कलस्‍सी 2:12 - नेवाः बाइबल

¹² बप्‍तिस्‍मा काःबलय् छिमिसं थःत वय्‌कःनापं तुं थुन। अले सीम्‍ह ख्रीष्‍टयात म्‍वाकादीम्‍ह परमेश्‍वरयागु शक्तियात विश्‍वास याःगुलिं वय्‌कः नाप तुं हानं म्‍वानावःगु दु।

कलस्‍सी 2:12 ပူးပေါင်းရင်းမြစ်များ

लूका 17:5

अले प्रेरिततय्‌सं प्रभुयात धाल – “जिमिगु विश्‍वास अप्‍वः दय्‌का बियादिसँ।”

प्रेरित 14:27

एन्‍टिओखियाय् थ्‍यंकाः इमिसं मण्‍डलीइ च्‍वंपिं विश्‍वासीत मुंकाः परमेश्‍वरं इपिं नाप च्‍वनादियाः गुलि ज्‍या यानादिल, अले यहूदीमखुपिन्‍त नं विश्‍वास यायेगु लँ क्‍यनादिल धकाः फुक्‍क खँ कन।

प्रेरित 2:24

अय्‌नं परमेश्‍वरं वय्‌कःयात कालयागु पन्‍जां त्‍वःतकाः म्‍वाकादिल। वय्‌कःयात कालं ज्‍वना तयेगु ला जुइ हे फइ मखुगु खँ खः।

प्रेरित 2:32

“थ्‍व हे येशूयात परमेश्‍वरं म्‍वाकादिल। जिपिं थुकिया हे साक्षी खः।

रोमी 4:24

झी प्रभु येशू सी धुंकूसां हानं म्‍वाका दीम्‍हय्‌सित विश्‍वास यानाच्‍वनागुलिं झीत नं धर्मी ठहरय् यानादी।

रोमी 7:4

अथे हे छिपिं नं ख्रीष्‍टनापं सी धुंकूगुलिं आः व्‍यवस्‍थायागु अधीनय् च्‍वनेमाःगु मन्‍त। उकिं दाजुकिजापिं, झीसं परमेश्‍वरया निंतिं यक्‍व फल सय्‌केत सिनाः म्‍वाना झायादीम्‍ह ख्रीष्‍टनाप मिलय् जुयाच्‍वनेमाः।

१ कोरिन्‍थी 12:13

थथे हे झीपिं यहूदीत, यहूदीमखुपिं, दास, दासमखुपिं फुक्‍कं छम्‍ह हे पवित्र आत्‍मां बप्‍तिस्‍मा कयागुलिं छगू म्‍ह जूगु दु। अले झीपिं फुक्‍कसिके छम्‍ह हे पवित्र आत्‍मा च्‍वनादीगु दु।

१ कोरिन्‍थी 15:20

सीम्‍ह ख्रीष्‍ट हानं म्‍वानावःगु खँ सत्‍य खः। अय्‌जूगुलिं सीपिं हानं म्‍वाकीतिनि धयागु खँ नं सत्‍य खः धकाः थुकिं हे सीदत।

गलाती 3:27

ख्रीष्‍टयात विश्‍वास यानाः बप्‍तिस्‍मा कयाः वय्‌कः नाप मिलय् जूपिं सकसिनं पहःचहः न्‍हूगु वसः थें पुंगु दु।

एफिसी 2:8

परमेश्‍वरयात छिमिसं विश्‍वास याःगुलिं छिमित वय्‌कलं दया माया यानाः मुक्ति बियादीगु खः। छिमिगु थःगु हे कुतलं थ्‍व मुक्ति दुगु मखु। थ्‍व ला परमेश्‍वरयागु वरदान खः।

एफिसी 3:17

उकिं विश्‍वासं यानाः ख्रीष्‍ट छिमिगु नुगलय् च्‍वनादी। छिमिगु नुगलय् मायां हा काय् फयेमा, अले छिपिं मायायागु लिधंसाय् च्‍वने फयेमा धकाः जिं प्रार्थना यानाच्‍वनागु दु।

एफिसी 3:7

परमेश्‍वरं दया यानाः हे जितः थथे भिंगु खँ न्‍यकं जुइम्‍ह यानादिल। थःगु शक्तिं वय्‌कलं जितः थथे यानादिल।

एफिसी 4:5

अथे हे प्रभु नं छम्‍ह हे जक, विश्‍वास नं छगू हे जक, अले बप्‍तिस्‍मा नं छगू हे जक दु।

एफिसी 5:14

छाय्‌धाःसा जलय् वल कि जलं खइ। उकिं थथे नं च्‍वयातःगु दु – “अय् न्‍ह्यःगुलु दँ, सीपिं म्‍वाना वा। अले ख्रीष्‍ट येशूं छिमित जः बियादी।”

फिलिप्‍पी 1:29

ख्रीष्‍टयात विश्‍वास यानाच्‍वनेत जक मखु, वय्‌कःया निंतिं छिमिसं दुःखकष्‍ट नं सीमाः धकाः वय्‌कलं थथे यानादीगु खः।

कलस्‍सी 1:29

ख्रीष्‍ट येशूं बियादीगु तःधंगु शक्तिं हे जिं थथे दुःख सियाः थ्‍व ज्‍या यानाच्‍वना।

कलस्‍सी 2:13

न्‍हापा पाप यानाच्‍वंगुलिं व व्‍यवस्‍था मानय् मयाइपिं यहूदीमखुपिं जूगुलिं छिपिं सीपिं थें जुयाच्‍वंगु खः। आः धाःसा परमेश्‍वरं छिमित ख्रीष्‍टनापं तुं म्‍वाकादीगु दु। अले छिमिगु पाप फुक्‍कं क्षमा यानादीगु दु।

हिब्रू 12:2

अले झीगु विश्‍वास शुरु यानादीम्‍ह व क्‍वचाय्‌कादीम्‍ह येशूयात स्‍व, लिपायागु आनन्‍दया निंतिं वय्‌कः लज्‍या मचासे क्रूसया सास्‍ती फयादिल। वय्‌कः आः परमेश्‍वरया सिंहासनया जवय् च्‍वनादीगु दु।

हिब्रू 6:2

बप्‍तिस्‍मा कायेगु, छेनय् ल्‍हाः तयाः प्रार्थना यायेगु, सीपिं हानं म्‍वाना वइगु, अले दकलय् लिपा याइगु न्‍याययागु खँ जक झीसं लिसा लिसा कयाः स्‍यनाच्‍वने मजिल।

१ पत्रुस 3:21

थ्‍व आः छिमित बचय् याइगु लःया बप्‍तिस्‍माया चिं खः। थ्‍व म्‍हया खिति सिला छ्वयेगु थें मखु, बरु यचुगु नुगलं परमेश्‍वरया अधीनय् जुइगु खः। ख्रीष्‍ट सिनाः म्‍वाना वःगुलिं झीपिं बचय् जुइ।