नं तःधं थें च्‍वं। थथे यायेवं मनूतय्‌सं थःगु मभिंगु मतिइ भिंके फइ मखु।

१ तिमोथी 6:20

तिमोथी, छु छन्‍त लःल्‍हाना बियातःगु खः व बांलाक बिचाः याना ति। संसारयागु म्‍वाःमदुगु खँपाखें व गुलिखय् मनूतय्‌सं “ज्ञान” धकाः धयातःगु मखुगु खँपाखें तापाक हे च्‍वँ।

२ तिमोथी 3:13

मभिंपिं व थगाहा मनूतय्‌सं कर्पिन्‍त थगय् यायां थःत हे थगय् याका च्‍वनेमाली। अले थुपिं झन झन स्‍यनावनी।

हिब्रू 13:9

थीथी कथंया अजू चायापुगु स्‍यनातःगु खं छिमित मखुगु लँय् यंके मफयेमा। नयेत्‍वनेगुलिं मखु, बरु परमेश्‍वरयागु दया मायां थःगु मनयात बल्‍लाकि, छाय्‌धाःसा नयेत्‍वनेगुलिइ जक जुयाच्‍वंपिन्‍त गुब्‍सं भिं जूगु मदु।

हिब्रू 3:12

यःपिं दाजुकिजापिं, होश‍ यानाच्‍वँ। छिपिं सुं नं म्‍वाःम्‍ह परमेश्‍वरयात त्‍वःताः विश्‍वास मयाइपिं व जिद्दी जूपिं जुइ मते।

१ पत्रुस 1:18

छिमि तापाःबाज्‍यापिनिगु पालंनिसें याना वयाच्‍वंगु ज्‍यालगय् मजूगु थितिकुतिं छिमित छुतय् यायेत गुलि मू पुलेमाल, छिमिसं सि हे स्‍यू। थ्‍व लुँ वहः थें नाश जुया वनीगु मखु,

२ पत्रुस 3:17

यःपिं दाजुकिजापिं, छिमिसं थ्‍व फुक्‍क खँ सी धुंकल, अय्‌नं होश‍ यानाच्‍वँ। मखुसा मभिंपिं मनूतय्‌गु खँय् लानाः छिपिं क्‍वात्तुक च्‍वने मफयाः थःगु थासं कुतुं वनी।

२ यूहन्‍ना 1:8

अय्‌जूगुलिं होश‍ यानाच्‍वँ, मखुसा छिमिसं थथे ज्‍या सनाच्‍वंगु फुक्‍कं सितिं वनी। बरु प्रभुं बी धकाः तयातःगु फुक्‍क सिरपाः काये फय्‌कि।