3 परमेश्वरयागु ज्ञान व बुद्धियागु धुकू हे वय्कः खः।
जुजुं याःगु थ्व फैसला इस्राएल देशयापिं फुक्क मनूतय्सं सिल। अले इमिसं थः जुजुया भय काल। इमिसं वयाके न्याय यायेत परमेश्वरयागु बुद्धि दु धइगु खँ सीकल।
संसारया सुं म्वाःपिनिगु मिखां व खंके फइ मखु। आकाशय् ब्वइम्ह झंगःपन्छीं नं व खनी मखु।
छं उकियात वहः माले थें व सुचुकातःगु धन माले थें माल धाःसा
परमप्रभुया आत्मा वयाके वइ – बुद्धि व दुग्यांया आत्मा, सल्लाह व शक्तिया आत्मा, ज्ञान व परमप्रभुया भयया आत्मा।
बुद्धिया जःया निंतिं वय्कलं सुयाकें सल्लाह कयादीगु दु ला? अले सुनां वय्कःयात खःगु लँय् वनेगु स्यन? सुनां वय्कःयात ज्ञानया खँ स्यन, वा थुइके फइगु लँपु क्यन?
“मनूत खनाः छिपिं ग्याये मते। त्वपुयातःगु खने दइतिनि। सुचुकातःगु सी दइतिनि।
अय्जूगुलिं ला परमेश्वरं नुगलं वाःचाय्काः धयादिल – ‘जिं इमिथाय् अगमवक्तात व प्रेरिततय्त छ्वयाबी। अले इमिसं थुमित गुम्हय्सितं स्याइ, गुम्हय्सितं दुःखकष्ट बी।’
अहो! परमेश्वरया धन, ज्ञान व बुद्धि गुलि तःधं! वय्कलं यानादीगु न्याय थुइकां थुइके मफु। अले वय्कःयागु लँपु सीकेत तसकं थाकु।
थथे खःसां परमेश्वरं सःताःदीपिं यहूदीतय्त व यहूदीमखुपिन्त नं ख्रीष्ट हे परमेश्वरयागु शक्ति व बुद्धि खः।
परमेश्वरं छिमित ख्रीष्ट येशू नाप मिलय् यानादिल। वय्कलं झीत ख्रीष्टपाखें फुक्क खँ सीके थुइके फय्कादिल। ख्रीष्टं यानाः हे झीपिं परमेश्वर नाप मिलय् जुइ खन। ख्रीष्टं झीत पवित्र यानाः पापं मुक्त यानादिल।
वय्कलं फुक्क ज्ञान व बुद्धि बियाः झीत यक्व दया माया यानादिल।
वय्कःयागु थःगु फुक्क स्वभाव ख्रीष्टयाके दुगुलिं परमेश्वर लय्तायादिल।
उकिं जिमिसं फुक्कसितं ख्रीष्टयागु खँ न्यंका जुयागु खः। फुक्कसितं ख्रीष्टयात क्वात्तुक विश्वास याकाः परमेश्वरया न्ह्यःने यंकेत जिमिसं ख्याच्वः बिया अले स्यनेकने यानाः वयाच्वनागु दु।
थ्व खँ न्यंसांनिसें पवित्र आत्मायागु बुद्धिं छिमिसं परमेश्वरयागु इच्छा बांलाक सीके थुइके फयेमा धकाः जिमिसं प्रार्थना याना वयाच्वनागु दु।
ख्रीष्टयागु वचनं छिमिगु नुगः जायाच्वनेमा। छिमिसं थःथवय् स्यनेकने यानाः दुनुगलंनिसें भजन व म्ये हालाः परमेश्वरयात तःधंकि।
छाय्धाःसा छिपिं सी धुंकूपिं खः। अय्नं परमेश्वरं छिमित ख्रीष्टलिसे म्वाकातःगु दु।
अय्जूगुलिं छिमिसं विश्वास यानाच्वनाः जक मगाः, भिंपिं जुइत नं कुतः या। अले हानं भिंपिं जक जुयां नं मगाः, ज्ञान नं दय्कि।
“सुयाके न्हाय्पं दु वं आत्मां मण्डलीतय्त छु धयादिल धयागु न्यनाः थुइकाः का – त्याःम्हय्सित जिं सुचुका तयागु मन्ना बी। अले छगू न्हूगु नां च्वयातःगु तुयुगु ल्वहं छगः नं बी। व काःम्हय्सिनं जक थ्व नां थुइ, मेपिन्सं थुइ मखु।
