कलस्‍सी 2:6 - नेवाः बाइबल

⁶ गथे ख्रीष्‍ट येशूयात छिमिसं “प्रभु” धकाः मानय् यात, अथे हे वय्‌कलं धयादी थें याना च्‍वँ।

कलस्‍सी 2:6 ပူးပေါင်းရင်းမြစ်များ

यशैया 2:5

अय् याकूबया सन्‍तानत, वा, झीपिं परमप्रभुया जःलय् न्‍यासि वनेनु।

मीका 4:2

अले यक्‍व जातित वयाः थथे धाइ, “वा, झीपिं परमप्रभुया पर्वत, याकूबया परमेश्‍वरयागु देगलय् वनेनु। अनंलि वय्‌कलं हे झीपिं वय्‌कःयागु लँपुइ वने फयेमा धकाः झीत थःगु लँपु स्‍यनादी।” अले व्‍यवस्‍था सियोनं व परमप्रभुया वचन यरूशलेमं पिहां वइ।

मत्ती 10:40

“छिमित दुकाःम्‍हय्‌सिनं जितः दुकाःगु जुइ। जितः दुकाःम्‍हय्‌सिनं जितः छ्वया हयादीम्‍हय्‌सित दुकाःगु जुइ।

यूहन्‍ना 13:20

जिं छिमित खःगु खँ धाये – जिं छ्वया हयाम्‍हय्‌सित दुकाःम्‍हय्‌सिनं जितः हे दुकाःगु ति ग्‍यनी। अथे हे जितः दुकाःम्‍हय्‌सिनं जितः छ्वया हयादीम्‍हय्‌सित दुकाःगु ति ग्‍यनी।”

यूहन्‍ना 14:6

वय्‌कलं धयादिल – “लँ, सत्‍य व जीवन जि हे खः। जिपाखें हे जक बाःयाथाय् वने फइ।

१ कोरिन्‍थी 1:30

परमेश्‍वरं छिमित ख्रीष्‍ट येशू नाप मिलय् यानादिल। वय्‌कलं झीत ख्रीष्‍टपाखें फुक्‍क खँ सीके थुइके फय्‌कादिल। ख्रीष्‍टं यानाः हे झीपिं परमेश्‍वर नाप मिलय् जुइ खन। ख्रीष्‍टं झीत पवित्र यानाः पापं मुक्त यानादिल।

२ कोरिन्‍थी 5:7

अय्‌जूगुलिं हे जिपिं विश्‍वासं म्‍वानाच्‍वनागु खः, मिखां खंगुलिइ मखु।

गलाती 2:20

जि ख्रीष्‍टनाप क्रूसय् सी धुन, जि थः हे म्‍वानाच्‍वनागु मखु, बरु ख्रीष्‍ट जिके म्‍वानादीगु खः। जि ला आः जितः माया यानाः जिगु निंतिं सिनादीम्‍ह परमेश्‍वरया काय्‌यात विश्‍वास यानाः म्‍वानाच्‍वनागु खः।

गलाती 3:26

येशू ख्रीष्‍टयात विश्‍वास यानाः वय्‌कः नाप मिलय् जूगुलिं छिपिं फुक्‍कं परमेश्‍वरया सन्‍तान जुल।

एफिसी 4:1

प्रभुयागु ज्‍या यानाः कुंका च्‍वनेमाःम्‍ह जिं छिमित प्रभुयात यःकथं ज्‍याखँ याना च्‍वँ धकाः दुनुगलंनिसें बिन्‍ति यानाच्‍वना।

फिलिप्‍पी 1:27

ख्रीष्‍टयागु भिंगु खँ न्‍यंकू थें छिमिगु चालचलन नं जुइमाः। छिमित नाप लाःसां, मलाःसां छिपिं फुक्‍कं छप्‍पँ व छगू हे मन जुयाः भिंगु खँय् विश्‍वास यानाच्‍वंगु दु धयागु जक न्‍यने दःसां जितः गाः।

कलस्‍सी 1:10

प्रभुयात यःकथं याना जुयाः छिमिसं वय्‌कःयात लय्‌ताय्‌केमा, भिंगु बांलाःगु ज्‍या यानाच्‍वने फयेमा, अले परमेश्‍वरयात अज्‍ज बांलाक म्‍हसीकाः वने फयेमा,

कलस्‍सी 3:17

छिमिसं न्‍ह्यागु याःसां, न्‍ह्यागु धाःसां प्रभु येशूयागु नामं या, अले वय्‌कःया नामं परमेश्‍वर बाःयात सुभाय् ब्‍यु।

१ थेसलोनिकी 4:1

दाजुकिजापिं, परमेश्‍वरयात यय्‌क गथे यानाच्‍वनेमाः धयागु खँ ला छिमिसं जिमिगुपाखें स्‍यना काये धुंकूगु हे दु। छिपिं उकथं हे जुयाच्‍वंगु नं दु। छिपिं थुकथं हे अज्‍जं न्‍ह्यज्‍यानावने फयेमा धकाः जिमिसं छिमित प्रभुया नामं बिन्‍ति यानाच्‍वनागु दु।

हिब्रू 3:14

झीसं न्‍हापांनिसें लिपा तकं विश्‍वास थातं तयाच्‍वने फुसा झीपिं ख्रीष्‍टनापं च्‍वने दइ।

१ यूहन्‍ना 2:6

परमेश्‍वरया मनू खः धकाः धया जुइम्‍ह मनुखं येशू ख्रीष्‍ट थें जुइ फय्‌केमाः।

१ यूहन्‍ना 5:20

परमेश्‍वरया काय् झायाः झीत धात्‍थेंयाम्‍ह परमेश्‍वर म्‍हसीकादिल। थ्‍व खँ झीसं स्‍यू। धात्‍थेंयाम्‍ह परमेश्‍वरया काय् येशू ख्रीष्‍टनाप झीगु जीवन नं प्‍यपुनाच्‍वंगु दु। थ्‍व हे सत्‍य परमेश्‍वर खः, अले हानं थ्‍व हे परमेश्‍वर अनन्‍त जीवन नं खः।

यहूदा 1:3

यःपिं दाजुकिजापिं, जिं छिमित परमेश्‍वरं झी सकसितं इना बियादीगु मुक्तियागु खँ च्‍वयेगु मतिइ तयागु खः। अय्‌नं आः छिमित परमेश्‍वरं बियादीगु सत्‍य खँय् हे छिपिं क्‍वात्तुक च्‍वनाच्‍वँ धकाः न्‍वायेगु हे जितः तसकं बांलाः ताल।